壓力!?

今次返香港識到好多朋友, 有小朋友, 有長輩, 有平輩.



其中一個係我媽媽的食客, 其實係一班人, 大家已經熟到一齊約出黎BBQ 等等



可能係我個人多野講, 加上好奇心重, 好多時會請教佢地一d 人生道理, 好多知道當到左佢地的年齡,佢地的心態會係點, 同埋如果以一個人家妻子,
會對一個家庭有什麼盼望.



事實上, 一樣米養百樣人, 每個人都會有自己本教科書去行自己的路, 你有你的方法, 我有我的. 你同我的方法不同, 並不代表你會成功, 我不會,
反正人生路上, 一個人成功與否 ,根本冇一個準則.



所以當可以識到一些前輩的時候, 好多時,透過佢地的說話其實可以學到一d 求生技能. 聽之餘, 亦要過慮下.
然後慢慢編輯一本適合自己的教科書引領自己去行自己的人生路.



其中有一位食客問我. 現在的我, 有冇壓力??

問得好, 有冇壓力? 壓力好似係一個好可怕字眼. 壓力係一樣無形的東西, 但係威力係大到令不少人因為抵受唔到壓力而自殺. 細至小學生,
大至出黎做野的白領. 可能有人話" cher,你唔係當時人,你梗係講得輕鬆啦!"



冇錯, 的確我唔係當時人, 我只可以講每個人的性格唔同, 好難會人人都可以好輕而易舉咁處理壓力帶來的負面影響.
但係方法係一定有.受壓力的人如果肯依照別人提供的方法去減壓, 或者佢地最終唔會選擇自殺.

方法係有, 但係個quantity係幾多, 會直接影響個效果. 正如每個人的體質唔同, 大家都感冒的時候, 可能你食一日藥已經冇事,
可能我食幾日都仲死下死下咁.



就等我試下講下我對壓力的睇法.



作為一個大家所講的80後(其實我唔係好認同自己係80後, 最多都係90前)因為我一D都唔激進.



一個接近24歲的年青人,畢業兩年, 有份工作. 係咪代表冇壓力呢?

不妨又講下有咩壓力先?

去左外國7年. 用左屋企超過百萬完,如果讀唔成書,of course,there's pressure.



做到自己所做的事,係一個有牌照的飛機師,但係未飛到airline, of course there's pressure.



人工不是目標的, 想賺取更高的人工,of course there's pressure.



係屋企長子, 想屋企人早一點退休, 但現在未能做到,of course there's pressure.



當每次準備充足,去見工, 但唔成功, 心裡的焦急, of course this is pressure.



想成家立室,但連女朋友都未有,of course ,there could be pressure.



當人家質疑你的專業, 你要解話,of course there's pressure(經常出現, 香港冇這類工作, 並不代表世界其他地方沒有).



可能對於一些30,40歲的人仕, 根本係微不足道, 冇錯, 我認同, 根本係微不足道.但係事實上, 我未到o個個位置,
我真係唔會感受到一個husband or father ge pressure, 我斷唔能夠為嘗試這種壓力而草草結婚.



只不過我想講ge係, 唔同年紀, 有唔同的壓力,但減壓的方法其實都係一樣.

 

我自己處理壓力的方法其實好簡單. 就係ignore. 千萬不要當它係咩一回事.



係存在,但不要受其影響.



Always stay positive.



當遇到壓力, 首先唔好感到沮喪. 或者手足無燥. 知道自己的定位, 專注自己的工作, 咁先可以將自己最真的實力表現出來.

壓力可以令巴治奧射失十二碼, 其實就係stress management 的學問. 如果唔係有幾萬人叫, 有咁多國民的期望, 而係一個人練習場,
練射十二碼的話,佢應該未必會射失. 所以最先要就係將自己沉醉於自己的世界, 將自己融入一個只係你, 個足球,同埋龍門架的世界.

正如工作一樣, 老細迫你交貨, 咁你首先要做的一件事, 就係ignore 左你老細先. 唔好因為佢爆晒粗. 恐嚇你話扣你糧而產生壓力.
你先要知道你自己要做d乜, 然後就做. 你的電腦, desk, chair就係你的最好partner. 然後就麻醉自己, 同自己講, 人地做到,
我都一樣會做得到.



好似我當年學飛咁, 一班有20幾人, 當時見到一個,又一個朋友考到牌照, 我仲未考到其實,唔多唔少梗係會有點壓力,
因為限期內做唔到自動俾人foul 走. 但係我當時就同自己講, 佢地做得到, 點解我唔可以? 然後就用說話去支持自己努力,撐落去.
遊說自己,話俾自己聽,自己係得ge. 當然又有人會話"自欺欺人咩!" 我諗唔係自欺欺人, 係一D激勵自己士氣的說話.
係激發自己將自己心底最後一啖氣都用埋出黎. 成功只會跟自己愈走愈近. 人生斷不能永遠靠別人去撐自己. 真正救到自己的,永遠係自己.
所以當我遇到壓力, 個人軟弱的時候, 我就會撐自己,話俾自己聽, 壓力咪壓力, 只要死撐落去, 壓力自然會離我而去.



如果touchwood真係遇到失敗, 肯定又會有不同的壓力. 咁點算呢?? 到時就要同自己講"it's just a matter of
time!" 今次唔得,並不代表自己失敗.每一次attempt ge背後, 都係一個學習的機會. 只要從失敗中學習, 成功只係指日可待.

差不多天光, 係時候訓了. 下次再講埋落去.