又再上路@Halifax airport maple leaf lounge

又再上路, 由moncton 經halifax 去toronto.

而家o係maple leaf lounge食下野,internet surfing,等轉機.

第一次坐business class(air canada call it executive class). 有d期待. 本來冇諗過坐executive class,但係由於econ class賣晒, 同埋air canada網上訂票, Lowest price of the day竟然可以揀executive class,咁梗係唔放個這個機會. 個票價同平時econ class一樣. 勁好彩, 其實air canada咁做都理解. 因為我尋日先買張機票, 算係Last minute,與其吉左個位, 不如平d賣出去.

第一次入maple leaf lounge, 個格局非常decent. 好舒服,有高台, 有crouch, 有wireless 上網,有電腦任用, drinks(alcohol)任飲, 又有snack,好舒服.

唯一一個問題, upload相speed好慢, 我落到toronto先放相上黎,請見諒.

好喇, 差唔多上機. 到toronto再傾過, c u!!　　　

　　　　　　　　　　　　　　　　　　　　　　　　　　 　　　　　　　　　

今日,我真的感動了.

今日的行程係繼續去我所居住的地方搬走餘下的物資, 然後將有用的東西帶返香港. 

而當中最重要的行程係去探一探我班學生. 一群令我感到非常驕傲的學生.

事關有部分已經差不多完成training,準備返國, 下次要探佢地, 除左要返內地之外, 仲要走偏大江南北, 因為佢地本身來自不同的airline.所以趁這個機會, 探下佢地, 傾下計, 鼓勵佢地返到中國,一樣要繼續努力.

入到宿舍, 好多學生都好驚訝,因為事前我冇話過俾佢地聽我會返黎. 從和他們傾談期間知道各人都表現得好好, 有些已經差不多返國, 有些進度唔錯. 特別有一個學生, 我記得我初初接收佢的時間,佢的表現真係好差, 英文不好, 懶惰, 俾我話完,仲笑笑口. 但今日傾落, 原來已經拎到CPL, 我記得當初有朋友同我講, 叫我放棄佢, 直接同老闆話佢能力不達標. 但係我真係非常頑固, 我覺得沒有做不到的事情, 老實說, 論能力, 他真的非常平庸. 甚至可以說below average. 但係我知道令他做到一點事, 並非冇可能, 結果我終於Send到佢first solo(期間真的不知俾他嚇死幾多細胞,驚險場面一浪接一浪), 但總算係成功左一半, 之後因為我太忙,太多學生, 不能夠經常同佢飛, 所以判左俾其他instructors.而他的名字叫austin, 如果大家仲有印象, 應該記得我曾經談及過這個學生. 今次見到佢的成功, 真係非常感動,好在當日冇放棄這個學生. 事實證明,當日決定非常正確,過程係勞氣, 驚險. 但值得. 不是金錢俾到我的滿足感.

今日我真的感到非常開心. 佢地係最成功的學生, 我為他們的成就感到非常驕傲與自豪. 好多謝這一群對我的信任, 相信我可以帶領他們成為出色的飛行員. 從他們的字裡行間, 感到非常感概, 想當日的辛勞, 係冇白費. 效果更比預期好. 想當日, 屋企叫我唔好做, 太危險, 應該返香港, 但我堅持, 因為我太鍾意飛, 我覺得只有o係飛行先可以搵到快樂. 在空中飛行的奧妙感覺, 我真的從其他活動中找不到. 雖然返工期間真的感到疲累, 不順利的時候,感到沮喪, 但今日一會, 已經將這些負面的回憶拋到海王星lu!!

我臨走前向他們承諾, 我一定會返中國坐佢地揸的飛機, 作他們的乘客. 自己可以飛固之然開心,但可以見到他們接載我上天空, 此刻無價.

instructing係一份有意義的工作, 但係我的目標始終係airliner的機師,所以係時候move on to another stage if everything goes well.

