醫療專機

黎左這裡接近一個月, 尚在training中, 由於chief pilot唔得閒, 變相令training的時間長了, 不過既然佢一直俾人工我, 我又唔介意等. 應該去到11月尾就會正式接載病人.

其實飛medevac可以算係其中辛苦的工作, 我地的飛機不是boeing, airbus, 沒有佢地那麼先進的navigation and avionics systems. 而且我地多數飛的地方係偏遠的town仔. 那些機場絕對不是你們平時去的機場, 細之餘, 設備亦非常落後. 平時大家見的跑道是asphalt ,即係用蠟青鋪的跑道, 而大部分northern regions的跑道其實只係一條沙地, 或泥地, 絕對冇平時的跑道那麼平坦及闊落. 對於機師的技術要求更大. 因為只要偏向少少, 就可能飛到跑道兩旁. 而且大部分機場沒有雷達, 亦都沒有人在地面上每分每秒update機師當時的風速及風向, 要靠機師自己判斷, 或靠望向wind sock,可是我敢講90%情況在空中係非常難望到wind sock所指出的風速及風向, 亦令每一次approach的難度增加.

加上那些機場好多都沒有一些所謂的instrument approach,要靠肉眼去jugdge架飛機是否太高或太低. 日間還好, 夜間會更難, 因為視野比日間更差, 更難judge,距離地面的高度. 有悉識航空的網友可能會話, 有papi同vasis 咪得lor!!冇錯, 推論正確,但係我地在加拿大北部, 沒有那些咁fancy 的設備. 除非係飛去一些比較大的town,否則除左對眼, 沒有什麼可以幫到你去降落.

雖然如此, 我仍然非常期待這份工作, 這份工作的確好有意義, 除左飛之外, 亦可以幫到有需要的病人或傷者. 咁有人會問, 究竟成個operation係點ga? 除左駕駛飛機外, 還有沒有其他飛行以外的工作呢? 當然如果淨係駕飛機就好了, 我們除左飛之外, o係飛之前,及之後, 有好多民航機,airline pilot不要負擔的工作, 都係由我或者captain去負責. 至於係咩? 下次可以跟你們談談.

飛機的機身如果有冰係非常危險的情況. 如果有看過air crash investigation的朋友都知道, 故事中某幾個單元都是由於飛機機翼結冰而引致空難. 我們的飛機經常要在20000至25000 feet飛行, 係icing最常見的高度, 所以我們起飛之前一定要進行除冰情序. 而我們的機沒有anti ice system ,只係靠機翼前端的膠邊. 這是你們上圖見到翼上黑色的那個部分.

情況就係當如果我們在空中遇到icing的情況, 我或者機長就會啟動de ice boost 即黑色部的膠邊向外澎帳, 打碎d冰塊, 愈多cycle, 一路收縮一路澎帳, 冰塊就難以在空中凝結在翼的表面,以保障飛機的安全.

雖然我們有護士跟機照顧病人, 但係如有特殊情況下我地都要幫助病人進行急救, 上星期我就已經完成左st john provide 的first aid course, 今次係我o係加拿大第3次上course,每3年要renew一次, 所以CPR對我黎講已經沒有難度了,keke!

機上有唔同的設備, 以上的就是大家經常的聽到的defibrillator,  非常易用, 跟著電腦的要求及指示便可.

機內有一張stretcher ,方便運送病人,上落飛機, 基本上大部分病人我地都會希望佢地訓在stretcher,讓nurse 易於照顧他們.

這就是我們的飛機了!!

新工作,新地方.新飛機.新開始

hi!!好耐冇再寫blog, 因為懶, 因為冇乜特別. 因為一直好努力搵緊新工作. 到今日為止, 新工作已經開始左接近一個月. so far 非常開心,滿意, 除左太凍之外, 一切都已經係不錯.

至於什麼工作是什麼. 陣間會同文並某一次過解釋晒. 一樣野可以肯定, 我已經不再是flight instructor. 已經不是飛行教練了.

