十年

十年.一個妙的數字.
不經不覺. 識左香港的中學朋友已經有十年的日子.
能夠keep到十年真係好難得. 加上部分人如我, 部分時間都不在香港. 但感情猶在.
就o係大家相識十年的時候, 我地搞左一個壽宴去慶祝這個大日子.
感覺太好. 由大家相識的時候可能仲係追星, 去陸運會,玩ICQ的時代,到而家大家都長大成人, 有自己的事業,學業,愛情. 感覺轉變真係幾大. 如果將這十年輯成書本, 將來自睇返, 一定會津津有味.

當日天氣非常好, 我們幾個子先去南生圍散步.
第一次去南生圍. 都好,叫做去過. 第時人地問o個度d街渡幾$$都知.
同埋,真係幾好行, 好少可o係香港有個地方行左3個鐘都唔會聽到電話聆聲, 粗口, 同埋汽車聲!

之後就係去左上面幅圖之地方, 白泥睇日落!!

幾爽呢!!

歎過日落後去左元朗,一家住家式的地方食盆菜. 好!非常好食.
大家好似一家人,可以無分比此. 唔洗用公筷, 鍾意食咩就食咩.此刻無價.

臨離開之前, 更收到一個震撼的消息, 就係我地其中一位女成員宣佈將會年尾步入教堂, 成為人家的妻子.消息黎得非常震撼, 事前毫無先兆. 不過係開心, 真係好開心, 佢係我中一第一個坐o係我隔壁的女同學, o個陣為左計數鬥勁, 輸左一包lemon tea俾佢,哈哈, 你睇,我幾記仇,lol!!

講真, 真係開心, 佢係我地首個成家立室的人, 我相信lee d野只會陸續有來, 遲早炸死我個wallet,不過真係開心. 我最鍾意就手旁觀. 咩都唔洗做(除左人情), 就可以食餐勁.哈哈. 講笑OnlY!!
我好期待我班朋友可以一個, 一個嫁出去, 娶老婆,咁將來下個十年就唔只開一圍, 仲可以包晒成個場. 大人一堆, 小朋友又一堆. 實在太好玩呀!

同埋去婚禮, 實在太多感動位, 我lee d大壞蛋就最鍾意事前圍埋做d野, 搞喊個場. 我地心裡有數,始終係老朋友結婚, 一定要送一份有心思, 有紀念價值的禮物. 我相信佢地收到一定會好開心.

本身plan左年尾返黎一次, 家下又要再準備機票, 12月再返黎多一次.

在此僅祝yan 同學與其未婚夫白頭到老(white head to old), 仲有連生貴子. 記住呀, 你應承過我, 第時借個仔俾我, 幫我逗利是ga.

thank you every of you, i love you so much .Please accept my sincere blessings and wish every one you all the best in the future. i will see you soon.