續愛民頓,edmonton

今次返黎加拿大第一站其實係在vancouver轉機. 難得有機會停一停vancouver,一定會出去行一行, 難得朋友唔洗返工, 結果帶左我去鴨巴甸mall,其中一個o係Richmond ge唐人mall. 可能當日係工作天,所以比較靜, 食完個vietnamese 粉之後, 周圍行行, 發覺唐人mall真係唐人mall, 跟toronto 差唔多, 都係有六福, 有參容海味, 有旅行社等等.

因為到vancouver同轉機時間只有3個鐘, 所以出左去一陣就要返機場, 途中見到sky rail, 想當年去vancouver 係冇, 講緊係11年前, 但係有一間叫做海港酒樓就反而仲o係度. 整個richmond都好似被唐人佔據住, 周圍都見到中文字, 的確非常適合退休人仕居住. 至少溝通上唔會出左問題. 連immigration都有翻譯, lee d優待o係toronto係唔會見到的!!

之後就到左行程最主要的第2站, edmonton, 我之前上網搵資料已經知道edmonton係一個幾develop的city. 同埋幾靚,又有railway,又有所謂的地鐵. 交通應該幾方便. 但由於我將會開車周圍去, 所以都決定租左架車, 發覺d 路真係幾好行, 由於冇GPS的關係, 加上我的電話冇上網服務, 結果第一晚要搵酒店都有點難度, 結果我就做左一樣幾衰仔ge野, 就係一路開車, 一路開著電腦, 上google map,去到某一點發覺唔係好對路, 就唯有出highway,搵一個上網點, 邊度有呢? 最直接當然搵間motel啦,因為highway 的出口好多時都有一兩間motel存在, 結果唔識路, 就出highway,搵間motel,停o係佢地出面, 再上google map搵個最update的route.結果都搞左一個鐘要去到間motel.時間已經係晚上差唔多9-10點, 好多野已經關門, 所以唯有駕車周圍行一行. 發覺原來都幾多唐人餐館,幾似模似樣.

第2,3日其實都開車離開左edmonton去左d比較偏遠的地方行一行, 其實係另一有目的, 有機會再講. 唯有去到第3日晚上要有機會去West Edmonton mall行一行. 去edmonton 一定要要去west edmonton mall,事關West Edmonton mall係佢地的最出名的地方, 有幾出名? 佢係全世界第5大的mall, 全北美最大. 入面有一d 類似water slides ge indoor swimming pool, 又有casino( 真係估佢唔到), 仲有一個china town ge area,入面有大統華, 唔熟加拿大的朋友未必知, 大統華係一個o係加拿大好成功的唐人品牌, 咩都有得賣. 類似香港的吉之島, 唐人如果去買送,好多時去大統華已經足夠有餘. 除此之外, 又有一個室內的amusement park,類似o個d機動遊戲的遊樂場. 又係indoor,即一年365年都唔會受天氣影響. 入面超大, 大得有點恐怖, d rides有刺激, 又mini games絕對適合一家大細去玩. 又有imax theature ,基本上整日都唔洗離開個mall, 對於冬天出面白雪紛紛黎講, 絕對係一個好好消閒的好地方.  我自己真係好鍾意lee個mall,可惜我去到已經係6點幾, 加拿大就係咁, d鋪頭5,6已經開始關門. 最鍾意佢地曾經同我講" don't work too hard" .或者因為咁, 所以我去到的時間已經冇乜機會每一間鋪入去睇睇, 或者要等待下次.

anyway, 就係咁完成4日o係edmonton的trip,我自己真係好鍾意edmonton, 雖然我o係加拿大8年,但係未至於去過晒所有省份,但係好少有city,我係第一次去到已經唔想離開, 佢地比vancouver,toronto的確冇咁繁忙,但係絕對係一個好有potential 的城市. 而且車同人唔算多, 好舒服. 由於alberta有份出產石油,我預計alberta成個省發展潛力好高. 因為會有好多就業的機會o係度.加上唐人亦算係多, 唐人餐館食ge野都算正宗, 又有麵包鋪, 又有星,馬,泰野食, 已經好滿足, 當然以new brunswick作對比啦!!

anyway有機會我一定會再返黎!!

愛民頓, Edmonton

好耐冇update. 現身處fredericton, 今次返黎renew 返之前過左期的instructor rating.順道趁機會逗留edmonton一段小時間. 一直好想去edmonton行下,因為上網認識左edmonton好耐,一直好想去睇下lee個地方.今次終於有機會.

暫時唔講咁多住.先睇相.

今晚先寫一篇詳細的. 再見.

完成移民procedure

返左香港一段小時間, 一直掛住工作,冇乜心情去寫下野.

而家可以講下去o係加拿大點樣完成最後手續.

首先, 我已經預先約左個律師陪同, 佢負責開車陪我一同去buffalo,US. 事關加拿大o係buffalo有領事館. 而且buffalo lee間係最就近toronto邊境, 順理成章, 我地選擇去buffalo完成最後手續.

當日天都未光我地就已經出車, 事關如果我地o係天光先出車, 到時在highway遇上塞車的機會就增, 避免這個情況, 我地決定寧願早d出發,早d去到領事館. 由toronto去buffalo的車程大概2小時. 途中都遇上少少塞車, 總括來說影響不大.

一個多小時後,我地終於到達fort Erie, 其中一個o係niagara falls附近的邊境關口. 其實過關同香港去羅湖分別不大, 唯一唔同的就是, 加拿大居民show個passport就得.我當時仲係香港居民, 要用visa過關, 所以最終俾美國關員召左入去immigartion office, 做返d例牌野, 記錄我的4隻手指模, 收左我6蚊美金離境稅. o個度都搞左幾耐下,事關佢地都幾懶下, 等到搭正8點要肯開工.
anyway,過到關就算.離開左美國關口, 不需10分鐘就到達加拿大領事館, 上到去,只需要做一件事, 放低兩張相, 寫低自己身高, 眼睛colour就可以等拎返個immigration visa.

等的期間,我同律師落左樓下飲杯iced tea,不足半個鐘上返去, 原來已經搞掂左, 效率超高. 其實領事館最主要俾咩我呢?就係熨左個immigration visa俾我, 有左lee個visa,我就可以再次入加拿大的時候,在關口完成最後手續. 

拎完個visa之後,我地就直接駕車過關, 去到加拿大邊境, 順利地入左加拿大immigration office, 俾張immigration visa佢睇, o個度的入境人員就幫我完成最後的手續,俾左張臨時加拿大居民的身份証明文件俾我. o個封信, 佢幫我釘左o係本passport度, 到第時入藉的時候就拎黎申請入藉,搞passport等等. 而之前提及的楓葉卡呢, 佢地話要等可能3,4個月先可以寄到我手, 在此之前, 如果出入加拿大境,就要show o個封加拿大身份的臨時document. 而臨走前, 那位入境官員亦提醒左, 要成為加拿大公民, 未來5年內,一定要住滿2年, 意味著我黎緊5年內至少有2年時間將會在加拿大生活. 而律師亦有提醒我,由於移民條例經常改, 叫我最好盡快住滿2年, 一了百了.