　　　　　　　　　　 　　

認住佢地, 佢地分別來自南方航空, 深圳航空和廈門航空的飛行員. 信我, 他們將會係出色, 優秀, 專業的飛行員, 我聽過d人話內地機師這樣不好,那樣不好, 但相信絕不會出現在我的學生身上. 我絕對樂意將自己的生命交託於他們的手上.

thank you all of my students, i am really proud of you. you  guys make me believe what i am doing now is not stupid. you guys brightened my life.thousands of thanks. 

Please keep it up, have a successful career back in China.

　　　　　

不辭而別之回到加拿大

轉轉接接,又返到加拿大. 不過今次只係短暫停留, 下年1月中返香港

其實這個決定黎得非常急, 係上星期5先決定返加拿大處理一d公事.

由於香港方面最新消息係叫我1月先call佢地, 而張ticket又夠期. 所以決定不如趁個假期返加拿大搬屋,同埋搞d公事.

在離開香港之前, 我有資訊過我加拿大的老闆,問佢不如我返加拿大做住野先,等有消息先香港, and that's what she said in the email

"We are not short on staff and if you think there is opportunity there I suggest you remain in Hong Kong and continue the process.

Good luck, Merry Christmas and keep me updated."

就係咁. 我就決定返加拿大搬d野走,因為自從返左香港之後,一直交緊"吉"租, 同埋cell phone, 而每個月要俾$500 加紙, 非常破費. 我諗住搬d野either 去garage 度,或者放o係朋友度, 我搵個D garage, 每個月只需俾70蚊. 一個月慳400蚊到, 兩個月慳800, o個度計起差不多5XXX. 仲貴過我到時返香港張來回機票.不過呢,之所以張機票咁平, 係因為有兩程機係用飛行里數換返黎. 勁抵坐.

結果12月24日就孤身上路. 本來諗住o係機場打兩隻字, 好衰唔衰胃痛.本來諗住頂得下. 但入左閘後就愈黎愈痛. 我有諗過去醫療室, 但我驚入左醫療室,隨時miss左班機, 所以就周圍搵milk, 因為聽講milk可以令個胃冇咁痛. 如是者,周圍搵鮮奶, 但係入面原來冇7仔, 但當時真係勁痛. 每提腳都勁辛苦. 最終搵到burger king, 諗住早餐應該有milk賣喇, 點不知都係冇, 結果過左去burger king隔離o個間野(到而家都唔知o個間賣乜,一來當時個胃勁痛,2來冇心機去留意), 淨係問佢有冇奶賣, 點不知真係有bor,但貴到....22蚊一細杯. 不過好過冇. 坐低左飲完, 抖下又真係好左d. 以防再痛, 去埋萬寧買胃藥. o拍左兩粒先上機.所以咩相都冇影過.sor!!!

一上機,立即訓, 訓得勁舒服, 時間過得勁快. 一醒來已經係機程的一半, approaching緊alaska.

不過最終都影左d相.

　　

　　　

　　　

又回到會落雪的地方, 見到已經唔想落機.

今次係坐continental airline直航newark.

去到new jersey(new york)再轉機返加拿大.

　　　　

未有耐上機, 周圍行下先.

　　　　　　　　　　　　　　　　　　　　　　　　　　　　　　　

Welcome to NYC

俾你睇下內陸機之--------至"hea"的飛機餐.

一包chips, 一個chocolate bar,一包source,一個turkey/ham sub.

特別之處, 唔好以為係佢serve你,而係佢推架車黎, 自己拎.勁自助. 正所謂"help yourself".　　　

個sub勁Q版. 我食兩啖已經冇晒. 勁d外國人點算呢? 當然係再來一客啦.

以前我對lee d sub好反感, 但自從o係加拿大住左咁多年之後, 咩都慣晒, d肉凍冰冰咁,但心諗, 有得食已經好好喇, 有時坐內陸機, 慘情到淨係派cookies and drink.

　　　　　

in-flight drink.

由於東岸近來天氣都好穩定, 成程機都有turbulence.訓唔到. 就係咁經過差不多2個鐘機.終於返到加拿大. 又凍過............

