在機長家中短聚

話說雖然我跟另一位partner係來自pre-qualified cadet course,但係我地o係adelaide絕不lonely,因為有一大班DA恐龍仔正接受緊14個月的training,既然大家來自同一公司,梗係一家親.無分你我. 食飯坐埋一齊, x'mas 都係成班一齊過. 非常團結.

當中有一位cadet係老外黎ge,佢爸爸原來就係公司的training captain ,仲要係seniority勁高o個隻. 叫得做training captain, 即將來就係自己上司,聽到都有點壓力. 佢本身係澳洲人,家在adelaide,但曾經舉家到香港居住,所以其兒子亦擁有香港ID,that's why he's qualified to apply for cadetship. 今次機長特登x'mas放假飛返adelaide同屋企人過x'mas,亦好友善地邀請我地成班恐龍仔去佢家作客. 當初聽到其實幾有壓力,話晒係將來老細,唔多唔少都需要一點點的拘謹. 亦要著得比較整齊, 心情其實同見工冇乜分別.

結果我地一行13人(其中一人要飛,未能出席) 浩浩蕩蕩, 兩手空空,(除左夾份買左支酒), 開車去機長家食晚飯.

原來佢屋企就係o係海邊, 一入到佢住o個區已經感受到咩叫做貴氣, d屋企靚到呢..........間間都有返咁上下份量. 佢間屋亦都係非常之咁grand, 好正, 好大, 總之就正啦. 一入到去, 已經感受到o個種溫暖, 係從屋裡面的裝潢, 設計散發出黎, 入到去, 已經見到機長在門口迎接我們, 咁當然我地都要逐一介紹自己, 感覺同返到interview 冇乜分別, 不過傾落captain真係超無架子, 除左為我地成班餓鬼安排BBQ,更親自到backyard 燒埋俾我地食, 其間又跟我們每一個人傾下計,講下佢自己工作等等. 佢亦好細心咁問我, 對training有咩意見, 有咩可以幫到我地, 就好似父親咁(明白,係有點肉麻),但係感覺真係差唔多, 佢會好願意逐一了解每一位cadet 的background, 然後又會分享下佢o係公司咁多年的工作經驗, 教我地第時要點樣裝備自己等等. 感覺非常舒服,一下子個氣氛由interview變做落pub傾計,差無幾!

講左咁多, 不如講下食咩? unlikely BBQ in HK,香港BBQ特色係咩都可以燒, 低相對上, 外國比較簡單, 有腸啦, burger, 同chicken wings, 各有各特色啦. 我自己真係冇乜所謂,食得落肚, 飽, 唔會肚痛就ok.

食完BBQ之後, captain就做左導遊,帶左我地行海邊, 去左一個我諗adelaide幾聞名的beach,亦係Miss Chan Chan在我臨我之行跟我推薦的hanley beach. Miss Chan Chan,你的確冇介紹錯, 我去到沙灘, 我ge第一個感覺係"嘩, 有冇搞錯啊? 靚到咁?!!" 真係並非誇張, 的確個沙灘真係好正, 用返一個比較官腔的形容詞---水清沙幼. 除左對鞋, 踏上d沙度, 感覺好似行緊地毯咁, 軟林林咁. 我地沿住沙灘邊一路行, 一路吹下水咁, 我其實都幾8卦,問左好多關於公司的問題, 例如新航點, 擴展機隊,第時可能會飛咩機先等等....咁當然我o係度係唔可以透露咁多啦. 事關好多野都未確實. 不過就幾有趣ge.

anywayz,行完沙灘之後, 就返到機長家中,返到去先知,原來佢的太太已經為我地準備左飯後甜品-------cake, 個cake係好食, 其實又好難形容個味道, 我淨係發覺好好食, 所以食晒, 但係你家下問返我究竟有咩野o係個cake入面,我又真係答你唔到,我淨係記得係啡啡地色, 有一堆白色ge cream on top,有一舊strawberry, 同埋個邊係有一堆白色的硬野, 事關我真係唔知咩黎. 不過口感幾特別.可能會問, 有冇相啊??? 我又唔好意思o係人地屋企影相,話晒人地屋企係有人地私隱, 影左相之餘,仲要放上網又唔係幾好ge,所以唯有靠大家的幻想能力喇.

anywayz, 就係咁,我地好愉快地過左一個晚上, 不過呢, 本以為可以返屋企立即訓覺,咁就錯喇, 事關今朝有一個simulator training, 模擬由fukuoka to osaka to fukuoka turnaround. 所以尋晚返到屋企之後就要prepare個flight, 就係咁搞到好夜先訓. 今朝又要好早起身prepare,所以家下其實都幾攰.

所以不如就講住咁多先.

我有嘗試upload相俾大家睇下個沙灘,但係internet問題,upload過幾次都話係error,唯有等我返香港一次過upload晒所有相上黎俾大家睇啦.

gd night.　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

Adelaide 的2星期

不經不覺(老土開場白)已經到左adelaide兩星期.    首先到adelaide的感覺就好似返左加拿大一樣, 空氣非常好,
空間廣闊, 要講好多英文, 握好多次手, 食fried chicken etc.    Overall,感覺非常唔錯.     今次亦都係我首次去其他flight
school, 發覺這間flight school (FTA)之所以聞名於海外真係有理由, 間scale大不止, 好多野做得好完善, 好有要求, 好有制度. 我從牆上的相片發覺FTA為不少airline train過好多機師出黎.South Africa Airways, Malaysia airline,
Singapore airlines, Qantas ,Emirates (EK), JAL,vietnam airline etc. 當然不少得CX
and KA.     同埋instructors ge背景亦非常資深,有retire military pilots, navigators, airline pilots等等.
而帶我飛的instructors就係以前South Africa ge air force,我今次真係賺晒. 除左型不止, 成個高版Richard Gere咁. 好有機師味道(即係一眼就睇得出係機師), 做人要求好高, 做野有條理, 從佢著衫o個種整齊程度可見一班. 跟佢飛左5次, 真係畢生受用.　

 

黎左兩星期,每一日都咁忙, 加上唔好彩地病左,
睇兩次醫生,先搞得掂,
講起睇醫生,睇完第一個醫生,簡直睇左等於冇睇,
你估佢開咩藥俾我?
vitamin C,使立消 etc. 我明明病到7彩, 但一d
真正的藥都冇俾我,
結果又要搵第2個醫生,
今次個醫生幾好,
話我有URTI,所以開左d
唔會影響飛行的抗生素俾我,食完好好多.     頭2星期要做的係flight grading,即係test下你有冇能力飛一架從未接觸過的飛機,
今次架野都幾難飛,
DA -42, 從要就由diesel engine 轉做avgas engine. 加上係glass
cockpit,我從未接觸過, 所以開頭都有點困難, 但最終都Pass左,
Pass flight grading好重要, 因為如果我pass唔到,
我今日就會o係香港出blog
ga喇,冇得留o係Adelaide. 因為公司規定要pass左flight
grading先可以繼續training. 雖然話之前flight grading死亡率係零. 但係這個世界咩都有可能,
所以要輸的機會依照存在.    尋日飛完, 我同partner等宣判的時候,
o個半個鐘幾難捱,
每一秒都好似過得好慢咁.
當program
manager話"the decision has been made to continue your
training" 我倆真係開心到痴左線, 近乎激動落淚.因為如果真係fail,真係要執包袱,
返香港,
咁就玩完.    我這7個flights成績算不錯, 5分滿分,
我有好多air
work都有4分, 有5,6個滿分, 其他都有3分,
亦有3,4個只有2分,2分不是差,是合格.
但基於唔知個評核準則係點,
所以梗係有d擔心,
正如一位blog友的名言"一日未關機門,一日都有機會被人offload".所以真係要等到宣判完先相信個結果.    之後帶著一個非常開心的心情參加我的好友的畢業禮, 佢係國泰cadet,
昨日公司為他們舉行盛大的畢業禮,
有好多機長都有到來參與,
我亦為這位朋友感到非常高興,
因為基本上大家行的路都係差唔多,
由推飛機,
捱凍,
到instructor,
就instructor到cadet
pilot. 最終見證到大家一齊可以返香港飛, 真係非常難得. 眾所周知要入CPP其實真的不易,
佢由第一次apply,到今日畢業,足足有差不多8年時間.
期間fail過3次,
但每次fail之後,佢都尋找進步空間,
期待下一次的interview,昨日佢終於可以享受咁多年努力的成果.    所以話傳聞中,一生人只有2次機會亦非事實之全部.
只有每次apply都比之前一次在qualification上有進步,
公司或者都會考慮.
努力喇,各位.     anyway,講住咁多先, 明早briefing,下次再談.

下一站: Adelaide

尚有不足24小時, 就會離開香港喇.

要執的都執晒.

要準備的東西,已經準備及安頓好　.

包括托當地朋友幫我買左pre-paid sim card, 亦已為我check左我未來幾日的schedule, instructor ge background等等.

可做的已經做了. 一切都ready,如箭在絃!

不少朋友,親戚都有問我同一個問題, 心情如何?

老實講, 我知道這次機會非常難得, 但壓力暫時不大. 我對自己有信心, 我相信自己的能力, 我相信只要每一次飛前, 準備充足, 唔明就問. 到時應該可以達到學校要求.

心理上支持亦非常重要, 我永遠相信其他人可以做到, 自己都應該爭氣,唔好令所有支持我的人失望. 加上, 公司揀得你, 即係你的能力有一定的肯定. 所以現在的我對未來的training有一定的信心. 不過我仍然會謹慎處理每個flight,絕對不會讓勝利沖昏頭腦.

不過肯定的一樣野,就係到時要放好多時間在書本上, 可能係有生以來, 最努力的一次. 但係值得ge. 唔辛苦,邊得世間財呢!

總之大家放心, 我一定會滿載大家給我的期望到Adelaide. 作為精神上的花旗參. 攰的時候,上黎睇返你地的留言, 就會充滿力量!!

成敗得失係其次, 最緊要問心無愧. The god will do the rest.

最後僅祝一位blog友, 明天亦是她新婚的日子, 祝這對夫婦白頭到老, 永結同心

Adelaide見喇,各位!　　　　　　　　　　　　　　　　　　

　　　　　　　　　　　　　　　

Pre-training Briefing

距離離開香港尚餘數天, 今天到了Ka House,做左個pre-training briefing.

今天最主要講解下到時training的要求, 當地天氣, 逗留期間要注意的事項, 氣氛非常輕鬆.　　 

亦趁這個機會跟和我一齊到Adelaide接受training的朋友會面. 成個batch只有我和他一起去adelaide training. 他是一個來自uk 的. 非常友善,成熟. 我跟他傾了很久,乜都傾一餐. 我地大家都發覺大家各有長處, 可以互補長短, 我深信跟他將會非常合拍.

今次到Ka house,除了得到一個briefing外, 亦收到公司借給我一些書籍,有助我考hk ATPL. 有左這些書之後, 應該可以更加清楚知道HKCAD的要求.

最重要的是, 今天兩位captain都重複同我地講, 在Adelaide的training將會非常intense, 除了preparation 之外, 就算不用飛的時候,最好留在房內溫書. 盡量將需要的知道放得幾多得幾多入個腦度, 我亦心中有數,未來6星期的training將會絕對輕鬆. 但係我只要下苦功,應該並非mission impossible ge. 壓力不是太大. 反而希望快d收到學校派的studying material,令我盡快可以做preparation.

