自己面對壓力的心得.

每個case study 都有cause and effect, then solution.

咁先講cause,做flight instructor又好, 做什麼工作都好,一定有壓力, 壓力可以係自己俾自己, 可以係上司, 可以係客戶. 其實邊個俾都唔緊要, 都緊要係你點去handle. 就好似做flight instructor咁. 都有佢一定的壓力.

好多人有個錯覺, 做flight instructor, 同做airline pilot一樣, 坐o係架度,take off完等landing,非常輕易. 但事實上,又點會咁易.

一個小型飛機, 內裡的儀器冇大型飛機咁先進. 好多野都要靠人手去處理. 大型飛機可以靠機裡面儀器去睇到附近飛機的位置, 高度,距離.但係小型飛機就要靠自己的肉眼,if you dun see it, u are done for your life. 咁又會為飛行製造一點壓力. 猶以入到交通繁忙的地方, 周圍都係飛行, 加上d小型飛機又細隻,又係白色, 有時真係好難睇得到, 如果遇到咁的情況, 壓力係相當大. 加上你要顧自己架飛機同時, 又要教學生. 真係一點都唔輕易. 事關每一個決定都關乎機上的人安全, 同埋地上的人安全. 

又如, 教學生一止飛行技術的時候, 有一些技術係比較高難度. 同埋危險性甚高. 自己做, 問題都還不大. 但如果要放手俾學生自己做, 壓力係好大, 因為學生就係學生,對飛機的認識不足, 技術不是最純熟, 加上佢地學習都有壓力, 有時就係咁一個唔覺意就會出事. 所以有時放手俾佢地自己做, 成個人都要打醒幾萬分精神, 隨時有咩事, 就要救機. 因為學生搞唔掂的話, 最後平障就係自己, 如果我都救唔掂, 就會玩完. 咁可能有人會問, 做得instructor,應該o係上堂時就會教左你點救機ga啦. 事實並非如此, 上instructor course所教ge野有限, 加上學生唔熟架機,佢地可以做出來的事, 係經常性出人意表. 到時都係靠自己執生, 所謂的執生都係唯有自己對架機熟d, 到出事的時候頭腦清醒d. 早一d去foreseen 一d可能發生的問題, 防範於未然. 但係學飛始終係有風險, 出事的機會一樣有, 我自己的學校都曾有發生意外, 幸好未造成人命傷亡. 有時真係好想離開這個崗位. 猶其是知道當日係要做一d高風險的exercise, eg. spins, stalls, advance stalls.真係有點抗拒, 但又知道, 唔做唔得, 唯有之前一日早點休息, 俾自己有一個高度的集中力和體力.

還有, 另一壓力就係來自學生, especially放學生自己第一次去飛, o個種壓力真係大過自己飛的好多好多倍. 根本冇得比. 因為學生上到去, 有咩事都要自己搞掂, 冇人可以幫到佢. 如果佢touchwood出事, 作為instructor 就會責無旁貸. 所以每次放學生first solo,我都會幫佢地做好多心理調整. 例如大聲鼓勵, 拍佢地心口, 盡量增強佢地信心, 同埋o係飛的時候, 俾多d自由度佢地(最多出事時, 自己執手尾). 當佢地o係冇人幫的時候做到的話, 佢地自然會有信心. 所以每次first solo都有代價, 代價係壓力, 但壓力背後的就係學生可以從乜都唔識到自己可以上天空, o個種滿足感唔係$$就可以買到. 

點樣去減壓, 心得講唔上, 只不過每天放工, 盡可能都唔好諗返今日做過什麼. 盡量做自己想做的事, 例如買自己想食的食物, download d自己想睇的劇黎睇. 盡量獎勵自己. 亦不要將工作情緒帶返屋企, 這實在沒有必耍的. 

壓力人人都有. 能夠化解, 減壓與否, 事在人為. 不要為有壓力而出錯或逃避找藉口.