新title 是什麼? 就係medevac First Officer of Kingair 200 aircraft.

普通朋友以上幾個英文字, 有兩,三隻未必明解, 讓一逐個字解一解.

Medevac - 即air ambulance, 一講air ambulance可能大家都會估到是什麼了. 冇錯喇, 就好似大家在新聞上經常聽到的醫療專機. 至於我的工作是什麼, 之後再談.

First Officer - 大部分朋友都聽過吧, 就係副機師的英文統稱.

Kingair 200- 係一個飛機機種, 但係大家應該在香港機場找不到, 因為來來回回香港的飛機機種大多是airbus, boeing, emberar, borbardier 等飛機制造廠的飛機. 而kingair lee隻飛機多數用來私人用途, 很少作為客機, 所以在香港應該沒有太多機會看到了. 但如果大家到菲律賓, 歐洲, 澳紐, 美加等地, kingair 係其中一種非常普及的飛機, 作不同的用途. kingair 係beechcraft 做的, 在網上有不同的turboprop aircraft都係由beechcraft制造的.

總括黎講, 我現在就係一位駕駛醫療專機的副機師. medevac operation 在加拿大, 美國等地方是非常普遍. 點解?先講講香港. 香港就冇這類型的機師, 因為香港的飛行的醫療服務係由政府承包, 任何地方向來醫院的飛行服務都係由香港飛行服務隊執行該工作, 加上香港地方不算大, 所以用定翼機運載病人的機會不大. 由外地返港的醫療專機好多時都不是在香港民航處註冊, 係保險公司以私人形式以包機方式向租機公司承租運載病人或傷者返港, 香港政府的救護車是以on demand 形式派出救護車到機場迎接傷耆.

可是加拿大, 美國等地, 地方太大, 如果以政府執行這個服務會用上非常龐大的公帑. 所以飛行醫療服務會係由該省的省政府以合約制, 外判形式給不同的航空公司去承包這類工作. 可能有朋友會問, 咁搜索失蹤者等工作, 救山火又是否外判呢? 這類工作卻由返政府自己的search and rescue team 負責.

這類醫療專機工作何解咁那麼普遍呢?事關加拿大雖然大, 但不是所有地方都有非常完善的醫療設施去照顧不同需要的病人或傷耆. 簡單來說,一些不是經常用的機器, 當然並不是每一個town 或卑仔都會有, 如果每個阜仔都有這類機器或者醫療人才的話, 加拿大的稅收肯定將會係一個更大的天文數字. 有見及此. 醫療專機就有佢地存在的意義.

什麼情況需要出動醫療專機呢? 其實非常普遍. 例如, 器官的運送, 心臟, 血液等運送, 當然不可以以fedex, ups 等形式送出去吧, fedex, ups不會經常有隻飛機等醫院call佢地運送器官. 所以好多時這種情況下, 就會由醫院保存好器官, 由救護車由醫院直接出發到機場, 再由飛機上的護士護送器官到達目的地.

又例如做電療, 或者MRI等醫療行為, 並不是每個town或者阜仔都會有這類型的機器或醫療人員肯居住.所以每次如果病人需要做MRI或treatment,就要離開醫院, 直接送到機場, 由我們送他去大城市進行其他醫療服務. 完成之後, 我們再送返佢地返屋企.

又例如, 有一位傷者遇上交通意外, 骨折. 基於當地醫療設備及技術不足的情況下, 當地的醫生只可以穩固傷者的傷勢, 然後以飛機送他們到大城市或者這類技術專業的地方進行手術.

大家會問咁咪好破費? 其實大家未必相信, 就算咁樣運來運去, 人力物力加加埋埋都仲會平過搵一班人,一埋機器設置在每一個卑仔或town仔.  而這些運送病人的費用都係由政府負責, 病人或傷者不用付一分一毫, 亦令大家都明白加拿大稅收咁高是有原因的.

好喇, 暫時講住咁多啦, 下次再講多d這類飛行工作. 

而家去相.