其實近來加拿大的移民條例收緊得好緊要, 由於中國內地有好多人以申請移民為名, 帶大量金錢入加拿大境, 炒起當地樓價, 俾到當地居民置業有困難, 所以佢地決定收緊成為加拿大的要求, 如果冇意在加拿大定居生活的, 佢地都有權取消佢地加拿大的居留身份. 加上, 有好多內地的人會借買樓為名, 進行不法的活動(咩活動, 大家都心裡有數). 所以佢地而家甚至拖慢中國人申請移民的申請. 所以律師千叮萬囑, 避免受這些條例影響, 最好快d住夠2年.

anyway, 而家完成手續,個心叫做定d,起碼在加拿大可以合法地工作,居住,不受地點限制, 可以自由選擇地點居住, 至少唔一定要住d卑仔,冇唐餐食咁慘.

而之前提過的health card,幾時拎得呢?原來佢地亦有特定要求, 因為好多人拎完身份之後走佬, 所以當我去申請的時間,佢地同我講, 要由我成為加拿大居民身份之後計3個月後先有medical cover, 先有health card. 亦因為這個原因, 我暫時返黎香港先, 等3個月後先返加拿大, 到時工作之餘,至少醫療方面會有cover.

直至現時為止, 一直關於移民的procedure都已經完成. 感覺的確幾奇妙, 由8年前的student visa,2年前的working visa, 到現在可以成為加拿大居民, 好似一個旅程咁. 亦由8年前唔鍾意layback 生活,到現在反而enjoy一d生活節奏比較慢的生活, 人生的確起了好大變化. 至少做人冇以前咁急進, 睇樣比較多面, 樂觀.輕鬆.

anyway,今次加拿大旅程其實遇到好多好令人溫暖的事, 有機會下次再談.

加拿大行, 玩左先算.

hello!!我已經身在加拿大toronto,到左差唔多4日. jetlag問題不大. 但係起初到達首幾日的確係早訓,但又係好早起, 4,5點個人就醒晒.好清醒o個隻, 唯有煲劇等時間過. 結果順利煲晒"真相" hoho!!

頭幾日都冇乜特別野做, 都係出去行下, 食下野, 搵d舊朋友出黎聚聚. 簡簡單單又一日. 嚴格黎講, 並不是壞事, 反正而家做得咁辛苦, 有機會,應該抖抖.

個immigration visa未拎得住, 星期一就會跟律師一齊去拎, 究竟詳情係點,下次講講.

今次反而想講下尋日去左邊度玩.

早在未返加拿大之前, 朋友已經約好左我尋日去玩, 佢地保持神秘, 淨係話我一定會鍾意. 尋日meet up左佢地之後,佢地終於話我聽, 原來我地去kitchener/waterloo 的一個地方叫做Chicopee 的地方玩tubing 同埋zip. 究竟係咩黎?其實就算用中文我都唔識解釋. 我諗唔到一個technical term for these activities. 或者大家睇埋落去就會明.

去圖先.

經過兩小時行程(本來一小時多就夠,可惜我地停留左m記食野, 又遇到放工塞車) 終於到左Chicopee tubing park,當我一去到門口就終於知道今日會玩咩喇.

睇埋上圖, 大家都會明白究竟lee度玩乜喇. highlight of the park,當然就係lee個zip啦, 參加者穿上d Gear 上到斷頭台, 工作人員就會將你用一條wire綁埋一條長長的wire,而該長長的wire就係連接著斷頭台同山腳. 當你ready的話, 工作人員就會開閘, 之後就可以以你鍾意方式跳/跌出去, 一直沖到山腳. 超刺殺!!!!!

上面就係斷頭台喇. 我曾問過可唔可以一路飛, 一路影相,佢地話"at ur own risk"既然係咁講無謂勉強, 沖落黎期間跌左,所以影唔到由斷頭台影落黎的環境.抱歉!!

去到當然要俾錢. 大概25蚊,可以任玩2個鐘加Zip X 2次. 因為chicopee除左玩zip,仲有其他game玩, 但係zip只可以玩2次, 除非加錢. 不過咁激ge野, 對於我老人家, 玩2次就夠喇.
之後就好似上圖咁, 換上gear就可以出發.

Road to the Hell. 就係經o個條路慢慢上去斷頭台/

從lee張相, 大家大概都估到斷頭台距離地下有幾高吧. 其實我初時都有d驚,但係原來個game ,4歲以上都玩得, 冇理由差過d小朋友ga!所以上到去, 開左個閘之後, 拍兩下心口就沖下落去, 唔玩唔知, 感覺真係難以形容咁好玩, 我諗唔洗10秒已經到地. 其實驚就係跳落去o個下, 之後冇乜野, 感覺良好. 有機會大家記住chicopee 呀.

落到地面之後, 對面就會有人接住你, 放你返落地面. 快過煮杯麵的時間就由山頂到山腳.

玩埋兩次之後我地又去玩另一樣野叫tubing. 每個人拎住個水泡.

跟住就沿同一條路上去, 近斷頭台的一半路, 就有個位, 先坐上個水泡, 佢地就會有人推你落去下.
下面張相就係o個兩條track喇. 又係好刺激, 好有速度感.

o個度除左tubing同zip之外仲有d for 小朋友玩ge game.

上面o個個叫eurobungee,都幾玩, 不過唔知係咪我身體唔夠柔軟, flip唔到自己,又好鬼驚撞親個頭. 所以淨係彈下彈下,跳下跳下,not that fun

anyway,就係咁, 玩左一個下午,直到近9點先走, 而家夏天, 白天時間特別長, 到近9點都好似平時香港6點咁. 突然覺得好似時間多左咁!!

問答環節. so far介紹左咁多個game,請問上面張相o個舊黑色吹氣的又係咩黎呢??

俾大家一d時間估下.下次開估.

anyway,今次講住咁多先, 下星期一就會拎immigration visa,之後就會飛上thunder bay找工作, 下次傾.希望你地喜歡我今次的分享.

如果有興趣去玩的話.

下次去以下web site看看.
http://chicopeetubepark.com/summer/index.html

就走

經過接近兩個月不停工作, 終於累積足夠旅費,再上路, 已定於8月頭返加拿大完成餘下手續. 

今次算係第一次正式o係香港工作. 見識到好多野, 亦老實說同加拿大做野手法真係好唔同. 香港工作一定要快, 快, 快. 同埋好多時初返工教完你, 基本上之後好多野要靠自己執生. 變相即係邊做邊學. 有時發覺有些問題係之前從未見過, 教亦未教過, 要到手,靠自己解決問題.

事實上香港節奏真係太快. 感覺就係我只係一條電話線, 要我做到寬頻的速度,的確有點難度. 基本上係做到. 但係幸好仍然頂得順. 我並不享受工作速度, 可是我享受工作上帶俾我的挑戰性, 因為這份工作的確令我學到好多野, 見識更廣, 識到更多不同種族, 界別的人. 眼界大開. 很可惜公司唔俾請無薪假期, 結果在身份同工作上, 我一定要2揀其一, 當然身份更重要, 身份跟一世, 可是工作係殘酷, 做錯野就會俾人炒. 所以已經辭左職, 完左last day.

仲有一個多星期就走. 有點期待. 想睇下有左個合法身份後, 可唔可以搵到第2 d飛行工作. 暫時都唔知, 不過已經準備租架車, 周圍去搵工作.