幸好,有朋友正在adelaide受訓中, 我想他應該可以給我一些意見, 事半功倍.

anywayz,尚有數天, 真係非常期待, 差不多兩個月冇飛, 真係非常手痕. 同埋第一次南下, 有一點期待這次公幹!　　　　　　　　　　　　　　　　　　　　　　 　　　　　　　　　　　　　　　　　　　　 

　　　　

從亞運健兒中得到的啟示

近來亞運進行得如火如荼, 作為一個足球迷的我,亦親身上左去3次(經濟上不能支援我睇足4場), 親證香港足球代表隊的表現,雖然落敗, 但我對港隊的表現仍感到自豪, 輸了比賽,卻嬴盡各方面的支持與掌聲.

香港隊其他比賽亦表現得非常出色, 但留意到反而係每個得獎健兒背後的努力, 他們有些曾經係在之前1,2屆落敗, 有些曾因種種原因在訓練上遇到障礙. 但最後因為佢地的堅持, 不放棄的正面態度,令佢地今屆可以昂然踏上頒獎台最高的位置.

對於各有志成為民航機師的blog友, 我希望你們都要有這種運動員的精神. 就算現在看到的未係最順利,但係仍然要堅持自己的信念, 努力,放多一點時間在自己的夢想身上, 我深信你們一定可以坐在cockpit內,衝上雲霄.

讓我o係度分享一個實質的例子.

我有個朋友叫J先生, 我們在moncton學飛的時候認識, 在那裡遇到中國人已經夠難, 係香港人就更難. 所以我同佢交情特別好, 加上我們竟然係同一班機由toronto to Moncton,所以都算幾有緣.

J先生本身好細個已經好鍾意飛機, 好想做一個飛機師, 他一直好努力地為這個夢想邁進. 他本身讀書成績好好, 在HKU electrical engineering 畢業, 畢業之後曾經在瑞士銀行做IT, 收入不俗,但始終並唔係自己心目中理想的行業, 所以在2004年投考本地飛行員計劃(CPP). 一切都非常順利頭幾關都順利通過, 之後獲公司邀請到adelaide 接受2星期的flight grading (即測驗該candidate有冇potential 成為飛機師). 不幸地, 經過評估後, 飛行學校告知公司這個candidiate fail, 結果望門輕嘆, 一個近在咫尺的夢想頓時幻滅, 他當然感到非常失望.

失望過後,他反省過來,重新振作,繼續努力令夢想成真. 他首先打電話給該航空公司, 而航空公司亦好老實說,flight grading fail的話, 好大可能再也沒有機會再次獲得interview的機會. 但他依然沒有放棄, 他認真就算係0.01%都是機會. 所以用一年時間儲了一些金錢, 然後辭左份工, 毅然飛到一個從未去過的地方接受飛行訓練. 他有兩個期望, 首先希望在加拿大考取牌照, 令公司覺得佢有誠意在這行發展, 亦證明自己有能力飛好一架飛機. 其2, 就算公司真的不考慮, 亦希望在加拿大由instructor做起, 慢慢累積飛行經驗, 希望最終成功世界上其中一間航空公司的機師.

他真的是一個非常努力的人,我住在他對面的房間,我星期五晚上會睇波, 睇劇, 但卻依然溫書, 準備未來幾日的飛行and課堂. 有機會的話,亦會作為passenger跟其他學生飛, 希望從中學習到一些技術. 其實做passenger並非輕鬆,做一次或者好過癮, 但飛過幾次後, 真係會有些悶,加上晚上凍, 出面黑漆漆, 需要的集中力跟體力亦非常大. 但他仍然堅持, 最後他是他班中以最少時間完成所有training,亦得到學校頒發不同的獎項, 其中一個獎項是由一間當地的domestic airline贊助, 得獎者可以獲邀到該公司interview呢.

當完成training後,他亦考到instructor rating,隨之他立即再次投考某本地航空公司的CPP. 今次他比上次作更完美的準備. 除少每日到library溫書之外, 亦租借了學校的飛機, 飛了3小時(價值大概$2000元),練習不同的技術,希望可以突破上次的成績,盡量在flight grading表現自己最出色的一面. 最終他的努力真的打動了該公司, 不過打動還打動, 他依照要由頭再in過, 結果由於準備充足, 頭幾關亦沒有問題, 再次獲邀到adelaide,由於他今次是有飛行經驗的candidate,所以要進行advanced flight grading,比普通flight grading更難.但他今次在心理上的準備十分充足, 信心亦增加了不少, 最終亦沒有令自己失望, 昂然被公司取錄, 而且已經完成60星期的訓練,在各航班中執行, 最令他感動的是, 評核他的instructor向他說, 以他的表現, 公司不請他,是公司的損失. 亦深深證明左,當年的決定非常正確,雖然當中有很多辛酸, 說不出的痛苦, 但到那一天, 證明用行動去證明,一切血汗是有價值的.

希望透過這個故事令各有意成為飛機師的blog友有一個鼓勵作用, 同埋記住CPP只是其中一個渠道成為民航機師, 並非唯一出路. 在世界各地,包括加拿大,美國, 紐西蘭等國家的航空公司並沒有這個計劃, 當地的人要自費或是向家人借錢考取牌照努力地由instructor或者charter pilot做起, 經過10多年的努力先可以成為airbus或者boeing的副機長. 所以如果投考CPP不成功, 並非沒路, 亦唔希望大家因為cpp不成功就放棄自己的夢想.咁輕易放棄的,就不是夢想! 如果這條路不通, 咪跟其他人一樣就instructor做起,慢慢每年累積飛行經驗, 大城市唔請instructor,咪由阜仔的flight club開始, 慢慢做起, upgrade左, 到左一個高一級的instructor,咪搬到其他大城市繼續做, 每日飛3個鐘,唔夠, 飛夠5個鐘, 5個鐘唔夠, 飛夠7個鐘. 只要你有決心的話, 你會發覺7個鐘只是不外如是. 因為你知道每日飛7個鐘, 最終會令你跟夢想愈來愈近.愈快達到.

下次我教大家怎樣從CPP以外的方法成為民航機師.　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

Pre-qualified cadet pilot programme

自從考進龍公司之後, 都有好多朋友留言問我關於這個programme ge detail.

等我今日講一講先.

固名思義, pre-qualified 即係即係applicant在申請之前要有一些資格先可以申請. 而公司的要求如下:

1. HKID card , 當然係必須, 因為係本地飛行員培訓計劃ma,不過記住係permanent,如果在外國出生的朋友,記住要住滿7年先可以拎到永久身份證啊.

2. 擁有CPL (commercial pilot license) and ATPL written exam completed. 如果有cpl的朋友,又未有ATPL,記住要考完,pass左先可以申請啊, 這個是民航處的要求.

3.class 1 medical certificate(without restriction).

4.250 hours of total flight time(至少250小時飛行經驗,當中solo, dual, instrument, cross country time各有要求, 最重要一樣野,一定要complete 一個300 nm ge cross country with no less 2 stops in between and must be completed within a day with the same aircraft(unless other reasons like aircraft problem).

5. excellent command of english. (英文好,非常重要, 唔止要好, 仲要好好. 聽,講, 讀都要好,一個英文權威的老師同我講, 如果你聽完人地講野, 唔洗translate做中文,就可以對答, 咁就要做ok, 要更好, 就要流利, 反應快, grammar好, 咁就為止perfect),學英文冇shortcut,真係要多講, 多聽, 多睇. 我個人建議多d同外國人溝通, 因為個個國家的人講英文都有唔同的accents, 所以與不同國家的人傾多d計,絕對有幫助).

仲有interview之前,記住影印定d logbooks ,certificates, licenses等等.

for further detail ,please visit company's web site at

http://www.dragonair.com/da/en_HK/e73ddcc79112a210VgnVCM1000000ad21c39RCRD?refID=2e46dcc79112a210VgnVCM1000000ad21c39____

從我留意到, 向我提問的blog友都好有heart想成為一個民航機師. 我深信只要你們堅持這個信念, 你們距離成功絕不遠. 成功的最大捷徑就係努力.

加油.　　　　　　　　　　　　

向港龍進發

相信大家都從Miss Chan Chan ge blog 得知道這個消息. 如果未知的朋友,那麼我就o係度正式話俾大家聽, 港龍已經取錄左我. 我將會在下月尾起程前往Adelaide, Australia 接受至少6星期的training.

一個十年的夢, 夢想成真,講感受, 真係講幾日都講唔完. 10年夢想, 受過好多人的冷言冷語, 覺得機師o係香港冇可能, 覺得我冇可能做到. 聽完之後仍然要o係佢地面前扮無野, 去到new brunswick 經歷過4年的寒冬, o係-30度下室外捲電線, 推飛機, 幫飛機入油, lee d經驗與痛苦, 我這一世永遠會記住, 但就係因為痛苦係可以鍛鍊人生, 令我對這個夢想更加堅定, 更加堅信自己係可以做得到, 由最初連飛機安全帶都唔識戴, 到可以一個上去飛, 可以考到第一個牌, 再成為一個flight instructor,最後今日可以被一間airline取錄. 真係感觸良多, 當我收到這個消息時,都仲可以強忍淚水,向爸爸媽媽公佈這個消息, 但當見到阿婆, 同佢講返起我這7年, especially o係new brunswick 4年的辛酸, 我終於忍唔住流左好多眼淚, 這4年可以說是我人生中最辛苦的4年, 一個人住, 去到一個people of nowhere 的地方, 冬季氣溫, 加埋風速效應, 經常跌到只得-30-40度, 但做part time時候,每天,天未光, 就要將d飛機由hanger推出apron, 再幫每隻飛機de-ice, 加上日以繼晚的溫書, 飛行累積經驗. 到最後做instructor, 又係經常的飛, 用盡氣力去教好每一個學生, 我其實真係感到心力交瘁, 一個人生活, 好多野真係盡在不言中, 就算幾唔開心都好, 又點? 打返香港,可以ma?屋企全部訓晒, 病, 可以搵邊個? 出街諗住買碗的機會都冇. 好多辛酸都要自己梗晒, 第2朝訓醒, 當冇事發生, 又再工作, 仲有好多,好多痛苦回憶一一o係我同阿婆傾計中浮現, 我流淚, 係因為我多謝自己的身體,一齊同我努力, 我絕對不是一個最好的主人, 經常只係食公仔麵過活, 工作時間長, 經常早起, 晚睡, 冬天又冇帶佢加厚衣服, 我知道我個身體都為我撐得好辛苦. 今日的成功, 終於肯定當日的努力係沒有白費.

當然,我慶幸地人生人遇到一個咁無私的家庭, 將所有時間, 金錢都會花在仔女身上的父母, 亦遇到好多好朋友, 老師, 同老細. o係每一個地方, 香港, toronto, new brunswick都遇到好多朋友對我好好, 好錫我, 令我更有動力都做好每一件事. 今次之所以成功, 並非單憑自己的努力可以達到, 沒有佢地的幫助, 單憑我一人之力, 只會有點力不從心的感覺. 但要多謝的人太多了, 我留待下篇先再講一講.

仲有, 最重要, 多謝blog友們, 某部分blog友更係最早已經認識, 亦有好多blog友對我說由第一篇開始睇晒. 如果你地睇返我以前的故事, 我並非一帆風順, 亦曾有失意, 失敗的時候, 好多謝你地的留言, 去鼓勵支持我, 去撐我去爬返起身再黎過. Thank you.