　　　　　　　　　　　　　　

　

空無一人的機場. 平安夜, 的確好平安.

　　　

聖誕樹也感到非常孤獨.

由上機一刻去返到加拿大, 足足20個鐘, 非常的疲累.

一去到機場, 真係感受到真正的凍..

我朋友搞笑話, 返到屋企, 開雪櫃, 你唔會知道個雪櫃係咪work,因為出面同外面一樣凍.

真係凍. 好在只係留兩個星期, 下月11號就可以返到亞熱帶lu!!

下次再談,差不多要食早餐.　　　　　　　　　　　　　

　　　　　　　　　　　　　　　　　　　　　　　　　　　　　　　　　　　　

香港生病了.

近個月來, 因為公事引致無暇or mood 去update個blog, 趁這件公事有未有任何新增進展. 寫下野先.

本身都冇乜意欲去寫野, 但今日的一件小事, 決定寫出來, 好讓大家一齊去討論下.

自9月頭返到香港,我自覺我未完全融入返香港的生活.

有幾件事, 我發覺我仍然未接受到, 就講出來大家有冇同感. 事件係關於某部分香港人的行為.

粗言滿天飛

首先, 我自己唔係一個講粗口的人, 從來都唔講, 反而聽到粗言污穢語時, 會比較反感同無奈. 今次返黎, 唔知點解發覺lee個風氣非常普遍. 猶以一些年青朋友, 這風氣都幾盛行. 記得有一次同朋友去海洋公園玩, 排隊期間, 見到一班後生, 講野其間夾雜著無數的粗言, 明顯佢地係中學生,甚至乎小學生, 因為佢地身上著住PE衫, 應該係學校旅行, 從他們的臉上, 佢地好似覺得冇問題, 理所當然咁. 講都算喇, 仲要調高個聲調, 好似要俾身邊的知道自己講ge野咁. 心裡只有慨嘆.

另一件事, 發生於上星期六, 話說我去KFC買野食, 排我後面的係一群工人, 本來都catch 唔到我的attention,但係佢地一到我後面, 就高聲地講粗口. 真係好唔舒服, 佢地又係旁若無人咁, 又再一次的十分無奈. 我明白香港有言論自由, 但當你享用你自由的同時, 又有冇去考慮或理解下其他的人感受呢? 你有你的自由去講你想講ge野, 同樣地, 其他人亦都有自由去享受無污染的環境. 如果身邊有小朋友, 佢地更可能會有樣學樣. 加上, 從言論中, 佢地都係有家室, 你係咩人, 你自己的小朋友都係o個類人. 最終害埋自己的下一代.

一句thank you/sorry 的價值

在加拿大的時候, 我習慣左, 如果出入室內的時候, 如果有人隨後準備出去, 或者有人準備入內, 我會hold住對門. 等埋佢地. 返到香港我依然會咁做, 但係, 佢地唔會appreciate, 行入去就算, 一句thank you都冇. 講真, 我唔係為左你句thank you 而幫你hold 住對門, 不過你如果有教養,讀過下書都知道咩叫做禮貌. 你唔講thank you,我又唔會痛, 又唔會身痕, 只不過我會覺得講一句thank you,唔會浪費你好多時間, 咁都做唔到?

另外, o係香港, 人多車多, 有時無意間, 不小心撞到對方非常之咁平常, 但係經常性見到的就係撞到人之後, 係唔會講sorry,they just walk away and pretend nothing happened. i was like.......what's going on with these guys??

一人讓一步,可以嗎?

唔知大家搭地鐵時候,有冇發覺, 每次車去站後, 廣播一定會提醒大家, 請先讓車上的乘客落車. 但其實有冇人真係做到?? 我發覺門一外, 在月台的人,好多時唔理有冇人落車都好, 總之就諗辦法上左車先算, 我自己當然唔會咁做, 我發覺, 就算等完乘客落車之後, 地鐵其實係俾足時間月台的乘客上車, 無需要同人迫. 如果你唔讓人, 人地想出, 你又想入, 只會做成人撞人. 同埋就算touchwood,上唔到車, 等下班車, 只需要1-3分鐘, 而家的地鐵效率已經十分高, 一,兩分鐘o係你一生的幾十億分鐘裡面, 又何價呢?