有一樣野唔講我都唔知. 原來加拿大搵pilot 工, 除左send resume 出去之外, 係要take a road trip,即係揸架車, 去人地門口, walk in 放低resume 同chief pilot 傾. 加拿大通街都係機師, 佢地可能每日都收到好多resume, 與其等佢地揀, 不如walk in 入去, 至少可以表現出自己的誠意. especially 如果你係由一個省特登開車去另一個省, 更顯誠意. 所以車已經reserve左, 到時諗住由thunder bay起步,向西行, 碰一碰運氣. 加上有些朋友, 應該可以幫到手掛.

anyway, 返加拿大再見.

近來

近來真係好攰,好攰.

加多左份full time job,而家一份full一份part time,基本上做足7天, 偶然有個下晝可以休息一下.

咁博原因係我個permanent residence 的申請在上星期正式批左. 基本上已經沒有其他因素會令我得唔到加拿大人的身份. 或者從言語中,大家未感受我的興奮, 但當晚我收到個email的時候, 係興奮到嘈醒左全屋人.

事實上, 我始終適應唔到香港的生活,工作及節奏. 我好怕人車爭路, 人與人之間肩碰肩的感覺. 香港的夏天更令我吃不消. 體力下降得好緊要. 能夠有機會返加拿大重新開始, 我真係感到一種釋放.

最重要係, 今次搞掂移民後, 我可以在加拿大任何一個地方居住,不受限制. 我可以選擇vancouver, toronto, Calgary, 生活上既有唐餐食, 節奏上又不會太過急速.

就係因為咁, 所以在香港打緊兩份工, 希望盡快儲多$$上路, 今次真係一路好走啦. 唔好望返轉頭喇..

不過我不會一下子返加拿大定居住. 由於加拿大移民局要求我8月31日前完成最後手續. 所以我7月尾將來飛返加拿大領取immigration visa 同埋搞埋SIN card,同楓葉卡. 跟住返香港繼續做野, 過埋summer先走. 一定要make sure,有少少盤川先再返加拿大.不過月尾返加拿大, 順道會去Manitoba探一探路,看看有沒有發展的可能.

anyway, 下月尾返加拿大就當係旅遊抖抖啦.

係咪以後唔返香港? 難講,難講. 好多原因影響決定. 如果有好的工作, 一定會返黎!! 但係亦要考慮到成為citizen將會係兩年的事, 到時可能要考慮成家立室等等. 住屋, 醫療, 福利, 社會穩定都係好重要的考慮因素. 到時先算啦, 既來之則安之.

夠鐘返工,再見.

難得的好司機

我自己本身在香港很少搭的士. 實在邊度都去到, 又在唔趕時間下.都會選擇其他交通工具.
加上我對某些的士司機冇乜好感. 成日以為自己揸緊架formula 1咁. 左穿又插. 明明前面係紅燈都唔收油, 硬係去到交通燈前先大力俾brake.佢地唔會諗下又傷車, 乘客又唔會坐得舒服. 何必呢?

但今次的那一位司機真係抵讚到不得了. 趁機會真係要讚下佢.

話說上星期某一日我要到亞洲空運中心, 我淨係知o係機場o個邊, 但係唔知有咩車到, 所以以最合理, 又一定會準時方式,先坐地鐵,到東涌轉的士.

去到的士站, 先找大嶼山的士, 可是等極都等唔到, 唯有向紅的埋手. 本著敬業樂業的精神, 加上的士站上冇寫住向市區, 冇人拒載係咪?

如是者先上第一架, 話去XXXXXX, 佢話唔識路bor,你可唔可以帶路?我話唔識, 咁冇謂再講, 轉坐後面o個架, 同樣答案, 唔識.

第3架, 上車之後佢就話, 應該冇問題的, 有路牌, 應該可以找到. 結果就上左車向亞洲空運中心進發.一路上,個司機就話"冇理由唔識去的, 佢地唔肯去je! " 對此我沒有意見, 事實上我沒有證據證明對方係識路,但唔想去. 反正香港的士司機的確有前科, 就算有此情況出現上我身上亦不見得出奇. 我心中只想快些到達目的地.

如是者, 終於到達目的地, 仲o係gate門口放得低我tim, 車資大概22,23蚊到. 咁禮貌上我要左tips佢, 我同佢講收40, 都諗住唔找錢就離開架的士.點不知個的士司機的舉動真係一流. 佢話唔洗咁多, 仲俾返10蚊我tim. 老實說,我估都估唔到. 講真, 唔係去借機去表揚自己慷慨or 其他野, 只不過人地等左咁耐客, 接支細旗, 禮貌上俾d tips,唔係什麼特別. 我覺得幾合理. 可是司機竟然話唔洗咁多,令我對佢產生一種敬意. lee d就真係叫做專業.

anyway,我覺得幾開心就係自己好幸運遇到一個咁專業的司機. 佢絕對有權好似之前o個2位司機一樣, 話唔識路, 博支大旗出市區, 佢可能放低我之後, 兜好耐都未有人出返市區. 但佢依然以專業行先. 真係好正. 佢最終worst case吉車出去, 冇左幾舊, 但係嬴返黎係人地對佢的尊重.


講返移民o個度, 個medical report在5月頭已經到達加拿大. 同律師傾過,佢話預計6月尾會出一個類似immigration visa,申請者要持有這個visa先可以入境成為加拿大人. 有兩個方法去拎lee個visa,一係寄passport到buffalo ge immigration centre,佢地睇完個passport, 冇問題, 就會連passport,加visa寄返香港, 另一方法就係親自落美國拎. 我暫時選擇後者. 我諗住親自過加拿大一轉拎個visa,順便入境後搞埋d 醫療card, 拎埋social security number,搞埋楓葉card等. 可是將未必係6月尾, 我諗住在香港儲少少盤川後先上路. 因為除左landing之外, 我仲諗留加拿大2,3個星期找工作. 碰碰運氣吧.

怎樣成為航空公司機師(二)

上回講到有一些工作可以build up experience.今次可以講下累積足夠飛行時數後可以選擇什麼工作.

當一個機師累積差不多500至1000飛行小時後, 佢地在工作選擇方向就會多了. 比如說, 在加拿大除了Air Canada, Westjet, Sunwing, Air Transat 等大規模航空公司外, 加拿大本土亦有很多飛regional, Charter operation的小型航空公司, 飛機當然並不是boeing或者Airbus啦, 因為他們所飛的地方都係人口比較少, 需求比較低的地方.

但點解仲會有公司辦這些航線?

因為加拿大的冬天係非同小可, 落雪基本上係例牌的事, 有d偏遠的地方剷雪效率比較低, 就算可以開車到的地方, 路面狀況亦未必許可. 所以空中交通變成唯一跟對外可以聯絡的交通工具, 除左載人之外, 仲有貨呢, 有d偏遠的town, 如果貨櫃車因為天氣問題去唔到, 就要靠貨運公司包左一架飛機,專運食物, 糧食去當地.

這些事情在香港說可能太誇張, 因為根本發生的可能性近乎零, 可是加拿大實在太大, 有好多地方, 係一些細小的town,係一些原居民住, 所以一定要有相當的交通運輸要令佢地未至於跟外界斷絕聯絡.