希望藉著這個機會去鼓勵尚在努力中,或對前路抱有懷疑的朋友, 千萬唔好放棄,一定要堅持,忍耐, 肯捱, 樂觀, 對將來抱有希望. 只要keep住這個夢想, 機會一定會來.

送大家兩句說話

"When the going gets tough, the tough get going" --- 意指前路愈難, 要愈更努力.

"things always happen for a reason" --- 每一件發生都有它的原因. 我就因為試過失敗, 更加從失敗中累積經驗, 令我可以更早裝備好自己, 為下一次的機會更早作準備.　　　　　　　　　　　　　　　　　　　　　　　　　　　　　　　　　　　　　

最後, 我要感謝Miss Chan Chan,雖然我與她素未謀面, 但當我準備時interview, 曾提出好多問題, Miss Chan Chan與她的男朋友不厭其煩地幫我手,解答我的問題. 而今次得左, 更特意出一篇blog去寫這個故事. 我自己睇完都好感動. 多謝你地.

最後最後,我應承大家, 今後我會繼續努力, 我清楚知道今次只係一個起點, 學飛的路永遠都唔會完, 就算真係踏上這個崗位, 我相信我仲有大把野要學, 直到退休, 所以我唔會輕敵,繼續堅持對自己的事業有要求. 不會令大家失望.

下次再傾.　　　　　　　　　　　　　　　　　　　　　　　　 　　　　　　　　　　　　　　

加拿大生活之醫療篇

自從去左加拿大之後, 發覺加拿大的醫療體系同香港有好大分別. 各有各好啦.

今次講下加拿大的醫療制度的特點. 

加拿大係一個人口老化的國家,所以國家好注重醫療方面的發展, 希望可以顧及所有人的需要. 雖然稅重,但羊毛出在羊身上的情況下, 我覺得問題不大.

到左加拿大對於醫療的一大發現係------原來o係加拿大的診所睇醫生係唔洗$$. 我以前都唔信, 直至我有一次去到一間診所, 見證住其他人睇完醫生後, 淨係同nurse講句"thank you, have a nice day"之後就離開. 除左睇醫生唔洗$$外, 連打針等服務都係一概免費. 所有鼓勵左加拿大人去睇醫生,並唔會畏疾忌醫. 不過, 藥係要$$ ge, 但係藥又唔係o係診所拎.

買藥問題

情況就係咁ge,睇完醫生之後, 醫生會開左藥方俾你, 你就可以拎住張藥方比藥房執藥.如果你認為,睇完醫生,知道咩事的話,又或者認為屋企的藥夠用的話, 可以選擇唔執藥. 當然後果自負啦. 多數情況, 醫生開的藥都係要有醫生紙先可以買到, 所以每次去買藥的時候,記住帶住張醫生紙. 而藥劑師除左執藥之外, 還會教你幾時食藥, 藥效等細節.

咁又會問, 睇完醫生,又去第2度執藥咪好煩? 非也!!好多藥房其實都開o係診所隔離, 行2步就到, 亦有好多情況係成座building都係診所, 之後會集中晒o係一間鋪度拎藥.

醫院, 急症服務

先講急症服務, 由坐救護車去入院,由入院到出院都係免費. 我有個朋友好不幸患上cancer, 由於new brunswick 沒有足夠的醫療設備去做電療等treatment,結果該省醫生轉介佢去toronto的醫院接受治療. 整個過程由住院, 電療等亦全部免費, 由聯邦省政府代為支付. 除左由new brunswick飛去toronto程機票之外, 我朋友什麼也不用支付. 你會問, 有冇搞錯呀? 個省咁廢ga?? 首先,我朋友係患上鼻煙癌, o係西方社會係唔多見, 階因中國人鍾意食"奄"野, 用好多香料, 例如咸魚等食物就會有可能患上這個cancer, 需知道toronto 多中國人,所以當地會有咁的技術去醫治這個cancer. 而且toronto大部分醫院都有中國人醫生, 護士作翻譯,變左溝通上會冇問題.所以如果有意帶老人家去加拿大養老的朋友可以放心, 語言並非一個障礙. 

同埋, 據我朋友講, 加拿大的醫院效率比香港高(等街症除外), 好似佢患癌症, new brunswick o係由醫生證實左個癌症後, 知道當地沒有技術support, 立即轉介佢去toronto醫, 去到當地等左2日,立即做手術, 電療等等.

不過有一樣搞笑野, 加拿大真係一個好均真的國家, 放假就放假,話之你係咩工都好, 都應該有有假期,所以上年x'mas 期間, 除左有生命危險的病人外, 其他都要離開醫院, 所以我朋友都要去左一間療養院住, 療養院係同醫院有聯繫, 每15分鐘會有車送佢地去醫院, 有醫生註守, 有問題先會叫白車送佢地去醫院. 療養院係收$$, 如冇記錯,好似係28蚊一日, 包3餐等.

住遍遠又如何?　

加拿大咁大, 萬一住得遠點算呢? 加拿大係冇飛行服務隊, 加拿大省政府係將這個服務外判左俾一d專做醫療服務的包機公司, 由佢地派出直升機, 或者小型醫療包機直接送往醫院.

好似如果這個城市沒有這個服務, 醫院就會將病人由包機送往其他城市的醫院治理.

什麼人會受惠?　

當然係要有加拿大居民身份要可以享有這些醫療服務. 但係每一個人都需要持有一張card要確認其身份, 無論去醫院, 診所都要出示這張card. 張card 個名o係每個省都唔同, 例如ontario 就叫做OHIP( Ontario Health Insurance Plan) ,張card係要申請,去當地ge service centre就可以申請到, 每個省service centre 個名係service (省名字), 例如ontario ge service centre 就叫做service ontario, new brunswick (service new brunswick) 講開lee d service centre, 有樣野真係好抵讚.下次再講.

至於持有工作證的人仕又有冇這個福利呢? 答案係...........有ge. 好似我咁,而家拎住工作證, 絕對可以申請這張card ,令可以享有加拿大的醫療福利. 點解? 因為我有交稅, 我現有的身分係臨時居民身份. 所以可以享有這些福利, 原來唔止, 經我查詢下,原來如果我有老婆仔女, 我可以帶埋佢地去加拿大, 我的仔女可以免費讀書,直至high school畢業.

Visa student 點算?

visa student由於並非當地居民, 所以並唔可以享用醫療服務, 所以當時我以visa student物份到toronto 讀書, 就o係當地的insurance company 買左份insurance 專for visa student. 包每年一次身體檢查, 所有睇醫生費用, 包括藥費都可以claim,只要填妥份form,都俾醫生簽名,stamp就可以寄返公司, 佢地會寄返張支票俾你.

所以我特別提醒visa student就算買保險, 可選擇o係加拿大買, 一來, 唔洗寄d野返香港, 又唔會因為匯率而有所損失.

不過以上係個人意見, 或者而家有些香港的insurance company而家會有更好,更方便的plan .總之記住揀一間適合自己的insurance company and plan.

今日講住咁多先. 如果你地有什麼問題, 都可以提出.

下次講下加拿大冷知識.　　　　　

example of OHIP card( from google)　　　　　　　　　　　　　　　　　　　　　　　　　　　　　　　　　　　　

　　　　　　　　　　　　　　　　　　　　　　　

加拿大之交通篇.

耐冇update個blog,因為近來真係做到冇晒胃口.

天氣熱, 一日焗o係架小型飛機度, 真係pizza焗到兩個出黎.

有人會問? 冇冷氣ga咩?? 小型飛機始終係小型飛機, 唔係架架都咁細緻連冷氣都裝埋.所以每日4,5個鐘咁飛, 真係好攞命.

好喇,今日休息. 所以可以寫下野.

放榜之後, 成績唔好的朋友或者都好想試下出外試下. 我睇完星期二檔案, 其實有野樣唔係好認同, 有個中學生話"難聽d講, 去外國讀書, 即係用$$買學位" 其實我覺得咁講對我地lee d o係外國讀書的人唔太公平, 事關難道我地冇努力過咩? 香港學calculus,加拿大咪一樣, 香港學26個英文字母, 唔係加拿大會少幾個? 難道加拿大的periodic table會少幾個elements?

所以我絕對唔認同外國讀書人係買學位, 咁講太以篇概全喇. 以外國讀書, 反而有時會比o係香港辛苦. 你諗下,你o係香港放學, 返屋企就有碗湯飲, 大時大節可以同屋企食飯, 我地lee d流亡海外的人, 返屋企, 攰的話, 煮唔到野,冇得食就係冇得食.大時大節咪都係留o係企, 一個人食住麵過, 最多加兩塊肉,(你會話係咪咁誇張呀? 我真係冇誇張到, 我唔同其他人,或者其他去外國讀書, 鍾意同d frd clubbing,玩到好夜, 我自己唔係,所以大時大節真係試過咁過, 一來唔鍾意飲, 2來晒$$(飲水唔係平好多咩?), 3來, 我咁想飛, 如果因為酒精引致身體有毛病, 我咪好傻仔?)

講返今次topic,交通篇.

　

要進出加拿大, 最普遍的兩個方法係陸路,或者海路從美國入境.或者最直接從空中入境.

先講下由香港出發.

暫時由香港出發,去加拿大的只有兩個port, 1係vancouver, 2係toronto分別由air canada同cathay pacific 兩間航空經營.

至於揀邊間, lee d野好睇個人. 我自己冇乜preference,總之平就坐,服務,飛機餐並不在考慮之中, 咁想食好野, 留返個肚落地面食唔好過??.

但如果你有諗過o係加拿大內陸飛來飛去的話,咁揀air canada 會係一個唔錯的選擇, 事關可以儲到aeroplan ,賺取到免費機票.　　　 

但係有個concern就係直航機一定係貴, 加上加拿大稅重, 加加埋埋其實可以考慮下從其他port出發.

加拿大同美國關係密切, 經常有航班來往兩地, 所以由加拿大飛美國轉機返香港亦非常方便, 當然有人話usa security 煩, 咁魚與熊掌又唔會兼得ge, 要平又快,點有咁荀ga?

美國有幾間airline都有provide定期航班,轉機到加拿大,包括continental airline(現已與united 合併), united airlines, 同埋delta airways.

如果想選擇其他亞洲航空公司亦得, China airlines, Air China, China eastern airlines, JAL,Philippine airlines ,eva airlines and Korean Air. 佢地都有provide 航班到vancouver and toronto, 價錢上以china airlines最平.

同埋,上網訂票有樣好, 你會知道d $$洗左去邊, 我唔係話旅行社無良, 不過的確有d旅行社會俾個票價你, 加其他雜費, 但其實個雜費又係任佢up個數, 所以上網去airline買會比較穩陣. 同埋,做左member經常有promotion emails 隨時執到平野.

仲有好多時, 留學生如果乘搭飛機, 航空公司都願意給予多少少的baggage allowance,即俾你帶多少少行李.至少detail都係問返airline會好d.

anywayz,今次講住咁多先, 下次想講下做instructor的苦與樂.同埋由學飛到真正坐上一架747,究竟條路可以點行.事關近日都有朋友提出lee個問題, 除左CPP之外, 仲有冇其他辦法呢?

到時再傾.　　

　　　　

　　　

　　

　　　　　

　　　　

　　　　　

　　

　　　

　　

　　　

　　　　　　　　　　　　　　　　　　

我要生BB 與 小小星光.