又好似香港駕車咁, 往往會大家鬥爭路, 又唔打燈cut線, 想cut線, 佢地的第一時間, 除左睇traffic 之外, 就係將個車頭申過去隔離線, 好似俾個warning你, "你唔好行埋黎, 你行埋黎, 撞到我, 你唔好彩咋". 或者文化差異, 我留意左好耐, 香港好少有司機真係會讓你cut線,或者就係因為這個原因, 令到部分司機明白, "機會係要自己爭取的" , 唔伸個頭出黎, 係永遠轉唔到線. 所以我雖然有香港車牌,但係爸爸同我講, "你唔好o係香港駕車喇, 你太nice, 以加拿大態度駕駛, 你永遠都唔會轉到線, 你永遠唔會等到人地讓你的時候" 同埋, 香港路窄, 人,車爭路, 好多時遇到人衝出馬路, 稍一不留神, 就會引致意外. 始終部分人唔會遵守交通規則, 有路就會過, 唔一定會o係燈位過馬路.

　

讓座給有需要人仕

觸發我今日打這篇blog的原因, 係因為今日o係巴士上發生的一件事. 話說今日搭巴士回家, 3,4點時間, 在旺角上車, 個巴士算係size比較細小的一款. 車箱比較細, 窄. 而今日比較多老人家上車, 我自己的習慣係, 除非架巴士好大,或者明顯上有多餘位置, 否則我都會選擇企. 反正香港有幾大, 就算企半個鐘都唔過份. 所以今日如常, 我企左o係近窗附近,費事阻住通道, 初時都還好, 每個老人家都夠位坐. 但去多兩個站之後, 就發覺多左長者上車, 咁都有人仕選擇讓座, 但係但始終唔夠位座, 遺憾係唔見有其他人再讓座出黎,其中一個好心人諗讓座出黎, 點不知佢一離座位, 就俾一位o係婆婆之前的年約50歲女仕以8秒9 破世界紀錄的速度捷足先登. 那個婆婆和o個位有心人都感到無奈,亦做唔到任何事, 該.世界紀錄保持者的態度係令你都費事同佢嘈o個隻. 結果有另一位婆婆見義勇為, 選擇自己讓位比該位婆婆, 更直言"唉, 連d後生都唔讓位, 我見到你年紀比我大, 等我讓俾你啦." 語帶無奈. 受惠的婆婆話"我80幾喇," 讓座婆婆話" 我75喇,我一睇就見到你年紀比我大!" 跟住始終冇人再肯讓座, 結果佢唯有企o係我身邊, 仲問我,佢會唔會阻到我tim" 真係好好的老人家. 　　　　　　　　　　　　　　　　　　　　　　

anywayz,講完, 只不過自己的不吐不快, 並無惡意針對其他人.

只希望這個社區會多一點笑容, 多一點忍耐, 多一點將心比己. 人與人之間就自然唔會有太多紛爭.

你現在幫左人, 話唔埋將來受惠的, 係你自己.　

我知道一個人的說話唔會改變到全部人的睇法.但只希望這些不好的風氣唔好再惡化落去.

至於近來忙的公事,有機會再向大家分享.

take care, guys and girls!　　　　　　　　　　　　　　　　　　　　　　　　　　　　　　　　　　　　 　　　　　　　　

　　　　　　 　　　　　　　　　　　　　　　

　　　　　　　　　　　

祝早日康復

祝我一位朋友早日康復.

佢最近不幸受左傷.　　

希望佢可以早日康復, 重新投入工作吧.

take care!　　　

一日內, 由開心到感動

過去的星期五, 我走左上深圳.