所以既然有這些公司, 當然需要機師啦. 所以有些機師好似我咁, 有大約1000小時就可以嘗試apply這些公司, 睇下有冇機會了. 別以為這些公司人工會好高. 佢地請得你, 都知道你的目標好大可能係航空公司,如air Canada等, 根本冇諗過係佢地度做過世, 擺明又係o係佢地度累累飛行經驗, 所以人工真的不高, 多數只有幾百元低薪加10至20 加元per an hour. 加上佢地要資助你training,肯定不會俾你成日飛, 因為你愈飛得多, 你就會更快累積足夠時數,離開公司.所以佢地寧願請多幾個人, 令自己人手編配更加多選擇.

現在就介紹下有咩飛機佢地會飛, 我相信這些飛機係大家o係香港肯定見不到,因為香港停泊費貴, 就算full load去香港, 都唔會賺到$$. 加上大型航空公司太多, 根本冇利潤可言.

首先

B1900

這架飛機叫B1900, 在一些地區如非洲, 澳洲, 太平洋島國, 美國等地方都係非常普遍的飛機, 多數都係飛town to town,很少飛往大城市. 至於上圖o個間公司其實並非Air Canada,而係Air Gerogian 以包機形式承包左Air Canada某些航點飛.他們亦有飛toronto, 由toronto飛kingston,有時就係由佢地代Air Canada飛了.

大概可載19人到, 當然啦,短途機, 冇bathroom, 亦冇cabin crew, 更沒有餐飲, 基本上跟坐巴士沒有分別.

Dash 8-100 or 200 series

Dash8 係其中一架我非常喜歡的飛機, 一來係加拿大制造, 2來當年學飛的時間,經常在機場見到, 感到好有歸屬感. 所以其中一個願望就係將來有機會親身試下駕駛這架飛機.

Dash 8相信會比較多人曾經見過, 如果有些朋友去過歐洲, 澳洲,紐西蘭, 美國,加拿大等地都應該會見過這架飛機. 大概可載20-30人到. 亦係for 短途飛機, 航程好多時只有1-2小時.
比如在加拿大, Air Canada Jazz亦有很多Dash 8, 由toronto出發到North Bay, London,Ontario等都係用Dash 8. 

Fairchild Metroliner

Metro又係其中一種短途客機. 大概載10至20人到, 亦不會飛得太高. 大概20000尺到.

Kingair

Kingair 係另一款短途飛機. 但卻好少用於客機, 反而係用作包機之用,即係一團體,或者一個商人自己包左架機,佢地想飛去邊, 就飛去邊.事實上,加拿大有好多地方, 雖然有schedule flights,但係航班選擇不多, 好多businessman都會選擇搵間charter company,quote 個價, 價錢適合, 就可以講好o係邊度上機,幾點上機便可.

亦一用途係用作medavac. Medevac 係咩黎呢? 即係air ambulance的意思.

基於加拿大太大, 基本上加拿大政府係沒有飛行服務隊, 每一個省, 甚至乎每一個城市, 佢地的飛行醫療服務隊都係外判. 當然外判還外判, 一定要間公司有留咁上下機隊, 醫療設備, 醫療人員先可以承包該地點的air ambulance服務.

比如說A town有一病人受左傷,但由於沒有足夠的醫療設備,當地的疹所就會要求醫療公司派出一架包機跟醫護人員到A town的機場, 接送該病人到一些醫療設備比較完善的城市. 最普遍會係做手術. 因為並唔係每一個town都會有足夠醫療設施, 所以無可避免要靠飛機送佢地去適合的地方接受治療.

這些飛機基本上就係一架空中救護車,一切醫療設備都有. 非常完善, 好讓病人在運送途中得到足夠的照顧.

當然我有朋友亦經歷左另一種情況.說起來非常有趣. 由於一些細小的town缺乏醫護人員. 所以有一個早上,佢地接載一班醫療人員包括護士,醫生, 藥物飛到一個小鎮睇症. 結果我朋友跟機長就沒有什麼好做, 唯有在terminal等, 等足6-7小時,等日落, 醫生,護士完成工作後, 再接佢地飛返原地. 真係好慘情, 因為飛行的人工跟在地上等的人工唔同, 冇記錯佢當年飛的時候收入係20加元per hour,但在地上等只有10元.

仲有另一例子亦係非常搞笑. 又係由於該地方沒有人才,需要從其他地方坐飛機來. 今次唔係醫生,而係法官及其他相關人員. 原來並唔係每一個地方,小鎮有註當地的法官,律師, 老實講,比我都唔做啦, 我讀咁多書, 叫我o係個town仔做法官,又唔係成日有case要審, 咪悶死, 亦會白出糧, 係咪? 所以有一早上,我朋友跟機長又接載一批法官, 相關人員去當地法院. 所講的案件當然未必係殺人等大case.可能只係超速, 違例泊車, 醉駕等細小案件. Again,我的朋友沒有什麼好做, 結果點呢? 無聊地去埋法院聽審. 我聽完真係覺得幾慘情, 飛就飛2,3個小時, 坐就可能坐足成個下午.

anyway,今次講住咁多先, 下次講下一些在加拿大當機師的辛酸史.

怎樣成為航空公司機師?

近兩星期都有朋友留言問到怎樣成為航空公司機師.

就借這個機會去講一講.

機師in definition --- 有執照飛行的人, 就是機師, 可以係私人機師,包機機師,貨機機師 戰機機師, 航空公司機師等等.

機師牌照大概可為3種:

1. Private Pilot License(PPL) --- 私人執照, 只可以作私人用途飛行. 不可以借著PPL用來作商業用途賺取金錢.

2. Commercial Pilot License(CPL) ----商用飛行員執照. 持有該執照,可以作商業用途飛行, 包括航空公司, 貨機, 跳降傘機師, 農場在空中播種機師, 飛行教練, 包機機師等等.

3. Airline Transport Pilot License (ATPL)----航空運輸飛行員執照, 持有執照, 可以受聘於航空公司, 成為公司的副機師, 以至機長.

基本上, 世界上大部分航空公司都要求入職的機師,持有ATPL的資格. 當然這亦有例外, 如果係航空公司培訓的話, 他們畢業時,只會持有CPL,同埋一個fozen ATPL and multi instrument rating.

每一個機師, 由零經驗, 以至成為一個航空公司機師要經歷非常長的時間.
他們首先會加入一些飛行學校, 接受飛行訓練, 由PPL 執照開始考, 隨著經驗與技術日漸增長, 佢地可以接受飛行試(flight test),如果flight test pass的話, 就可以考獲CPL. 屆時可以受聘於公司,作飛行工作,例如以上列出的工種等.

大家會問, d飛行經驗邊個知? 一間公司如果想聘用一個機師, 點知道他的飛行經驗等? 所以我們每一個機師會有一本叫Log book的簿. 會記錄左每一次飛行的時間, 飛行地點, 飛機類型, 飛行日子, 年份, 誰是機長, 誰是副機師, 是單引擎, 還是雙引擎等等.

下圖就係每一個機師都會有的logbook,基本上本logbook係跟個機師一世, 直至退休或者退出這個行業為止.

係咪有CPL就一定有公司聘用?

答案: 否

航空業發展成熟的國家如加拿大,美國, 紐西蘭, 澳洲,歐洲等國, 只要能夠負擔起學費加上努力, 基本上都可以考取CPL. 所以有CPL,並不等於一定公司聘用. 好多有意繼續在這行發展的朋友都會考取另一資格叫做multi instrument rating, 有左multi instrument rating就可以駕駛包機, 小型客機.