唔知大家有冇睇過lee兩集星期二檔案.

我就剛剛睇完.

睇完感覺係,好誇張, 好恐怖.

先講"我要生BB" o個集. 我認同其中某些夫婦的態度, 對未來有衝景, 經濟上許可, 生BB當然係理所當然, 但我卻唔認為其中一對父母話因為人人都生, 所以我都要生.
生BB唔係潮流,唔係話人有,你有.

先睇返點解要生BB? BB係新生命, 生小朋友的目的,離不開想有下一代, 想有一個更完整的家庭. 但就唔係見到人地有, 自己就想有, 朋友的性格, 經濟能力未必同你一樣,
取決於生與不生之前, 我自己覺得應該先諗下自己想有小朋友係為左乜? 鍾意同BB玩? 想"試下"做父母的感覺?
人生一個故事, 唔一定係讀書>工作>拍拖>結婚>生BB>做grandparents> 退休.
這個故事, 好似好完美, 但係如果其中缺少左其中一,兩項,我覺得並非憾事. 一切的事既來之則安之吧

.

我記得有個家庭的故事仲誇張, 歲幾就要個小朋友學spanish,japanese, french等語言. 坦白講, 我而家淨係識英文, 廣東話, 我唔認為識這兩種語言不足以在這社會生存.

最搞笑佢地係話因為爸爸想, 自己鍾意,但細個冇機會, 所以就要自己小朋友去完全自己未做完的事, 咁個小朋友只係你的扯線公仔, 冇根本冇自由, 佢都係人, 佢應該有佢自己選擇做自己想做的事. 佢得歲幾, 連廣東話都未講掂,就學其他語言, 成效有幾多呢? 見仁見智. 香港唔係一個資本主義,鼓吹自由的城市嗎? 幾時變得連小朋友自由都受自己控制. 佢地有童年可言嗎?
我最驚就係某些父母會叫自己的小朋友今日學咩, 聽日學咩, 究竟有冇問過佢地自己鍾唔鍾意? 父母為小朋友好, 乜唔係應該以小朋友的開心為大前提咩? 你話, 學多D野, 第時搵間好學校,名校呀!我自己由細到大都係讀街坊學校大, 我唔覺得自己學的野比其他名校少!! 名校上大學的機會比街坊學校大?i highly doubt it. 讀得書的, 就真係咩學校都讀得書, 與其靠學校, 不如靠自己在家中比多d時間陪下自己的仔女溫習功課. 咁樣係一個交流, 聯絡感情的良好機會, 靠補習冇錯, 當然可以教到佢地, 但係如果有補習, 咁學校的角色是什麼?
與其迫自己的小朋友去學, 不如用第2個term" motivate" 帶動佢地去做佢地自己想做的事仲好!
anywayz,當然可能會有人話你唔係做人老豆,你梗係唔明做父母想自己仔女成才的欲望啦, 當然我真係唔明, 因為咁的欲望, 我真的寧願唔要, 要搞到自己的小朋友冇晒童年, 咁我寧願佢選擇佢自己鍾意的活動,在旁附助佢地進步.

至於睇完"小小星光". 我覺得雖然我地o係電視睇, 就覺得好爽啦, o係廣告度見到咁可愛的小妹妹, o係電視劇度見到咁可愛的肥仔, 但係對lee d小朋友黎講, 最怕引入一個錯誤的價值觀. 就係因為暴光率令到自己覺得自己係明星,將自我形象提升, 覺得自己高人一等, 對佢地將來同人溝通,識朋友將會產生一個好大的障礙. 咁又何苦呢? 好似萬寧妹妹咁, 原來好多佢自己都唔鍾意的, 咁我覺得作為父母, 真係見好就收. 無謂搞到自己個女唔開心, "嬴左粒糖, 輸左間廠" 有意思咩?
我自己如果他朝有一日咁幸運做到人地老豆, 我肯定唔會佢地做其他小朋友生活以外的活動. 小朋友應該有返佢地小朋友的生活圈子, 千萬唔好踐過界, 由佢地自由成長吧.



 

無限的感動

今日唔洗返工, 但返左學校開會.
返到屋企check email, 突然見到一個有中文內容的mail.
好少有,因為所有學校的email都係用英文,包括同學生溝通的都係全用英文.

click入去先知道原來係我一個以前來自廈門航空的學生,返左國內. email我,向我問好. 這個學生, 我好有印象,佢係我第一個考到PPL的學生.佢而家返左國內上groundschool,考埋type rating就會飛737.

睇完個email, 真係非常之咁感動.
especially 第一段
"亲爱的john:

  　好久不见，你好吗？

　　我是toni,中文名是 冯飞雄
，不知道简体的汉字你看的懂不？  原谅我这么久没跟你联系。

        最近在fredericton怎么样啊，工作挺顺利的吧， 你
总是一个好教官，脾气好，心地也好， mfc 能有你在，是mfc的幸运，也是学生的幸运，更是我的幸运。 据说你在考IFR了，希望你能顺利的
通过， 最终实现你的人生理想。"

感動係因為估唔到o係學生心中的印象是正面, 同埋得到佢地的尊重, 比起因為份工得到的酬勞更重要. 我以為當教完個學生之後,佢地返到國內之後就會唔記得左教飛的人.點不知唔止記得我,更邀請我去廈門見佢地.

雖然只係一個email,但已經令我覺得做flight instructor係一份好有意義的工作. 奈何fredericton 沒有大家樂, 沒有燒立飯食. 如果有燒肉, 紅腸,我諗或者我會留低.

anywayz, 這是今日的一個驚喜. 感謝學生的愛戴. 這些回憶只會長留腦海中.永不忘記.亦好高興的係佢地現有的成就, 原來我自己有份的.

以下是email的全文, 睇唔到的朋友,可以去相簿, 放大張相來看.

小遊toronto Jun 14-18th

前星期又走左去toronto放幾日假. 事關以前d highschool frd 畢業,加上實在返工返到厭, 又乜野做咁,不如放多兩日假,落toronto食下chinese food,見下中國人唔好??!

餐餐都好豐富, 真係一個天, 一個地! 怪唔之得lee 度咁少asian. 食burger,食steak, 食完都發惡夢.

今次都係周圍行下, 行下dt, 見下d朋友,入左waterloo, 去機場送機等等,非常簡單, 簡樸relax的生活.

第一次入waterloo, University of waterloo 算係全世界有名的大學, especially engineering ge program, 據聞bill gates都會上黎加拿大,特登o係U of waterloo招攬人才. 原來入面真係有好多rim ge building, 應該都係rim ge 大本營!!
成個town 都好平實樸素, 怪唔之得, d讀書咁勁, 因為唔讀書, 真係冇野好做.

anyway,返到new brunswick除左面對返d學生之外, 又要自己考試,又要renew 個IFR rating,希望o係7月中搞掂啦.

好耐冇update.

事關近來achieve 到d野, 陣間講.

講返上次點解咁開心, 因為我個學生pass左CPL flight test, 成為一個商用飛行員了. 開心係因為我勁唔鍾意做spin, especially個學生好用力去spin架機, 真係轉到好難頂. 同埋after flight test, 個examinar debrief 話lee個係一個good pass. 更感到好強的滿足感. 辛苦但值得.

令一難以置信的事, 我近來去左一個朋友的畢業禮. 佢係我的香港中學同學, 其實本身已經失去聯絡左7,8年有多since i left for Canada,今年頭透過另一個朋友講講下先知道佢原來都係去左加拿大讀書, 更難得的事原來佢間U就o係我附近. 點解話難得. 因為我lee度真係中國人真係少之又少. 有中國人已經難得, 有香港人更難得, 有香港人原來係自己中學同學更難得.不過可惜o係佢year 4 先撞返, 如果佢早d撞返, 或者可以車佢周圍去.anywayz去左佢的畢業禮, 真係好鬼warm, 佢屋企人加佢男友and 佢男友的媽媽一齊老遠飛去加拿大睇佢畢業,仲陪佢玩左大半個加拿大.

當然有一點羨慕.但係只有一刻, 家境唔同, 冇得比較. 雖然我冇一群人睇我畢業, 但有屋企都唔錯啦. 是鬼但啦. 畢業禮唔齊人,唔緊要, 喪禮齊咪得lor!!哈哈, 人就係咁ga喇, 講下笑, 樂觀d,生活就會過得好快樂.　

anywayz, 有幸參與畢業禮, 實在係幾開心, 見到同學父母面上流露那份滿足感. 真係俾$$都唔買唔到, 又見到其男友細心為佢打點一切, 真係好幸福. 第一次見到同學仔的爸爸媽媽,兩個都好好傾, 一路o係學校周圍走, 一路同我傾計. 十足十interview咁, 又問我點解想做機師, 點解會黎加拿大, lee一行o係香港有冇出路等等, 最搞笑佢地係問"好地地點解想做機師ge?" 搞笑! anywayz,佢地同我講話好佩服佢個女.一個人o係個咁的地方捱左4年. 佢地話lee個地方咁住得人ga, 人又小, 又凍,交通又唔方便, 又冇"飯"食, 佢地話o係度住一日都嫌多. 我聽到都好感慨, 我正正係其中一個生還者. 老實說, 佢爸爸媽媽講得冇錯. lee 度真係有好多不足的地方, 但係正正係因為lee d環境的惡劣, 就可以磨練到我地的意志, 後生仔, 捱下又如何?所以我同我中學同學都覺得雖然咁多年都過得好辛苦. 但絕對值得. 又咁講, 我覺得lee度除左凍, 落雪多, 同埋太靜,冇唐餐之外, 我真係覺得冇乜太大問題, 適者生存, 我成日我阿媽講, lee度只要有間大家樂,我都唔會走, 冇唐餐真係好痛苦. 簡單黎講, 冇理由叫隻羊食牛肉ga ma!根本唔match.　　　　　　　　　　　　　　　　　　　　　　　　　　　　　　　　　　　　　　　　　　　　　　最後佢屋企仲好好客請左我食飯,不過同完飯,送埋佢地返屋企, 揸左兩個鐘車先返到屋企, 成條highway又靜,又冇乜車,又黑(加拿大d highway同香港唔同, 只有highway出口先有燈,其餘係一支街燈都冇,所以晚上行highway千萬唔好貪快!"

可立的朋友,認唔認得佢呢??　　

另一開心的事,

記得我之前提過有個學生令我感到好頭痛, 學校考慮送佢返大陸, 結果...當然nothing is impossible, 上星期佢終於可以一個人飛喇. 開心死我.

我為左這個學生, 真係諗左好多方法去改善自己的教法, 嘗試左好多方法令佢o係短時間可以有點成績. 最終我的改變就係let him do whatever he wants, give him more freedom.等佢可以放膽去自己land架機, 當然頭幾次一定唔順利, 但係由於都教左咁多個鐘. 累積到d經驗,知道幾時應該救機, 幾時應該放佢自己試下. 同埋我成日叫佢做passenger跟其他學生飛, 盡量等佢覺得turbulence is nothing,等同習慣o係空中的感覺. 加上, 佢真係肯努力, 結果就終於佢一個人可以飛.