我就是坐這種飛機去我的公司報到, 我現住的地方是manitoba 的一個非常細小的town. 就算大部分local人都未聽過. 甚至乎我自己如非因為這份工作, 亦未必會知道有這個town的存在.

公司provide crew house,  每個月只需10蚊. 非常抵住, 而我的工作係返12日, 放假12日. 該12日假可以選擇返自己的家(好多機師都不是來自manitoba).

公司的基地.

這就是kingair 200,我的新工作間.

飛機不是最大, 但係每次只載一位病人, 極其量一位病人的家屬. 所以剛剛好.

機內的擔架, 裡面其實跟一架救護車一樣, 有晒所有急救設備, 藥物, 氧氣等等. 非常完善. 而且省政府的醫療部門對承辦醫療專機的公司機內的設備係有劃一的要求, 所以就算不同的航空公司也好, 內裡的設備一定要跟足指引. 甚至連機師的經驗, 機上醫療人員的資格都有劃一要求, 以確保任何病人就算由不用航空公司運送也好, 機上醫療服務及質素也會有保證.

anyway,今日講住咁多住. 這類飛行工作在香港並不常見, 所以我想借這個平台向大家分享多d這類飛行工作的所見所聞. 希望大家喜歡吧.

 

better qualificaiton, better opportunity

好耐又冇update. what happened recently? nothing much. the only thing i wanna say is i went to miami last month for further training.

今次落miami最主要係增加自己o係份resume上的 qualification, 檢討過自己上一次的失利. 發覺自己o係某些能力上係不足. 而且有進步空間. 既然係咁, 除左教飛去build up自己的experience之外, 亦要靠training. 當然花費不非,但幫到自己的錢, 就應該係應洗得洗. 遲早會回本.
 
今次去左pan am international flight academy,主要係sign up左a320 type rating training.大家都知a320 現今係其中一架最賣得的飛機, 如果apply job之前, 自己已經有a320 的qualification, 對於被考慮的機會會大增. 
 
如是者我就落左miami 20日, 的確係好辛苦的training, 非常intense. 但係既然人地design個training係咁, 定係人類能力範圍以內可以做到的, 咁即係冇藉口都唔到啦.
 
結果順利地我考取了a320 type rating.之後會點? 其實一早已經有晒計劃. 已經有target的航空公司, 至於係邊間, 應該在十一月明朗化. 我有信心今次這間公司會給大家一個驚喜.
 
anyway, 下次有機會再講下edmonton








 
Pan Am International Academy in miami

 
a320 simulator

 
I put the cockpit layout on the wall of my hotel room, sorry Marriot 

  
beautiful miami

 

A new start in Edmonton

Havent been updated my blog for a long time.

actually not much happened ever since. I quited the job in hong kong and recently moved back to Canada. In a way it's a good thing because i can fly again. And also i have ever been living in edmonton before. With the opportunity given , i can live in an area where i can enjoy chinese food as well as flying.

Seriously i know it's a step stone so i will enjoy as much time as i have here and make some good frds here. People here are nice as usual. When they know i live alone alone in canada, they always offered me help, drive me around and offered me to their place for dinner. I am grateful to meet up with a lot of nice pepole anywhere i go.

Keep u guys posted

I have planned something ahead before i came back. and First thing i need to do is to have a job in Canada which is done

Second, I needed to sign up for a training in Miami which is also done accordingly. I dropped down a deposit and will head to Miami in June. I tihnk it's gonna be a very exciting trip down to the states.

anyway, we'll see

續愛民頓,edmonton

今次返黎加拿大第一站其實係在vancouver轉機. 難得有機會停一停vancouver,一定會出去行一行, 難得朋友唔洗返工, 結果帶左我去鴨巴甸mall,其中一個o係Richmond ge唐人mall. 可能當日係工作天,所以比較靜, 食完個vietnamese 粉之後, 周圍行行, 發覺唐人mall真係唐人mall, 跟toronto 差唔多, 都係有六福, 有參容海味, 有旅行社等等.