記得我之前講過, 每個機師係有本logbook跟身. 每間公司收到resume後, 除左睇下個applicant有什麼執照外?亦會留意該applicant有幾多飛行時數,基本上時數愈多,被邀請interview的機會愈大.

比大家一個例子.

加拿大一間小型Cargo company, skylink Express

請副機師.

B1900 First Officers(副機師):  Commercial Pilot's Licence
1000 hours total time
200 hours multi-engine airplane
Successful completion of  IATRA or ATPL written examination with a mark of > 70%
Multi-engine instrument rating

從以上example見到, 有CPL並非一定可以被公司invite for interview. 要得到以上公司邀請interview, 至少要有1000小時總飛行經驗. 200小時雙引擎飛行經驗. 同埋要考取ATPL 的筆試. 加上multi instrument rating.

而大部分飛行員完成training program之後, 大概會有250小時飛行經驗, 所以如果有意自費到外國學飛的朋友, 記住考取CPL,並不代一定會有公司聘用. 飛行經驗係另一重要因素.

點樣可以由250小時變成1000小時呢?

其實我地叫那些剛完成training 的pilots叫做entry level pilots. 基本上佢地從沒有飛行工作經驗,好難搵公司請. 所以要build up flight experience, 要另謀出路.

1. flight instructor---好似我自己咁, 親身考取instructor rating(教練執照)教人揸飛機, 每一個小時在空中教學生的時間, 都會記錄在logbook上. 亦係其中一份頗辛苦的工作, 小型飛機, 大多沒有autopilot,經常要phyically 飛架機, 又沒有先進儀器detect空中其他飛機, 要靠肉眼要找到其他小型飛機, 又要諗下小型飛機上空間沒多大, 屈在空中1,2小時的確幾辛苦的. 又要諗下,基本上,空中只有你跟學生,佢係一個唔識飛的人, 佢做錯任何野, 就要由你去救. 你救唔到, 就大家一齊嗚呼. 所以壓力都幾大.

2. 做跳降飛機師, 跳過降傘的朋友, 都知道飛機內有兩個人, 一個係陪你飛的跳傘員, 一個係就係駕駛飛機上天的機師, 佢地大多都係剛完成training 的entry level pilot. 佢地職責由係帶個飛機上天, 跟住帶返架機,落地上, 工作非常輕易, 可是要諗下, 有工,就有人工, 如果一整日冇人跳傘的話,基本上係零收入, 好難以正職維持生計.

3. 播種飛行員---- 又或者可以作小型飛機機師,駕駛飛機在空中播種或者發放殺蟲藥. 可是這些是seasonal 工作, 並不經常有收入,又是一份難以作正職的飛行工作.

4. fire patrol ---即係駕駛飛機, 在空中周圍飛, 一路飛, 一路觀察各森林睇下有冇火災,或者煙. again,係seasonal工作, 因為只有夏天才是火災旺季, 冬天落雪更講不上火災.

基本上, 以上就係其中幾份entry level pilot可以build up flight experience的工作, 以上工作人工不高, 斷job,或者斷時間計. 所以好多時如果唔搵其他工作, 係好難維持生計. 雖然大家都係機師, 但係絕不是人們心目中好型的工作, 因為他們沒有cabin crew跟他們從機上行出來, 在空中沒有豐富的飛機餐, 飛機上大多沒有冷氣, 飛機只有一個引擎(如果engine fail就.......).,但好多人為左這個航空公司飛機師這個夢想, 依然會努力由這些工作做起, 慢慢一步一步, 一個鐘,一個鐘咁累積到足夠小時apply 其他工作.

今次講住咁多先, 下次講下當儲到足夠經驗後, 他們的選擇是什麼!

遇到兩位準港龍的朋友

今日係我第一日在mega box flight experience工作的第一天.

在一個巧合的情況下遇到兩名準備前往澳洲training的準pre qualified cadets. 其中一人仲係這個blog的朋友呢.

原先我是不認識這位朋友, 是他認得我. 然後大家互相介紹.傾談內容最主要係圍繞澳洲training要注意些什麼, 有什麼可以準備等等.

我自己見到佢地係開心的, 亦樂意地分享左好多我在澳洲遇到的細節. 希望他們避免犯上我遇上的錯誤. 因為我清楚明白這個機會非常難得. 我好希望各有機會去澳洲training的朋友都可以最終凱旋而歸. 老實講. 我知道我不能透過cadet programme入airline後, 清楚知道如果想繼續行這條路,將會愈來愈辛苦, 愈行只會愈多障礙. 所以當我每見到有朋友對我說"我得左喇, 我可以去澳洲了" 我心中都只有一個希望就係佢地可以順利完成training順利回公司報到, 然後順利坐上一架民航機, 衝上雲霄!"

實在我唔希望有其他朋友好似我咁遇到挫折, 因為失敗左後, 要香港這行業立足實在係難上加難. 大家都知道香港航空公司不多, 只有4間. 基本上機會比起其他國家及地區還要少(我唯一諗到比香港更少機會的只有澳門). 所以要繼續發展唯有向其他國家入手. 由charter pilot或instructor做起, 慢慢累積經驗. 做instructor, 我做過, 百般茲味在心頭. 有朋友同我講, 坐一架咁細小, 伸腳都難的小型飛機,又冇得去bathroom,坐得一個鐘已經好辛苦. 我卻在這些飛機生活左900小時. 係難受, 冇錯, 教人係有滿足感, 但滿足感的附帶impact就係心力交瘁, 係好難捱. 所以有朋友對我說, 不如做住instructor先, 但老實講, 我已經對教小型飛機產生一種抗拒, 是一種說不出的感受. 所以當佢地問起我去澳洲如何面對training,我可以講,可以提點我都盡量提點佢地, 希望佢地唔好行我這條路. 實在唔好行.

有時我真的發覺做cadet pilot是好幸福的事情.由公司資助去到澳洲接受訓練. 由零飛行小時到畢業時有大概250小時飛行經驗畢業返港, 接受完type rating training後就可以成為民航機師. 佢地在澳洲的努力是不可或缺, 不可以看少這個training,能夠完成training都是了不起的朋友們. 我睇返自己, 擁有他們差不多4倍的飛行經驗, 卻仍要為這個夢想繼續向一條未知幾時見到終點的路途進發, 實在更樂觀的人都會有擔心的時候. 有時搭車, 一個人行路的時候諗起都會有少少唏噓. 我又唔會怨, 因為唔係我冇機會, 而係人地已經俾左一次機會,只不過我把握唔到. 只可以講, 鬼叫自己咁熱愛飛行, 唯有繼續保持樂觀的心態, 繼續向不同地方, 不同人仕探索機會吧, like most pilots said to me"just keep sending out resume, something will happen soon"

anyway, 我係一個對自己的人生好執著的人. 與其放棄夢想, 做其他工作, 簡簡單單過日子, 反而我會倒過來問自己有沒有為自己人生努力過些什麼. 這是為左一個夢. 我永遠永遠都唔會放棄這個飛行夢.

路係崎嶇, 路係難行. 路永遠唔會有絕對的順利. 但係有路行,總好過走投無路. 所以各位在各行各業想創一番事業的朋友. 一齊努力吧.