我係死硬派, 愈冇可能,我就覺得愈有可能. 我為這位學生感到驕傲, 佢係真係想學,態度非常正確, 我唔介意學生資質差, 但好介意學生懶. 如果你20歲人仲要我迫你讀書, 咁你唔好晒我時間, 冇心想飛, 唔對自己的事業負責任, 咁不如早d返大陸. 正正係我而家新1收的一個學生. 每次briefing完之後, 問佢d 問題佢至少識答一部分, 但幾日後問返佢, 乜都唔識. 只有一個原因,就係佢返屋企冇溫書, 既然係咁, 即係認為溫書唔重要啦,即係認為溫書, 我都會同你飛啦, 咁對不起喇, 我唔係咁, 返屋企唔溫書, 飛之前唔做準備,唔配做機師. 如果佢的學習態度仲係咁,佢好快可以結束佢的加拿大之旅.　

仲有另一件開心的事, 我已經儲左758hrs of flight time,邁向另一個里程碑. 我計過, 如果以每小時飛100 kts計算, 758hrs = 75800 nm, 扣除o係地上的時間唔計, 以我的flight time,足夠環繞地球行左至少3個圈(註:地球的circumference係:21600nm). 希望lee 758 hrs可以用得著,provide me another opportunity in the future.

anywayz,今日最後一日返工, 聽日飛落toronto參加my buddy ge convo, 雖然只係落去幾日, 但已經好重要, 因為終於可以食"飯".

　　　　　　 　　　　　　　　　　　　　　　　　　　　　　　　　　　　　　

傳統上, 成功一個人飛的學生, 飛完之後會接受其他classmates淋水!!

good job, my boy!!

a happy day

so happy today but honestly, i am too tired to continue, gotta sleep

ttul

PEI 遊 加相

 加左一d 朋友send黎的相.

希望你地鍾意.

　　　

臨走,送一張搞笑相俾你地. 希望你地好似佢咁, 日日都開心. 改變不到事實, 不如改變自己的心境.

　　　

偷得浮生3日閒.

話說上星期收到個老朋友話佢會過黎我o個邊玩. 諗諗下, 既然做得咁辛苦. 不如抖下, 所以走左去請假.

講開請假, o係lee度做, 請假真係好易. 事關我本身每星期有兩日放, 可以選擇只放一日. 但一定要至少放一日, 唔可以連續返7日. 既然有兩日假放, 所以順勢走入supervisor ge office and said " Amanda, i am wondering if i can have an extra day off next week?" 佢只係輕輕講左一句"i dun see why not!"

就係咁, 假紙又唔洗, 由入office到出返黎2分鐘唔洗. 就可以拎多日假走去玩.

好唔負責任? 放低D學生? 當然唔會啦, 臨走前一晚一早assign d homework 佢地做, 又book左一d solo flights .咁先走得開心ga ma.

就係咁, 就開始左我的3日 PEI 行.

PEI 係咩? PEI stands for Prince Edward Island. 中文係愛德華王子島. 係加拿大其中省. 人口不多, 但地方大. 算係比較鄉下地方, d人比較樸素, 過著簡單生活. 出產最多係lobsters, photos.同埋最出名係beaches and vacation.

由我lee 度開車去,都要差不多4小時. distance大概來回香港廣州一轉.

佢地由toronto 出發, 揸左16個鐘車, 好彩有4個人輪流開車, 否則都幾辛苦. 而我之後先會合.

一踏入PEI 已經覺得好正, 周圍冇警察, 搵一個人都冇, 車又冇, 人又冇,就算有支槍都唔知射咩好?

跟住個GPS最終都搵到間cottage,我地o係PEI租左間cottage, 我自己留2晚,佢地留4晚, 一人20蚊晚, 都幾抵玩.

因為間野都幾靚,裡面幾新淨, 乜都有齊, 又有個有真火的heater, 門口有花園. 又近coastline.

睇下相先.

　　　

　　　

lee 間就係cottage,其實PEI有好多cottage for summer season. 因為一到summer就會有好多人從USA, other part of canada move in for a break. 黎PEI有度好, 就係平,靜, 唔會受人騷擾.

該晚的晚餐亦非常豐富.

食左lobsters, pasta and 簡單的菜.

　

其實真係抵食, $6 per pound. and this is probably the main reason why people would come to  PEI coz of the seafood.

第2日, 去左national park and beaches, 可能season未開始, 所以又係比較靜.

　　　　　　　　　　　　　　　　　　　　　　　　　　　　　　　　　　　　　　

絕對人工改做, 真係成幅畫咁靚.

我個妹. 當然唔係親o個隻, 只不過大家family name一樣, 我好錫佢ga, 佢有咩事,只要打個電話, 出一句聲, 我一定會幫佢. 6月佢畢業, 我計劃落toronto睇佢畢業. 唔經唔覺都識左7年.老了.

之後到左所謂的downtown, charlottetown, charlottetown is actually the capital of the province. If you wanna buy any groceries at the lower price, you better do it there,otherwise everywhere on the island is rather difficult to find the food and other stuff, not much options and price is relatively high. 

　

　　　　　　　　　　　　　　　　　　　　　　　　　　　　　　　　　　　　　該晚上, 我地買左好多肉, 好多photos, sausages.整BBQ.

晚上出左海邊睇星星.

雖然凍左一點點, 但係個天好清, 睇到星星之餘, 又見流星, 都抵ge.

anywayz, 寫住咁多先.訓覺,聽日返工.　　　　　　　　　　　　　　　　　　　　　　　　　　　　　　　　　　　　　　　　　　　　　　　

教育篇(三)

今次點樣為自己的仔女,或者為自己o係加拿大落腳讀書

加拿大咁大, 去邊度讀書先好呢? 有親戚住o係附近,係咪就代表好呢? 住toronto, vancouver多唐人係咪就冇咁Lonely呢? 讀私校,定公校好呢?

我個人認為, 去邊度落腳好睇自己的仔女/自己係一個咩人.

就當為自己仔女揀學校為例.

先要諗下自己個仔係咩性格. 咩成績, 咩屋企背景等等.

性格:

而家好多90後的小朋友都好幸福, 父母可以提供好多好好的生活俾自己的仔女, 屋企有工人照顧, 放假有好多活動, 基本要風得風, 要雨得雨. 我明白父母愛錫仔女,就係係咁, 有時可能大家都唔想, 但係愛就係會令自己做左好多為對方開心而做的事情, 例如唔想個仔咁悶, 會買部PSP俾佢玩, 唔想佢著對鞋唔靚,俾人笑, 而買對新的,種種都睇得現在的父母係非常愛鍚仔女,我非常理解.首先利益申報, 我自己都係,我預計到,我係o個d,除左買玩具俾佢玩之外, 會買多份俾自己, 陪個仔一齊玩o個d黎. 但係愛係有一個限度, 去到某個階段, 係要放手, 等佢地自己行佢地條路.

所以, 如果你係我所說的家長的話, 你放個仔女去外國讀書, 無非都希望佢有一個新的開始, 可以有個機會接受不同的教育, 可以學識獨立處事, 咁我會提議大家第一次送佢去d host family住, 同外國人住, 就係我想當年咁喇. 我以過來人身份講, 真係得益不少, 雖有痛苦, 但係值得.

先講host family,大家都明白, 即係俾一筆$$個屋企, 就佢地照顧自己個仔, 但係並唔係個個家庭都係咁, 以我當年為例, 我住的家庭係一個正宗加拿大家庭, 有間屋,屋外有泳池, 又有個front yard打籃球o個隻. 但係佢地只係負責煮, 同埋俾地方你住, 病會帶你睇醫生, 洗衫, bathroom hygiene 全部靠自己. 咁樣會俾自己個仔有機會獨立, 佢唔洗衫咩? 咪著臭衫返學lor, 唔洗bathroom,就由佢污濁lor,睇佢忍得幾耐? 唔執床? 咪唔俾床單佢換lor!我相信頭一,兩月,佢或者可以忍, 兼且o係電話度會呻, 甚至喊, 但係我想講, 喊, 由佢喊, 喊完一樣要做, 千萬唔好喊完收線之後, 你就打去同個屋主,叫佢幫你個仔執手尾, 如果係咁 ,你個仔,永遠唔會長大. 同埋, o係外國家庭住, 會令佢地可以感受下外國生活, 佢就會知道,原來呢, o係外國食飯, 係唔可以戴帽, 哦, 原來食意粉, 可以spoon and fork共用, 哦, 原來呢如果要刀叉, 係應該講can i have the knife and fork 而唔係fork and knife,慢慢佢ge視野會闊, 會更易於接受新事物. 同埋始終外國家庭, 溝通係需要英文, 所以一年後,佢的英文應該會有大的進步, 一年後,佢返香港過暑假,你會發覺得佢會自立好多, 可以自己叫自己起床, 食完野,會自己洗返. 同埋食飯會食到一粒米都冇. 我以前就係咁, 去加拿大之前, 都唔知道食飯咁正, 去到加拿大, 每兩星期先有一次"飯", 真係食到一粒米都冇, 跌左落台都執返黎食. 你話好慘咩? 我又覺得咁樣令我好珍惜食飯的機會.

係咪有親戚在加拿大就係好呢?

我有好多朋友,都係單一匹馬去外國, 投靠親戚, 但係end up反而生活得不快樂. 點解?先講親戚, 究竟係咩親戚, 可能係一些5,6年都唔見一次, 或者梳到冇得更梳遠的親戚. 去到住, 當然佢有責任要照顧你仔/女,但係一方面. 你要諗下人地的仔女又接唔接受到突然間屋企多左個人呢? especially有時d小朋友呷醋, 屋企多左個人, d野分薄左. 咁變左你親戚會好難做. 另外,你要諗下你自己的仔女感受, 大時大節, 佢地一家人做節, 收利是, 有人拜年, 慶祝生日等等, 你自己本身唔係佢地一分子,會變得有時覺得感覺難受. 好似變左自己係外人一樣, 到最後會寧願返房訓覺. 我自己就有咁ge經歷, 我第2,3年跟我媽媽朋友住, 更唔係親戚tim,係我出世佢抱過我之後, 我從來未見過. 但係我同佢冇乜野, 我仲好感謝佢訓練到我而家咁硬淨,佢真係一個好好的前輩. 但係佢另一半o個邊就唔同, 有時我媽媽個朋友好好帶埋我出去食飯, 但係無可避免要聽到一d唔鍾意的說話. 咁你可以點呢? 即時反枱? 唯有死忍. 或者因為而家忍耐力強左, 好老實講, 你同屋企呻, 佢地又可以做到d乜? 都係o個句啦, suck it up!! 大時大節, 帶埋出去食飯, 可能食飯ge人,你根本唔識, 因為係另一邊屋企的親屬, 咁ge情況會令自己覺得好似搭枱咁. 與其係咁, 不如唔好靠親戚.

所以投靠親戚唔係唔好, 先睇下你同該親戚關係如何? 真心話, 有d人好現實, 平時一年都唔打一個電話問候人, 一打黎就問可以幫手照顧個仔, 有d人真係會介意ga. 同埋仲要提醒, 如果你個仔, 未夠18歲, o係加拿大要搵監謢人, 有好多人未必想負這個責任, 講真佢都係想保護自己, 佢心諗"咁耐冇見你個仔/女, 點知佢而家變成點呀?", "萬一黎到加拿大, 成日出去玩,犯左事, 有咩野, 就要搵我做擔保!" 咪喇!" 實有d咁ge人,所以與其係咁, 不如住host family,佢收得你$$,佢就會負擔, 無謂為左仔女, 傷害親戚之間的關係.

寄宿學校可以嗎?　

