第一次執勤

星期六終於完成左第一次執勤.  大開眼界.

星期五晚上收到公司dispatch的call ,話星期六凌晨5點出發, 先飛到一個附近的first nation 叫做cross lake, 去pick up一名patient, 之後再飛到winnipeg, 由救護車接載到醫院睇醫生.

如是者, 當晚都算早訓, 第2朝4點起身, 整個辛辣麵後就出發去機場, 拎飛機, 做planning. 當我到達的時候, 機長已經到左做flight planning,而我就走到架飛機 , 做pre flight inspection,即行內稱的walking around. 不需20分鐘, 我們已經準備好出發. 我跟captain,聯同隨機的nurse 一齊飛到cross lake 接載病人. 機程大概40分鐘. 由於天尚未光, 基本上可見的景物十分少, 加上northern manitoba 根本town都唔多個, 所以冇乜野睇係正常.

降落後, 已經發覺救護車已到達機場等我們的飛機. 不要以為機師淨係只需要揸飛機, 我作為副機師, 除了要揸飛機外, 亦要負責開啟機門, 入油,等其他任務. 而到達機場後, 我就要負責開門, 跟住準備equipment 將個patient load上架飛機, 我地會將帶來的stretcher 放上救護車, 護士及車內的救護員就會在車內將病人由本身的stretcher,轉到我們公司的stretcher, 之後再由救護員, 我,及護士一起將個病人抬上架飛機度, 由於我係負責抬病人上機, 所以冇辦法影相俾大家睇到整個過程, 唯有要靠大家一些想像力吧.

聽講就好似好易, 當日天未光, 零下20度, 雖然只係在外工作15分鐘, 已經凍到飛起.

如是者我們繼續行程, 飛到winnipeg,一個醫療設備比較先進的城市,讓病人接受治療. 據聞當日的病人只需要進行一些驗血同doctor appointment.  所以預計在winnipeg逗留的時間不會太長. 因為整個行程用上政府的資源真的不少, 試想我們特登開隻機, 送佢去醫院 ,再送返佢返屋企, 油錢, 人工, insurance等等, 難怪加拿大的稅收十分重.  我一個月被扣起的稅, 等於我一個在香港月入15000人工收入的朋友一年要俾的入息稅, 你就可以想像中加拿大的稅率係幾高.

到達winnipeg之後, 救護車會進入禁區, 接走帶病人, 隨機護士亦會一齊跟到醫院直至所有療程完成為止.

我同captain 這段時間就係自由時間, 可以做自己想做的野, 開車出town行街買野又得, 食野又得. 或者留在機場休息室訓覺亦可. 今次亦係我第一次到這些pilot resting area. 大開眼界, 照顧到機師的不同需要.

lee個就係pilot lounge, 可以在這裡等待乘客.

這個是另一個pilot lounge, 只開放給機師用, 留心睇下, 連pool都有, 給機師解悶.

這是pilot resting ge main area,有電腦, 有wifi, 電視, 有好舒服的椅子, 似十足business class, 可以成張椅子平放成為一張床. 當日除左我們之外, 另一間公司的機師亦在這裡休息, 食午飯.

如果需要privacy, 入面仲有一個有床的房, 可以o係入面, 熄晒燈訓覺. 可能你們會覺得好誇張, 但做法非常合理, 好似如果有隻早上到, d客離開機場去開會, 開足成日, 夜晚返黎, 再飛返屋企, o個段時間咁長, d時間點消磨? 租酒店又會太貴, 如果有這些snooze room, 既可休息, 亦可

沖涼, 除左有床訓之外, 仲有可以沖埋涼, 有埋毛巾俾你, 真係非常照顧到機師的需要.

當日我同captain, 由早上10點,足足等到下午3點再起飛,載病人回家. 期間真係非常悶, 唯有訓覺, 玩電話.

最終在晚上18:00完成所有機程回家. 足足13小時. 非常累. 不過成個過程真係大開眼界, 可以見到航空界另一方面的運作模式. 非常有意義.

最後送上一些航程期間的相片.

下次再談.