我的格言係, 只要我尚有一啖氣, 我仍然會為這個夢想進發. 就算到臨終一刻, 我回顧自己的人生, 我唔會感到遺憾, 因為我曾經為自己的夢想奉獻過自己的青春,時間同金錢.

朋友們,加油呀.

僅預祝兩位北美的代表可以凱旋而歸, 前程錦繡!加油呀!

 

拆禮物.

上星期說過話會一齊拆禮物.

份禮物剛剛從加拿大新鮮運到香港.

究竟係乜呢? 就係一份medical form同埋數份加拿大發出的文件. 或者大家都估到喇,

冇錯喇!!我的加拿大移民申請已經獲得初步的approve. 由於不用做interview的關係, 只要在香港完成身體檢查, 又pass的話, 就可以正式得到immigrant visa,拎住immigrant visa,飛到加拿大,正式登陸成為加拿大永久居民(Permanent Residence).

早於上星期一個晚上已經收到委託的律師send俾我的email, 當時心情真係好興奮,o係搵工未有太大驚喜的情況下, 突然知道移民申請得到approve, 突然覺得在黑暗的隧道中見到光明. 因為做左加拿大人後, 我就可以合法地工作(之前都合法,不過係工作證,只可以幫特定公司工作,仲有其他限制). 事關加拿大其實有好多包機航空公司,耐何見到都唔可以apply,因為我唔係加拿大人. 不過只要land左之後,成為permanent residence之後,唯一限制已經解除. 實在太好了.

諗起上年6月的申請,當時並非我自己的意願, 我當時仍然一心一意返香港工作, 話到時KA/CX,應該冇問題, 可以回流, 但係媽媽托朋友搵左個律師, 個律師解釋左,而家申請係最好機會, 因為移民條例經常改, 趁住加拿大需要人,亦有新program招攬曾在加拿大工作的人, 唔好浪費機會, 當係俾多個選擇俾自己,俾多個選擇將來的家庭. 我其實當時有點猶豫, 無可否認我喜歡加拿大的生活, 希望自己的仔女在加拿大讀書.但係由於條例限制, 如果在香港工作的話, 就算得到身份,亦用不著. 所以當時都係十五十六. 但係最終都係apply左, apply過程都亦非一帆風順. 因為份form好多野填, 又要考IELTS試,講起個ielts試真係陰公, 由於我個省冇試場考試,結果要開車到另一個省, 淨係一程都開左5個鐘車, 攰到我!!最慘係回程途中落大雨, 由於安全關係, 要開慢一點,之後又發覺愈揸只會愈危險, 擺埋架車o係一間motel避雨, 足足搞左7個鐘先返到屋企. 返到屋企, 衫都冇換, 野都冇食, 就訓到天光.

anyway,apply左之後, 我都冇理喇.加上當時KA話interview成功左, 心諗應該就算得左, 都未必可以返加拿大定居掛!?我當時真係咁諗, 基於人工不差的情況下, 就算第時要送仔女去外國讀書, 咪靠自己努力搵錢送佢地出國,所以當時根本冇諗過真係會登陸加拿大.
但係天意就係天意. KA o個邊臨門一腳撻Q. 當陣時除左期望o係亞洲搵工之外, 就係希望個移民申請會pass, 我自己心中盤算機會並不大,因為加拿大大把機師, 點會搵個亞洲人做這份工作呢? 根本唔需要我. 所以我一直的心情都係隨遇而安, 得就好, 唔得亦不會太失望. 咪o係亞洲區周圍搵lor.

至於第時immigrant visa出左之後,會唔會真係去移民去加拿大, 暫時看來機會都幾大. 老實說,近來真係搵過好多關於飛的工作. 曾經的cebu pacific,可惜近日收到佢的消息話佢地選擇更好條件的機師. 而香港另外兩間航空公司,亦有溝通過. 其中一間,話i am qualified to be interviewed,可惜並沒有interview schedule. 另一間我同個captain溝通過, 可惜佢地現在有10個人等待training, 所以暫時不可以請更多人. 佢亦提議我o係可行情況下不如返加拿大做住先. 直到再inteview時,call我返香港. 至於內地亦有傾過,不過我前老細遲遲都未有新消息給我.

加上最重要一樣野, 就算移民,成為permanent residence之後, 係有一個限制. 大家都應該聽過移民監. 對於我這個個案亦有所謂的移民監. 5年內, 我要住滿2年或以上. 點解要咁呢? 因為permanent residence 並唔係最高身份, 在加拿大最後身份叫做加拿大公民(Canadian Citizen). 要成為citizen就要加拿大住滿2年以上. 做公民同永久居民分別係咩呢? 以我所知, 最大分別係本passport.要得到加拿大護照, 一定要成為加拿大公民. 而且如果我冇記錯的話,如果頭5年住唔夠2年的話, 不符合資格成為加拿大公民, 第時就算再住夠2年亦唔可以成為加拿大公民. 我想成為加拿大公民除左因為本passport之外,應該尚有其他原因. 我嘗試去找到答案.

所以無奈地,可能我都要一個人返加拿大住. 加拿大生活簡單, 節奏冇咁快, 但係又回到一個人生活的日子, 心裡好難受, 真係. 你要諗下之前7年已經過著咁的生活, 諗住這些日子終於完, 點不知原來只係一個pit stop.休息過後,又要返去加拿大一個人住. 心理上係好難受. 唔係講笑. 加上如果返加拿大, 可做的工作只係一個包機機師, 載10人o個d呢? 並唔係想像中那麼理想的工作, 只係一個step stone. 我並唔係誇張,下次有機會講講工作上的細節大家就會明白.

anyway,能夠得到另一個身份, 點都值得高興,至少可以o係另一個國家合法工作. 但係諗起捱凍, 捱寂寞, 諗起都驚. 唯有靠樂觀,阿Q精神,同自己講這些日子會好快完,好快就可以過更好的生活. 樂觀唔可以改變事實,但可以改變自己的心境.

移民 (一)

好耐冇講過關於加拿大的資訊. 

今次講一講移民.

隨著香港物價上升, 跟收入不對稱, 或者對香港政府施政感到失望等等. 或者會令大家產生一個念頭, 不如移民去外地.

想講移民的高鋒期不得不提上個世紀90年代頭. 當時正正係64期間之後數年, 加上97臨近, 有大部分對香港未來感到憂慮的人仕都選擇左o係97前移居海外, 而紐西蘭, 澳洲, 美國, 英國, 加拿大等地就成為左佢地的理想國度. 無獨有偶, 我身邊的加拿大朋友都係差唔多o個段時間移民去加拿大, 佢地大約4,5歲就跟著屋企人移居海外, 由於o個段時間的小朋友尚年輕, 吸收能力強, 所以學野速度, 以致佢地好多都能操一口流利的英文. 

當然能夠移居海外的,不外乎2種人. 1)有錢人, 2)有技術或知識的人.

現在我屋企人談及這個情況亦好可惜當年沒有趁機會申請移民, 我的爸爸媽媽當年都並非生長於有錢家庭, 從小屋企亦沒有能力供應佢地讀書至大學. 是典型的屋村家庭. 所以到80年代尾, 90年代頭, 組織家庭後, 亦沒有諗到會移民海外, 所以用積蓄買左居屋而沒有移民海外的念頭,但當2003年送左我去外國讀書, 佢地就有少少後悔當年的決定, 睇住加拿大元由1對5, 升到高鋒期的1對8, 佢地就開始覺得早知道這個情況, 當年就選擇移民海外. 不過老說話: 有早知,就冇....啦! this is life.