唔住host, 唔寄親戚, 住boarding school又可唔可以呢? 絕對可以. 亦係一個唔錯選擇, 但係費用會幾貴, 因為叫得做boarding school即係私校, 費用比public school貴好多. 所以要考慮金錢上,可唔可以應付到,記住, 唔係一年, 係幾年的生活.

自己個仔/女是否乖同有定力呢?　

要選擇邊個省讀書, 要睇你自己個仔/女係咪定性, 如果o係香港都已經成日出街, 唔夜唔返屋企, 又擔心佢o係香港會學壞, 而想送佢去外國讀書. 咁我覺得就唔好送佢去vancouver,toronto等地方, 因為太多中國人, 有中國人就有唱K, 波樓, mall, 唐人, 加上lee d地方交通比較方便, 有subway, 有巴士, 隨時可能跟住識班有$$仔, 一齊走去唱K打機. 一樣讀唔成書. 

如果係咁的話,我提議送佢去new foundland, new brunswick, manitoba 等地方, 貪佢咩好? 夠凍, 夠靜, 夠悶.

就以我而家new brunswick為例, 巴士,的士係唯一交通工具, subway更加係冇啦, 最抵死係d巴士下午6點就收工, 星期日仲唔開. 到時想玩都冇得玩啦. 同埋呢, lee度d pub2點就要關門, 想玩天光?no way! 出到門口,凍冰冰, 有咩好做? 不如返屋企訓喇. 星期日仲慘, mall 5點鐘關門, supermarket又係, 5點後,成日死城咁, 仲可以去邊呢?

仲有, lee d 阜仔, 相對上學費比較平, 供起上黎,冇咁吃力.

我敢講, 如果佢地可以o係度生存到,佢會變得冇欲冇求. 加上, 返學唔讀書,有咩好做? internet又慢, dl劇唔係唔得, download完都夠鐘訓覺喇. 生活撲素, 令個小朋友都唔會咁好動, 身心健康一點.

私校一定比公校好?　

係咪一定私校就好呢? 無可否認, 私校係好D,但係公校亦唔係想像中咁差. 加拿大的公校係跟地區,即係你唔可以誇區上學. 除非你報假地址啦.

所以其實邊區的公校分別差不多, 當然有些公校比較出名, 想知道邊間公校好, 好多時school board會公佈每間學校每年的成績排名, 可以讓你作參考, 咁如果係visa student,點算? 既然我地帶得$$黎讀書, o係選擇學校方面,自由度比較大, 只要你想讀的學校有位, 佢地會盡量配合. 好似我咁, 我想當年唔係讀richmond hill high school,係另外一間比較差的學校, 我上機到落機都以為係要去差o個間讀, 點不知去到報到先知原來school board幫我轉左校. 真係好多謝school幫我轉左間咁好的high school,讓我識到好多好好的朋友.

仲有, 讀私校會比公校貴, 大概一半至一倍, 又係要考慮財政可唔可以負擔,要知道加紙變動幾大, 我第一年黎先係1對5, 08年竟然升到貴過美金. 你要考慮下財政上,可唔可以配合到.

學生哥又好, 做父母又好, 記住計清條數先落訂.

我想當年學費係每年9000, 差不多一萬加紙. 未計食,住.行.

所以讀私校並非一個最好的選擇.　

下一次會講下交通,下次再見.　　　　　　　　　　　　　　　　　　　　　　　　　　　　　　

　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

教育篇(二)

上回講完中學.

今回講下入大學情況

加拿大大學之學制　

學制: 4年, 大部分Program都係9月入學, 但不排除有部分program可以容許冬天入學. 

怎樣被大學選中?　

如果由加拿大中學升大學. 在加拿大是沒有公開考試, 只計校內成績黎決定取唔取錄你. 聽落好似好著數, 其實一d都唔係, 中國人之內有句說話叫做"易入,難出"

即係好似可以入到去讀,但好難可以畢業. 好多原因ge,入到大學群埋班frd, 住宿舍,冇旺管, 一有時間就飲酒, 唔知醒就skip堂, 一係就一班人租架車周圍去, 心都散晒, 讀乜鬼書.

所以入到U可唔可以畢業, 除左你有幾勤力, 亦睇你有冇定力.

你會問? 咁grade 12未讀完, 點可以submit d 分俾大學睇呢? 那, lee個就係trick,係一個非常取考, 但係人人都用的方法,絕對係令你可以慳水慳力, 令你grade 12第2個semester唔洗讀得咁辛苦.

basically,就係咁, 學生要o係大概3,4月就要submit d分上網, 同選取大學, 你想讀的大學就會從個web site收到你的分數, 咁第2個semester未讀完,點算呢? 非常咁簡單, 就係用mid term 分作submit, 咁點解咁著數呢? 因為每一科只會愈讀愈難,right? 如果你將一d深的科,例如physics, math放在second semester讀, 咁你只需要submit Mid term exam ge分, 一科野, 去到mid term,深極都有個浦啦, 係咪? 所以你讀到grade 12,2nd semester只要沖頭一個term已經夠晒. 因為如果你有本身成績好的話, 基本上,到5月,6月大學已經會寄信俾你,話你聽佢地取錄左你, 咁到時就算你final exam考到點都唔會影響到你lu,係咪好爽呢?當然咁做係非常衰格, 但係如果你真係去到final exam覺得好攰, 唔想溫得咁辛苦, 但求final exam pass左就算, 你可以咁做. 因為就算你final 考得點差,都唔會影響大學收唔收你. 當然一定要pass啦,因為唔pass,就冇credit,一樣grad唔到ga.

但係, 係有例外, 如果你去到5,6月未收到大學信, 點算? 咁你就要o係final exam搏殺,希望靠後補執死雞, 等7,8月收到信, 機會係有, 不過微. 始終好ge學生, 5,6月多數都收晒. 同埋呢, 如果真係7,8月先收你, 但係好多學生到時已經揀晒科, 你到時想揀的科就又必有得揀, 可以揀的,時間又未必靚. 與其係咁, 不如先苦係甜啦.

o係mid term之前搏盡,之後係安怎無憂lor!!　　　　　　　　　　　　　　　　　　　　　　　　　　 　　　　　　　　　　　　　　　　　　　　　　　　　　　　　仲有一樣野,要提醒大家, submit 分上網,揀大學係要收$$,至於可以揀幾多間, 好似冇限制,但係愈揀得多, 愈貴啦,當然. 如果你有信心的話,其實個人建議,揀6間已經夠數.

仲有另一樣野, 如果係外來學生, 係要toefl, toefl有幾難考,大家心裡有數, 好多名U,例如U of toronto, waterloo, queens university, UBC等,對toefl要求好高, 如果想入好U, 就要努力喇, 我當年的制度,係300分滿分,而家好似係120分,但係好似當年咁, 300分滿分, d名U要至少270分先考慮, 你會問,點知呀?

冇錯喇, 要知道一d都唔難, 上網去間U ge program 度,睇下人地ge admission requirement 就知道ga喇.

再唔係, 每年12月到,d university 都會圍埋搞U fair,入去逐間問又得, 又有師兄幫手, 如果你唔知自己想讀咩, 或者唔知個program出路如何, 問佢地啦, 佢地會好樂意答你ga!

另一問題, 可唔可以避左toefl?　　

其實答案係YES, 可以避左唔考toeft ,點樣呢？就係你要o係加拿大的中學讀左至少4年書就可以免卻唔洗考toefl 喇, 所以我自己覺得咁, 如果你覺得自己o係香港讀唔到書, 而屋企又可以support, 不如早d離開香港, 認真同大家講, 愈大年紀過去,愈難適應. 事關teofl而家一d都唔易考,好似有埋oral要考, 所以與否怕自己因為toefl成績令自己入到top U,咁不如早4年去外國, 咁咪唔洗難toefl考試.

至於係咪澳洲, 紐西蘭都係咁, 恕我真係答你唔到. 亦怕俾錯資料大家. 對不起,希望大家唔好介意.

另一問題, 加拿大有咩好U?　　　　　　　　　　　　　　　　　　　　　　　　　　　　　　　　　　　　　　　　

老生常談的問題, 加拿大好的大學一定有, 每個省都不乏一些好的大學, 但講真, 係咪代表o係toronto 一定要入u of t就好呢? 要睇的就係睇你想入咩program,將來想做邊行?

冇錯,u of T, waterloo, mcmaster, university of western ontario全部都係加拿大有名的university,但係,係咪一定要入到先代表叻,入唔到就代表差呢? 千萬唔好咁諗, 作為父母的你, Or仔女, 千萬唔好覺得,入唔到u of t就代表失敗. 如果你咁覺得, 你會對其他university ge學生係一份唔尊重.

入邊間u ,好睇你想讀咩科, 以上d university 之所以出名人地overall成績好, 但係係咪代表其他U差呢? 好似york U,我相信好多人都未必聽過,但係佢地ge finance, commerce係全加拿大最有名, 平均分要95分以上先可以入到去讀. 咁你話其實間U ge名係咪真係咁重要呢?? 見仁見智喇.

同埋, 揀U,除左揀個U該program出唔出名之外, 仲要睇自己能力, 我想講,入到U,真係好辛苦, especially engineering, bio-chem, life science lee d program,o係d出名的U係好大壓力, 好辛苦, 你如果覺得自己能力未到, 不妨搵一間適合你的大學讀. 如果為左個名而讀, 好老實講, 俾你入到去,應付唔黎, 跟唔上, 冇心機, 士氣低落, 屋企人咪仲難過. 佢地老遠o係香港又幫唔到手, 你忍心咩?

同埋,o係邊度讀U都好, 最後都係靠自己, 唔好期望屋企可以為做些什麼. professor 可以教到你什麼, 要成績好,要靠自己, 人地去飲酒, 玩啤牌, 你咪留o係企溫書lor,如果人地去玩,你又跟住去. 做人要主動, 唔識要問, 最忌一樣野, 就係把口唔開, 內向. 我好明白, especially英文唔係我地first language,有時可能你覺得尷尬,怕俾人笑, 而唔敢主動開口, 我想講, 你唔開口,　人地永遠唔知你諗乜. 笑咪猶得佢地笑lor, 佢地笑仲好, 起碼知道自己讀的音唔準, 即有可以改善的空間.BB仔唔跌,點會識行呢? 你唔讀錯, 又點會讀arm呢?

仲有加拿大都算係一個幾multi cultural ge 國家, o係大學內,有好多不同種族的人一齊讀書, 你覺得自己英文差, 其實佢地都係努力學緊英文, 所以千萬唔好怕人笑. 放膽d去講, 唔識,記住主動開口問人. 咁樣做, 至少你將來出黎做野, 會識得交際,唔會內向,係咪?

好喇,講住咁多先, 下次講下點樣為自己or為自己仔女選擇o係邊個省讀書.下回分解.　　　　　　　　　　　　　　　　　　　　　　　　

　　　　　  　　　　　　　　　　　　　　　　　　　　　　　　　　　　　　　　

not a good day.

這幾日, o係學校發生左好多事.

我有個學生, 原來係俾學校界定為probation student, 由一開始training, 學校就會緊貼佢地的進度. 包括英文水平, training, 上堂.

我之前一直都唔知, 因為這係學生之前的instructor 不是我, 係從我回來後先接收佢.

我自己非常認同佢係屬於能力非常一般的學生, situation awareness 低, 英文能力低. 自信心不足,緊張.　