因為到vancouver同轉機時間只有3個鐘, 所以出左去一陣就要返機場, 途中見到sky rail, 想當年去vancouver 係冇, 講緊係11年前, 但係有一間叫做海港酒樓就反而仲o係度. 整個richmond都好似被唐人佔據住, 周圍都見到中文字, 的確非常適合退休人仕居住. 至少溝通上唔會出左問題. 連immigration都有翻譯, lee d優待o係toronto係唔會見到的!!

之後就到左行程最主要的第2站, edmonton, 我之前上網搵資料已經知道edmonton係一個幾develop的city. 同埋幾靚,又有railway,又有所謂的地鐵. 交通應該幾方便. 但由於我將會開車周圍去, 所以都決定租左架車, 發覺d 路真係幾好行, 由於冇GPS的關係, 加上我的電話冇上網服務, 結果第一晚要搵酒店都有點難度, 結果我就做左一樣幾衰仔ge野, 就係一路開車, 一路開著電腦, 上google map,去到某一點發覺唔係好對路, 就唯有出highway,搵一個上網點, 邊度有呢? 最直接當然搵間motel啦,因為highway 的出口好多時都有一兩間motel存在, 結果唔識路, 就出highway,搵間motel,停o係佢地出面, 再上google map搵個最update的route.結果都搞左一個鐘要去到間motel.時間已經係晚上差唔多9-10點, 好多野已經關門, 所以唯有駕車周圍行一行. 發覺原來都幾多唐人餐館,幾似模似樣.

第2,3日其實都開車離開左edmonton去左d比較偏遠的地方行一行, 其實係另一有目的, 有機會再講. 唯有去到第3日晚上要有機會去West Edmonton mall行一行. 去edmonton 一定要要去west edmonton mall,事關West Edmonton mall係佢地的最出名的地方, 有幾出名? 佢係全世界第5大的mall, 全北美最大. 入面有一d 類似water slides ge indoor swimming pool, 又有casino( 真係估佢唔到), 仲有一個china town ge area,入面有大統華, 唔熟加拿大的朋友未必知, 大統華係一個o係加拿大好成功的唐人品牌, 咩都有得賣. 類似香港的吉之島, 唐人如果去買送,好多時去大統華已經足夠有餘. 除此之外, 又有一個室內的amusement park,類似o個d機動遊戲的遊樂場. 又係indoor,即一年365年都唔會受天氣影響. 入面超大, 大得有點恐怖, d rides有刺激, 又mini games絕對適合一家大細去玩. 又有imax theature ,基本上整日都唔洗離開個mall, 對於冬天出面白雪紛紛黎講, 絕對係一個好好消閒的好地方.  我自己真係好鍾意lee個mall,可惜我去到已經係6點幾, 加拿大就係咁, d鋪頭5,6已經開始關門. 最鍾意佢地曾經同我講" don't work too hard" .或者因為咁, 所以我去到的時間已經冇乜機會每一間鋪入去睇睇, 或者要等待下次.

anyway, 就係咁完成4日o係edmonton的trip,我自己真係好鍾意edmonton, 雖然我o係加拿大8年,但係未至於去過晒所有省份,但係好少有city,我係第一次去到已經唔想離開, 佢地比vancouver,toronto的確冇咁繁忙,但係絕對係一個好有potential 的城市. 而且車同人唔算多, 好舒服. 由於alberta有份出產石油,我預計alberta成個省發展潛力好高. 因為會有好多就業的機會o係度.加上唐人亦算係多, 唐人餐館食ge野都算正宗, 又有麵包鋪, 又有星,馬,泰野食, 已經好滿足, 當然以new brunswick作對比啦!!

anyway有機會我一定會再返黎!!

愛民頓, Edmonton

好耐冇update. 現身處fredericton, 今次返黎renew 返之前過左期的instructor rating.順道趁機會逗留edmonton一段小時間. 一直好想去edmonton行下,因為上網認識左edmonton好耐,一直好想去睇下lee個地方.今次終於有機會.

暫時唔講咁多住.先睇相.

今晚先寫一篇詳細的. 再見.