我又覺得可以趁這個機會談一談移民這個話題. 相信一些準備組織家庭, 或者將來生兒育女的朋友亦可能會感到興趣.

先講移民的方法.technically 黎講有兩種.

1. 投資移民

2. 技術移民.

今次我會約略講下兩者的分別及要點.

投資移民

固名思義係用錢換取身份返黎. 簡單黎講, 需要一筆資金投放於加拿大的生意上. 或者大家會聽到好多靠投資移民移居海外的人, 會去到就買一間唐人餐館做生意. 事實上, 唐人餐館的確係其中一個最吃香的行業, 就說明左點解去到邊度, 都會見到唐人餐館這個道理, 除此之外仲有洗衣店, convenient store等等. 加拿大政府的最終目的係希望你投效資金o係這些城市, 製造就業機會.

技術移民

技術移民,最重要當然就係學歷. 學歷要求普遍至少都要大學學位程度或以上, 學歷愈高, 當然愈吃香. 除了學歷之外, 另一方面當然係技術. 技術可以係醫療, 教育, 法律界, 工程師等等. 全球無論那一個地方都有著人口老化,出生率低的問題存在. 加拿大亦有樣同著的問題. 加拿大為了吸納人才, 會接受海外有技術人仕申請移民, 最終目的就當然希望以這批人才去填補國內人才不足這個問題.

係咪代表醫療界, 法律界等專業行業一定吃香呢? 非也, 其實除左睇學歷同專業技能, 加拿大政府審批一個申請亦有多方面的考慮.

至於詳細就留待下回分解.

至於我自己近來都係這樣, 有一些interview,亦有航空公司的接觸. 最開心的係收到一份禮物, 這份禮物現在身處加拿大到左我媽媽朋友手上, 遲下就會速遞返香港俾我. 應該下星期初就會收到, 到時一齊拆禮物啦.

 

兩件小事.

想講講今星期經歷的兩件小事.

時間: 一個星期日的中午.

地點:綠色小巴上.

話說上星期日我在藍田乘坐小巴到我婆家(順天), 我坐在司機後面的位置,近窗. 我上車後不久就有一位我相信係小學生(著住校服), 左手拎住汽水, 右手拎住小提琴(以個盒的size估計),佢一上車後, 就坐左o係我隔離. 佢上車後, 沒有即時俾$$, 而係同司機講, 落車先俾,  當時司機亦沒有異議. 如是者架車去到秀荗坪附近,佢就叫有落, 落車就用octopus俾錢. 然後落車. 成件事好似冇乜問題. 我初時都以為係.

誰不知, 當我望向個8達通個機度, 我就發現一d有趣的事情. 大家都知道綠色專線小巴係有分段收費.基本上機上的數字按道理上應該係愈近目的地,數字應該愈細. 那小朋友上車的地點係藍田, 車費應該係3.7, 但因為佢落車先俾$$, 當時因為分段的關係,司機已經將機上的3.7 轉為$2.7, 如是者,小朋友落車"o都"機的時候就只係俾左2.7, 而唔係應付的$3.7. 就係因為咁, 小朋友o係有意無意的情況下俾少左一蚊. 當然我跟這位小朋友唔認識, 不可以斷定佢係有心或無意去得到一些利益, 不過我倒覺得這個係漏洞,或者下次司機要限制乘客上車付錢, 否則同樣情況會再次出現. 大家不妨下次留意有冇同樣情況出現.

第2件小事

地點:籃球場上.

人物: 我, 一位老伯

時間: 一個下午.

有一個下午, 我一個人去籃球場打籃球, 本來都只係射下波冇乜特別. 隔左一陣, 有位老伯走來問我一些問題.

老伯: 阿哥哥, 可唔可以阻你少少時間?

我: 冇問題.做乜??

老伯: 我想問有間叫德X中學o係邊度? 知唔知點去,行唔行到?

我: 可以搭21號, 落車行上山(事關我曾經去過該學校比賽,約知道點去).

老伯: 咁你知唔知道呢, 間學校幾時招生?

其實我當時猶豫左一陣, 因為招生這個term真係好耐冇聽過,加上如果制度冇變, 我想當年唔係叫招生, 而係電腦派位.

我: 我唔太清楚bor.

老伯: 會唔會係春天或者夏天開始招生啊?

由於我真係唔知, 我唯有咁講

我: 都應該係暑假期間會知道間學校收唔收ge.

老伯開始入正題.

老伯: 其係咁ge,我個孫女,就黎要揀中學, 我想知道邊間中學好, 同埋間德X中學好好. 你知唔知究竟男女校好, 定係女校好啊??

我: 其實兩睇啦, 女校好, 就係你未必會擔心佢會拍拖, 但係男女校就會令佢可以懂得同異性溝通呀咁.

老伯開始問得更深入

老伯: 你知道而家好鬼開放, 我好驚佢遇到一d唔好的男仔, 我驚人地知道佢係"女仔"(我諗大家明這個term咩意思"而搞佢呀. 你明我意思ma?

我: 其實就算男女校好, 女校好, 如果佢真係要拍拖,你都阻止唔到, 唯有o係家庭貫輸多d這方面的知道俾佢, 等佢知道多d, 保護自己lor.

老伯:你唔知ga喇, 而家男,女好鬼早熟,主動, 我地就算點講佢地都唔聽. 我驚佢遲早會出事.

老實講,去到這個moment我已經唔知點答佢,事關實在家下男女要拍拖, 真係管唔到咁多, 所以我都係愛莫能助.只係最終講返同一句說話,叫佢多d留意自己的孫女,多d同佢地溝通.

最終佢都覺得在o係lee條land仔身上,都問唔到d乜,唯有問我o係邊度可以搭車去德X中學.

我明白老伯苦心,但好老實講句, 而家的風氣已經同以前好唔同, 比如話, 我地以前上堂要偷雞飲維他奶都要將包野放入筆袋,伸條管出黎飲. 我有朋友而家係教師,佢話而家d"乖"學生, 真係唔怪理你, 飲咪飲lor, 鍾意o係課室自出自入.唔會"烤"門. 淨係從lee例子已經發覺而家lee一代真係好鬼難教. 一來社會風氣變左, 2來某些父母會代自己撐腰, 有乜就投訴, 3黎, 香港出名工時長, 好多時父母都可能要返夜, 變左陪小朋友的機會少左, 一早放低飯錢, 根本個仔整日做過D乜,發生乜事,根本冇人知, 家庭嚴重缺乏溝通. 加上而家internet太發達, 網上的資訊多, 大人就話識分辨是非, 成長中的學生有幾多真係會識分? 所以變左而家年青人問題比以前嚴重. 實在我睇唔到將來的情況有進步的空間.

所以當老伯問完我之後背向我離去, 我都係只有o個句,愛莫能助, 我好相信佢要管好自己的孫女,唔係話我俾一,兩個建議就可以做得到, 或者佢應該要明白到, 乜都係由家庭出發, 要自己的孫女,先要佢自己的仔/女, 女婿/"身抱"放多d時間俾自己的小朋友. 唔好依賴學校, 學校可做的真的有限.