尋日同佢飛一轉, 真係嚇死我. 叫佢recover from spin, 淨係隻腳有動作, 隻手原來一直都冇control, 嚇親我的唔係點解佢咁做, 而係明明在地上briefing完, 佢已經知道procedure係點,但仍然在空中唔知自己做乜.(其實有後話/)

之後同佢做一個full rotaion, 即spin一圈, 我先做一次. 然後suppose佢跟住做. 誰不知我做完之後, 佢同我話驚, 唔想再做. 咁冇計啦. 我唔可以迫佢. 萬一因為恐懼, 心臟負荷不來, 仲大件事.

結果全程機飛返機場的時間,佢都非常靜, 粒聲都唔出, 我已經知道佢真係好驚. 算啦. 明白, 唔係個個人受到spins.問題就來, 如果佢克服唔到心理障礙, 佢唔可以繼續training.點算?

我對這個學生印象不差. 佢好尊重我, 有時早上飛,會特登去terminal 買coffee俾我(遺憾我唔飲得coffee), 下午飛, 又會拎隻banana俾我食. 學習態度非常良好, 永遠唔會遲到, 更經常早到, 更同我講, 其他同學話有我做instructor,佢感到好幸運, 因為跟我進度會好快, 為人nice, kind. 但係原來咁反而令佢感到壓力, 我之後再講點解.　　

昨日飛完之後, 剛巧有個meeting with my supervisor about my student's progress. i honestly told her what's going on in the aircraft, wt else i have found about flying with him.

my supervisor said they might have to send my student back to China due to the fact that his skills, knowledge are below standard. She added, they are going to put him on another 4 weeks probation and with an assessment at the end. If they cant see any improvement,he will have to go back to China. She also said not every one can become a pilot, she were the passenger, she wouldn't have the courage to fly with him. 

It's really sad. i have already flown more than a month with him, we have already built up a very good relationship. It will be really upset and devastating to see a student going back to China. Since i am a chinese, i totally understand being able to receive the flight training is the greatest opportunity to change their life. I also understand most of the students are not coming from wealthy families in China. They really need this job to support their family. 

But the supervisor insisted that this is,of course, a difficult decision but sometimes u have to make this kind of decision in your life. It's pain but still.

For me, nothing is impossible. i always believe if you work hard, u will get it. life is simple as it is. I will do whatever i can do to keep him stay in Canada. I swear to God. This is a challenge me and if it fails, it will definitely hurt my student's career. i accept the challenge and i will beat this game.

And today i had another meeting with both my student and another management official to talk about why my student cant move on to the next level.

It was a very emotional meeting. i could see the tears from my student. He said that he's always nervous in the air.He's afraid that he would upset me if he makes mistakes. He respects me ,he cares about my feeling but these exactly create him pressure. Also the students around him always say something bad about him, saying you have John(me) as a flight instructor, you are really lucky, you will be the 1st one to have your 1st solo etc. Again he's stressed. Another factor which increase his stress level is the family. he doesnt want to upset his family,he wants to finish the program with the licenses going back to China.  

I can see that he has so much concerns while he's flying with me, he cant focus on what he supposed to do.

And the report from the management states that he's timid and lack of confidence. i totally agree with that. He doesnt have the confidence to do something but confidence is exactly what we need as a pilot. I really dun know what else i can do to improve his confidence. I am a very relax person, i never yell at any of my students, i never show them an angry face coz simply that wont help their training but i eventually realised why he's so nervous coz i never show him a angry face , that's why he feels guilty. He thinks the instructor is so nice to me, i should do something to impress him.

Eventually i said something. i said it's really doesnt matter how i feel as your instructor. Simply i am a person never get pissed off in the air. It really makes sense if you make mistakes and that's the reason why you are coming to learn. If you made mistakes, we correct you.I also said dont ever care about what other students said about you. Dont ever give them a shxt!! what you need to do is to perform better and keep their month shut.

I think starting from now on, i will apply another method to teach him. I really wish he can stay. He has the passion but he just needs support from us. i wish my capability can do something to change his mind, skills whatnot.

Today i received another 2 students from a new group just arrived 2 days ago, meaning i will be really busy from now on.

Also the coming week, i have a lot of spin flights to do. i am really really sick of doing spins. i hate spins. i can manage to teach but still i dun like it.

the good thing is i am 50 hrs away from my goal so i need to suck it up. i dun care how terrify this exercise it. i need to suck it up in order to achieve my goal.

When the going gets tough, the tough get going!

　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

加拿大生活攻略----教育篇(一)

今次講下教育篇.

當然由細講到大啦.

先講加拿大教育制度.

分為:小學(elementary school), 中學(high school),同大學(university).　　　

在加拿大, 每讀一年, 我地叫做grade. 並唔係香港的form 幾等等.

小學篇:

以toronto為例,小學係指由grade 1 to grade 8. 大概年紀由6歲到14歲.

而grade 1 等同於香港的小學一年級. 咁樣計一計數, grade 8即係香港中學的中二.

如果係加拿大人的話, 可以選擇公校,英名為public school. 當然費用全免. 而書本亦係免費, 只需要開學時向學校借書, 老師會mark低本書的code and ur name, 年尾還返就得.

中學篇:

以toronto為例,中學指: From grade 9 to grade 12.即香港的中三到中六.

同小學一樣, 學校係會provide books for students except there might be some notes that u might need to pay.

考試: 冇公開考試. 大學考慮學生與否base on academic results,平均分. 　　　　

我自己本身就係由grade 11 開始讀起.

中學制度係credit 制. basically 50分為合格, 合格就可以得到一個credit.

如果要中學畢業, 就要有6個grade 12 subject ge credit, 同埋4年內累積30個credits就可以畢業.

每個學年, 有兩個semester, we call it first semester, second semester.

課堂節數: 公校為例, 每天有5節. 其中一節為lunch. unlike HK, 香港會係每一天都有唔同堂數, 即每天要執書包, 但係公校的中學是沒有的, 即星期一上的堂同星期二,三,四都是一樣, 不會有變化直至一個semester 的終結. 所以lunch 的長度同其他課節一樣,因為有些人會係第3堂lunch,有些人會係第5堂先lunch. 亦有些人選擇第一堂就係lunch, 咁變相可以遲一點上學.　　　　　　　　　　　　　　　　　　　　

科目:

選科比香港的制度較為flexible, 中學唔會分為理科班, 文科班, 基本上係自由選擇.所有學生只要在學年年尾submit 你想下一年度讀的科目, 學校就會根據你的選擇, 安排一個schedule俾你.

如果係新生的話, 只要在9月1日到學校的council 同councilor 相討你想讀的科目, 佢地會隨著每一班的有餘學位, 盡量安排你讀到想讀的科目. 因為雖然每一名學生收到schedule,但係並唔係每一位都滿意, 有些同學可能想第2個semester先上該科目, 所以每每在學年初,9月就會迫滿好多想改課節的學生. 為避免人頭湧湧的情況, 每個學生都要make appointment先可以先councilor .

但有些科目係必修, 例如French,每一位學生第一年上中學, 一定要讀french,一定要pass先可以畢業, 如果讀完grade 9 french,有興趣可以繼續, 但如果冇興趣的話, 淨讀grade 9已經夠. 但我當年係唔洗讀, 因為我係grade 11先入學,加上係international student, 所以可以skip.yeah!

另外有些必修的科目如GYM,即係香港的PE,again,讀完一個semester,唔鍾意, 只要pass,之後到畢業之前都可以唔洗再讀.

另外包括性教育, 講開性教育, 這是其中我咁欣賞加拿大教育制度的原因, 我自己覺得香港的性教育制度係失敗. 你見近來,一個又一個初生BB就咁死去就知道有幾失敗. 每年學校只會派社區團體開個講座就叫性教育? 唔係ma?

加拿大的制度, 在grade 9時候, 有一科必修叫做parenting, 包括點樣同人相處, 性教育, 點樣照顧小朋友等等. 係要上足一個semester,即係4個月.again, pass左先可以畢業. 其中一段時間, 老師係要求每個學生上parentings ge學生買一個人形的BB,重量同真的BB相若, 入面其實好似豆袋一樣, 只不過以沙代替. 作用係要佢地將這個BB作真人BB咁樣照顧, 抱著.別以為落堂後就可以放入locker, 佢地要將個BB抱著上其他堂, 如果o係hallway 度俾其他老師見到個學生將個人性BB當作玩具玩, 有得罰. 至於要抱幾耐, 如果我冇記錯, 至少有一個月. 期間會教學生點樣餵奶, 換片等等. 咁樣可以令佢地知道照顧一個小朋友,並唔係咁簡單. 至少唔會好似而家的年青人, 不做安全措施不特止, 生左之後,放入個袋度. 邊有人蠢得咁交關. sorry ,睇到lee d新聞真係好氣餒, 正如上一代話齋, 一代不如一代, 如果人地咁樣話我地的80後, 我都唔會反感, 因為這一代真係有好多唔爭氣的年青人. 抵鬧.

唔講喇, 愈講愈氣憤.

anywayz, 咁你可能會問, 如果個仔,女唔鍾意文/理點算? 要中學畢業,只需要讀一個semester文/理的科目, 那麼grade 10以後就唔洗再讀, 可以選擇自己喜愛的科目,繼而畢業. 另外, 科目亦比較多元化, 連basketball都可以作為一個科目, 即成個semester都係打basketball, 當然期間係接受正統的訓練,戰術, 射籃, 球技等等.

也有為藝術界的學生而設的photography, arts, music等等.

而理科跟香港一樣有bio, chem, physics, 但係for example, 如果你grade 11 physics讀得不好的話, 學校有權唔俾你讀grade 12, 會俾意見, 勸你repeat 多一次grade 11 physics,直至成績上跟到,先俾你再讀. 咁你會問, 咁咪即係repeat多一年grade 11,又唔係bor,其實grade 只代表個學生年齡, 即係咁講, 你讀grade 11 physics,並不代全部學生,都係grade 11年齡的學生(15~6歲),有些學生可能年齡等於grade 10,但係可能grade 10 scicence成績太好, 上半年讀完grade 10 science, 學校可以俾佢o係下半年讀埋grade 11 science subjects.在grade 10, physics,bio and chem係同一堂上,但係grade 11打後, physics, chem, bio就分家, 總共分為3堂. 所以話可能你上grade 11 physics,可能隨時有個屬於grade 10 學生跟你一起上堂.

而數學方面仲搞笑, 在grade 11,math只係一科, 但分為U course,M course, C course

U= university, M = both college and university, C = college.

是程度上的分別, 基本上,大家都係用同一本書, 但係所教的野,有深淺分別.

簡單黎講, c course可能只係教1+1 =2, 但u course會教埋原來0+2 =2.

咁你會問, 點解叫咁分? 因為有些人對數學真係冇乜興趣,但又要math credit畢業, 咁佢地咪可以選擇簡單一點的C course, 但有些人可能一心諗住將來入U, 所以又會選擇讀U course. 咁點解有M course, M course係俾一些企o係十字路口, 唔知自己將來路向的人, 讓他們到grade 12先再作選擇.　

上到grade 12, math又再分家,為分calculus , data management and discrete Math. 至於揀邊個,就係隨住你將入U想讀咩科, 理科當然一定要揀calculus,文科生或者data management會比較適合,當然又要考慮將來你想大學入的program的mini requirement,有些program係指定在中學的時候讀某些科目, 那麼要入的話,就冇得避.

至於文科又有economics, 又有international business, accounting, geography,history, geometrics, canadian and world issues等等.

科目係多元化, 適合唔同學生的需要.

但係所有學生無論將讀U又好, 讀college,又好,要high school grad, 一定要有6個grade 12的credit.

義工服務　

每個學生一定要做40小時volunteering.如果唔識搵, 學校的notice 好多時都會有notice 話邊度要搵volunteer等等. 40小時係原意個學生在high school裡面4年, 每年至少做10小時　　　 

我當年都要做, 半年搞掂做左40個小時. 我當年走左去幫home stay 個仔隊波,做soccer team ge assistant coach, 每星期2,4, 放學就走到教踢波, 同班小朋友玩, 輕輕鬆鬆完成左40小時.

記住係要認可的40小時,唔係你話幫屋企掃地掃足40個小時唔收$就係義工, 該團體要填一份form,跟住要蓋印確實.

你會問,有咩義工好選擇, 有些會幫老人家o係home for age做野, 有些會做baby sitter等等.總之目的就係要令佢地知道對社會有貢獻係每個人的責任.

衣著

大部分public high school都不用著校服上學. 所以衣著真係好隨便, 我試過著有次遲左醒, 咪求其著條boxer 返學. o係學校非常普遍,好多人,especially local canadian,好隨便著條walt disney ge 睡褲返學.

另類學生

除左普通學生外, 有些學校,例如我當年的學校為例, 會一些特殊人仕一齊上堂,佢地會有佢地的課室, 但係依然可以在學校自由活動, 初時我都會有d驚, 但耐左發覺佢地除左係殘障之外, 其實冇惡意,自此更會同佢地溝通, 有時佢地坐住wheel chair開唔到門, 又會幫下佢地.

據我所知,佢地要學的就係一些簡單生活技能, 例如換垃圾袋等等, 所以好多時上上下堂會發覺有個導師帶著一,兩個學生入黎換垃圾袋, 或捧走一些recycle paper and bottles.

我自己幾欣賞佢地做法, 至少俾個機會我地去接觸佢地, 知道佢地原來並唔係想像中的. 而佢地又可以多個機會接觸我地, 將來到出來社會可能做一些簡單工作的時候不會感到陌生.

唱國歌

每天早上, 一定要唱國歌"oh!Canada ...."我咁多年淨係識頭一句同最尾兩句"O Canada, we stand on guard for thee.O Canada, we stand on guard for thee"

每天早上, 要唱國歌, 唔識唱唔緊要, 但要肅立, 就算你o係hollway未行到入課室, 聽到國歌,都一定要企o係原地,等待成首歌完結.

雖然你未必係加拿大人, 但係要人地尊重你, 你先要尊重人地. 入屋嗌人, 入廟拜神, 唔好俾人覺得我地中國人係一個唔識禮貌的民俗.　　　　　　　　　　　　　　　　　　　　　　　　　
　　　　　　　　　　　　　　　　　　　　　　　　　　　　　　　　　　　　

最後講埋交通,

大家都知道加拿大地大, 返學好多時都要搭車.

每一區都會有school bus 送學生返學,放學, 加拿大居民, 搭school bus係全免, 但如果好似我lee d visa student就要每年$325 canadian.

或者可以搭公共巴士, 可以買monthly pass, 抵搭好多.

　　　　　　　　　　　　　

　　

下回講下大學制度, 同埋一些international students 去到加拿大的survival tips and preparation required before entering the country.

thanks for joining.　　　　　　　　　　　　　　　　　 　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

加拿大攻略之簡介.

加拿大

位於: 北美洲的北面, 接壤美國邊境.

人口:3千4百萬人

官方語言: French and English(註由於中國人口眾多, 所以大城市如vancouver, toronto好多地方都有中文顯示, especially China Town,現在甚至911求助熱線也有中文服務).

貨幣: 加拿大元, 大概1加元對7.7 港紙.不過非常浮動, 曾經試過1對5(當年讀書),亦曾上過1對8, 仲貴過美金.

國際電話區號: +1

地區分佈: 大的叫做省(province),小的叫做城市(city). 亦有3個territories位於加拿大北部.

省:總共有10個省分別係:由西至東: British Columbia(英屬哥倫比亞), Alberta, Saskatchewan, Manitoba, Ontario(where toronto is situated). Quebec, New Brunswick(where i am living right, people of nowhere(>.<). Prince Edward Island, Nova Scotia and New Newfoundland and Labrador.

仲有3大territories(Yukon, NorthWest Territories(冬天的時候只有兩個鐘頭太陽,Crazy,其餘時間all dark), and Nunavut. 這個3個Territories 大多居住的都係原住民, 愛斯基摩人亦住o係o個度. 該3個地方由於位處加拿大超北面, 所以除非有特別需要, 否則唔會有人無端端去o個度. 我自己都唔相信我的一位機長朋友竟然o個度工作過5年.俾我,住一分鐘都想死.咁凍. btw,凍係指大概低至零下40-50度. 難以置信.

詳情留待介紹加拿大地理再講.

交通: 飛機, 火車, 巴士, 或自駕(左呔) 地鐵在加拿大有唔同叫法,亦不是所有城市都有, 只有大城市如vancouver, toronto, montreal有. 但各地方有不同叫法,例如toronto 叫subway, montreal 叫metro.但都指地鐵的意思.

入境:擁有香港特區護照可以免簽證入境逗留6個月, 如其他證件或需要visa, 詳情請向各大使館查詢. 如果想在加拿大工作,或讀書, 需要working visa/ study permit.

稅項: 加拿大係有sales tax,again各省都有不同. 因為唔係加拿大政府收, 正確黎講, 係加拿大省政府有份收. 所以唔係個個省一樣. 大概13-4 % of the price.

Time Zone: 西岸大概慢香港16小時, 東岸慢香港12小時, 當然加拿大係有冬,夏令時間. 如toronto現在就比香港慢12小時. 但到左冬天就會比香港慢13小時.

暫時講住咁多,下次講下生活方式.

lee個係northwest territories ge capital, yellowknife,一望出去, 乜都冇, 我想不想我們亞洲人所能生存.

　　　　

搞搞新意思

飛行生活依然平淡. 仍然係飛.

不過仲有大概70個鐘飛, 飛夠就可以move on.

所以突然有個意念o個blog 度加插一個主題就係"加拿大生活全攻略".

原因我耐不耐都收到朋友詢問加拿大的生活,讀書如何等等, 加上我留意到黎我個blog的blog友有父母級, 也新婚朋友, 亦有唔少求學的學生哥.

難保大家有一日有興趣移民加拿大生活, 或者學生們想去加拿大讀書,繼續學業. 所以決定不如趁而家開一個新主題介紹下加拿大, 同埋講解下加拿大的生活, 始終西方社會,好多生活上細節同香港好唔同, 亦會講下一些在加拿大的生活的冷知識. 一d旅行未必需要知, 但如果長久在加拿大生活應該要知道的知識同埋生活技巧.

大概的topic有:

升學

飲食文化

交通

稅務

天氣

制度

地理環境　

居住

移民　等等.

隨著日子愈久,我諗到d新野,會加上去.

各位爸爸媽媽, 新婚夫婦, 學生們, 如果有咩問題關於去加拿大居住, 升學,甚至旅行, 都誠意希望大家提出發問, 私人留言亦可.

而其他加拿大朋友, 如果有什麼小tips亦歡迎提出, 幫下大家手.

希望我地的資料可以幫到各對加拿大有興趣的朋友.

由於我只係o係加拿大住過, 所以到其他國家如澳洲,紐西蘭等之問題, 恕我未必能夠答到你, 亦怕俾錯答案, 引導錯誤, 不過亦可以嘗試發問.

　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

生日的意義.

話說早幾日係我的生日. 十分低調. 由唔知幾時開始, 我覺得生日已經不重要, 隨時年紀的增長, 更加覺得生日只係一日. 又係24小時, 有何特別呢? 所以每年生日都會好低調 .當然我這一番話不代表任何人, 我相信好多朋友仍然會在生日的時候一班人出去慶祝,食飽飲醉. 但我自己可能受一些年長的朋友影響, 自從開始學飛之後, 就漸漸覺得生日咪只係一日. 如果朋友向我說聲生日快樂,我會感到快樂.如果忘記左,亦唔緊要.  今年, 我甚至連自己生日就到都唔知, 唔係講笑, 認真. 都係朋友提一提我先知道, 係bor,就到bor.

我係一個開心的人. 每一日我都會盡量令自己感到快樂. 所以在我心目中, 只要係快樂的, 每日都係生日. 我亦係好易滿足的人, 對食, 物質不具太大要求. 今年生日,我冇特別食到咩好野, 同平時一樣, 買左罐罐頭湯飲,有d pasta,有d肉,幾好味. 禮物, 我從來都唔要求生日有咩禮物收. 袋, 衫, 電子產品, 我一概都唔會特別想收到. 其實一句happy birthday,我已經滿足. 屋企話生日bor,寄d野過黎, 我都話加拿大咩都有, 唔洗寄, 事關寄一次都唔平. 無謂浪費金錢, 好多野, 有心就得. 就咁聽,

大家好似覺得我好depress咁,邊會有人唔鍾意慶祝生日ga?邊會有人唔鍾意收生日禮物ga? 我每日過得好開心, 係有壓力, 但都好快樂, 我有錫我的屋企人, 朋友, 同埋穩定工作, 已經係最大的禮物. 可能o係加拿大住得耐, 對衣著冇乜要求. 總之著得上身, 感覺舒服就夠. 銀包,袋等, 我又唔特別好, 總次有一個, 用得到, 咪得. 洗乜買呢?我相信我這個理論o係大部分朋友心目中用不著.如果用得著的話, 香港的零售業就會好慘淡.. 可能受到加拿大人的感染, 有時見到佢地著我好簡單出街, 就會覺得搞咁多做乜, 咪又係出街. 所以自然對衣著冇乜要求. 但返到香港, 一個好現實的社會, 係一個"先敬羅衣後敬人"的社會. 著得簡單, 求奇, 出街都會俾人望. 會俾人覺得唔識著衫. well. i guess this is so call "cultural difference",right?　

anywayz,今次生日比其他生日唔同, 係在於個數字. 24. 係一個好奧妙的數字. 如果以生肖計, 即係人生行左兩個圈, 又返到起點. 又回到虎年.回想12前, 只係一個剛踏入中學, 乜都唔識的傻仔, 12年後, 原來已經讀完書, 有工作在手. 好神奇. 但神奇之旅仲未完,

我自己覺得人生最大變化的12年係由24歲到36歲這十二年. 24歲的你,我可能仲係讀緊書, 搵緊工, 或者做緊野. 但係到左12年後的你, 可能到時身邊已經有另一半, 已經成家立室, 甚至做左人地的爸爸,媽媽, 到時的負擔一定比現在大, 現在極其量係要俾$$屋企, 但12年後, 除左俾屋企, 又要俾老婆, 仔女. 又可能咩住層樓,車到時o個種負擔肯定比現在的大幾十倍. 24歲的你,可能仲好有精力,放工後happy hour,但到左36歲, 你個心可能已經去左屋企度, 放工寧願快些返屋企見下個小朋友, 睇下個老婆./公. 我個人十分期待這十二年, 應該會比較有挑戰. 同埋需要好多思想的進步, 計劃先可能令這十二年過得更有意義同快樂. within 這個range 的朋友,你地準備好未? 實行中的朋友, 計劃順利ma?

一齊努力, 不讓時間白過.