從搵工中學習.

返左香港差唔多有一個月.

開始搵工的歲月,感覺良好. 其實apply 左的工作真係不少, 而家搵工的target 已經不限於香港. 有國家如vietnam, Saudi Arabia, Indonesia, Australia, Korea, China, Philippines, canada都有apply, 有少量reply.

而最typical 的reply 莫於係

"thank for your interest in XXX airlines. Your resume will be kept with and you will be notified when suitable opportunity becomes available"

冇問題的,有reply總好過send左但冇回應.

其實近一個send out左唔少application letter,漸漸學識點樣好好咁draft一份cover letter.

搵工就好似將自己當成一件貨物,透過一封email去sell 自己, 點樣可以從一個page ge Microsoft word document可以吸引對方的注意也是一大學問. 從寫cover letter我學到以下幾點是非常重要, 以下幾點係我發覺怎樣可以吸引公司對你的興趣

1. 人工: 由於仲係年紀比較少. 金錢對於我的重要性相對上比經驗的價值為低,所以當例明自己的expect salary的時候, 我都會好刻意將價錢壓低至市場價格的一半. 當然有時都要做下research,先上aviation forum,問下人地該公司的入職人工, 然後再cover letter上,寫少一半, 好自然會產生對方興趣. 當然這個方法並唔係間間可以, 大公司唔會因為你一個人而改變公司的pay scale,只可以從一些細小的regional, domestic airline,甚至charter company入手.

2. 合約年期: 好多公司請左你之後,都需要你接受一段時間的訓練以達至公司的水平. 該training的花費不菲, 但好多時都會有由公司負責資助training的費用. 但要求員工同公司簽署一份合約,以綁住員工, 確保員工為公司服務一段日子先可以考慮離開. 對公司來說,對未來幾年的人手調配有保障. 所以我亦在cover letter中加入這個承諾, 承諾可以簽署比平常機師所簽的合約更長. 大部分公司要求簽署大約13個月至5年不等的年期合約, 但在cover letter,我試過咁寫" i am willing to commit a long flying career with the company, length of the contract is base on company's discretion." 講真, 現在25歲仍未到, 就算簽十年,十年之後先係35歲,尚算年輕, 到時再轉到其他公司亦可行.

3. Willing to relocate: 有好多公司有唔同的基地, 有些基地可能係一個比較remote的城市.生活水平可能不高. 未必可以吸引人去居住. 但我自己覺得冇太問題. 以前或者好想返香港居民,但如果實際情況不可,唯有要阿Q少少, 四海為家, 要邊度住都沒有所謂, 最緊要有工作,有經驗. 同埋好多前輩都提出一點, 後生仔, 一定要肯捱, 辛苦d又有乜所謂, 又唔會辛苦至死,所以去邊度都冇乜問題. 最好當然在香港基地更好, 不過如果唔得的話, 亦不需要強求. 

以上幾點對於其他機師見到可能會覺得"嘩,有冇搞錯啊? 咁樣頂硬市!" 所以, 我apply的公司都並唔係一般大家在坊間所認識的航空公司. 我相信當中比較出名的只有Cebu Pacific, Cebu Pacific 本身人工低, 相對於亞洲區黎講,都算真係幾低.加上近來佢地有好多機師離開左,去左亞洲其他地區搵食, 所以我覺得會係一個好好的機會,不過so far仍未有任何消息.我集中apply 的公司都係一些暫時唔出名, 或者公司規模比較細的公司. 佢地大部分的機隊都不是airbus or boeing. 只是一些regional jet. 這些公司的好處是規模細,加上飛機都係比較中,短線的飛機, 對於我現有的經驗,可以附合到公司的要求. 所以什麼korean air, JAL, Singapore airlines等等我唔可以apply,連入場劵都唔可以拎到. 財雄勢大的公司,以人力,物力絕對可以在其他各地請到機師,必要時更可從其他公司掘角, 點會考慮我這些小人物呢?

現在的路線係希望從一些蚊型的公司做起, 慢慢黎, 同時間亦拜託其他朋友幫手打聽下. 佢地都不厭其煩地幫手問一問佢地的朋友. 當中亦blog友私下留言, 經常透露一些消息給我, 我亦想趁這個機會多謝你們的幫助. Many thanks!!

Anyway, 擔心,就真係唔太擔心,我知道搵工係唔急得.我現在只有耐心等待機會出現.最壞打算就係返加拿大做住野先. 不過暫時都留守香港先. 我為自己訂立一個限期,暫時跟這個限期尚有一段日子. 樂觀d! if it happens , it happens. If it doesn't happen, nothing you do about it. you cant push but you can prepare.

在學校的最後一天

前兩日是在學校的最後一天.

亦沒有什麼野要做, 所有行政上的手續早已完成. 那日早上只係返到學校跟一眾一齊工作過的同事,學生道別.

可能係人生第一份工, 未習慣離別的感覺, 所以真係有d唔捨得. 雖然Fredericton ,New brunswick係一個冇唐餐食, 天氣好凍的地方, 但係當地人的確俾到一種好親切的感覺, 雜貨店老闆, 到esso 叔叔都記得我的存在. 臨走前,亦特登開車去找他們道別. 整個town俾我感覺好似一個大家庭咁. 可惜這個地方仍未令我產生歸屬感,加上種種原因,我覺得如果可以的話,應該係時候move on.

我亦跟他們承諾將來如果有時間的話, 會返來探他們. 但而家的確要跟他們暫別. 這個地方給了我很多回憶. 係這個地方訓練到我有咁強的鬥心, 係這個地方令我學懂堅強, 有韌力, 不怕辛苦,不輕易放棄. 這些條件比起找到一百萬更珍貴. 因為將來的挑戰只會愈來愈艱鉅, 在fredericton經過磨練後,應該有更充分的準備接受餘下的挑戰.

就黎返香港, 希望盡快有好消息告知大家吧.

離開前一晚, 跟一些還在training的學生吃晚飯. 真的好開心. 好開心可以跟學生們暢所欲言. 老實說, 由細到大, 我都冇諗過要教人, 我自覺根本沒有什麼值得別人學習. 但一個偶然的機會令有機會教學生飛行, 令我學懂怎樣跟學生溝通,怎樣去approach一個學生, 怎樣控制學生的情緒, 最重要令自己學懂一些溝通技巧,點樣去教人.

我架車, 人生第一架車, 好唔捨得, 跟我捱了4個寒冬, 當我在車裡面, 安然駕駛的時候, 有冇諗過其實佢係一個受緊風吹雨打. 架車雖然外表殘舊,但副engine依然好硬淨. 好可惜不可以帶他返香港.

 

學校的random shots

一個幾好朋友的同事, 最開心並唔一齊工作,而係每個星期六早上坐在學校嘆bagel,飲杯hot drink. 好鬼寫意.

我的program manager, 雖然好多人都唔太鍾意佢,不過我自己對佢冇乜野. 合作愉快.

我咪話我的上司好nice ge?就係佢喇!!好開心可以跟她合作.能夠曾經作為她的下屬, 一個種榮幸. 將來未必可以再一齊共事, 但肯定的一件事,大家一定保持聯絡, 她說她亦機會到內地公幹,到時有機會帶她到香港玩返轉吧!!