去左深圳機場, 皆因深圳航空係我地的clients. 我地亦有學生完成左training返左深圳, 所以順道上去探一探學生, 同埋睇下間公司的operation.

原來o係9龍站有車直接上寶安機場, 非常方便.

3年內第一次返內地, 感覺係d司機的技術非凡. 非常之咁令人驚訝.算啦. 一上車,已經扣上安全帶. 就算撞車都唔會太傷,哈哈.

大概90分鐘後,到達深圳機場, 好似返到自己的office一樣. 好多飛機take off and lands. 由於約左另一個instructors,佢遲到, 唯有自己周圍行下.

個機場個scale當然唔係特別大. 國際航線唔係特別多. 同埋燈光比較暗. 大多內地的airline. 總括黎講唔錯.

無聊地行, 到差唔多時間,去左arrival hall 附近的一間m記等我個instructor frd. o係陣, 緣份就到了.......

竟然俾我撞到我o係加拿大教過的學生o係arrival hall行出黎,估你唔到, 緣份lee家野, 真係好奧妙, 加拿大見完, 竟然o係中國內地的機場撞返自己的學生. 原來佢armarm o係成都,家鄉返深圳, 準備第2日返公司報到.

跟住無奈, 另外兩個學生又到了, 兩個學生都係armarm 從家鄉返黎,一個山東, 一個雲南. 待我個朋友到左之後, 就一群人一齊去公司的宿舍.

深圳航空o係機場有專車到公司.

就係咁, 就入左公司度睇下, 個學生又介紹左間公司, 邊度係flight dispatch ,邊度係d full motion sim, 邊度係整飛機餐的地方等等.

由於始終人地地頭, 我唔敢影相同周圍走. 不過都幾大開眼界.

待d學生放低行李之後,我地就去左flight dispatch門口等車出市中心, 期待見到好多cabin crew and pilots準備出機場, 班機師真係好cool, 好整齊, 亦都係好有規矩, 機長行先.

我地就坐車去左南山, 原來o個度又有深圳airline 的宿舍, 不過貴一d . 路上, 發覺交通真係一d都唔好, 經常塞車.

　　　　　　　　　　　　　　　　　　　　　　　　　　　　　　　　　　　　　去到南山, 又撞到一d前學生,係冇直接教過, 不過曾經傾過下計.因為我o係moncton學飛的時間,佢地曾經過黎加油, 知道有一個曾經係國航的cabin crew,非常有禮貌, 英文好好, 佢原來已經飛緊737.

之後佢地帶左我地去小肥羊打邊奴. 第一次去小肥羊, 一人一奴, 自己點食咩. 大家聚會,傾下計. 講返以前training d趣事, 幾開心. 不過由於國內唔係禁煙, 所以有兩,3個學生一傾,一路吸煙, 我同另外一個instructor都叫佢地戒, 但係成效就.......吸煙本身就係唔健康, 加上機師,身體健康最重要, 希望佢地到時會明啦.

最精彩係傾到內地的飛行文化, 好有趣, 好大開眼界, 例如, 如果麗江機場因為有兩座山,o係附近, 所以晚上係唔俾飛. 同埋原來佢地而家係初級, 唔可以飛國際線住, 同埋, 佢地每日的schedule 其實日日差唔多. 好似有個學生話,佢多數每日都係深圳> 北京> 大連> 大連>長春> 深圳, 一日內環遊中國. 佢話好攰.

之後食完飯,佢地就話去蛇口飲野, 聽就聽過, 不過未去過. 原來都幾有外國feel,幾靜. 我地走左上船,假船, 飲野, 傾下計. 期間有飛機飛過, 佢地好鬼勁, 話lee架應該係用runway 33, lee架應該係飛廣州. 真係飛機變態.

同埋傾完之後了解多左飛airline 的運作, 對將來真係有幫助. 另一方面,又好開心, 見到班學生由唔識飛, 到上大機.

以上就係我地的一班好學生. 一個食得好飽的晚上. 多謝佢地的一餐謝師宴.　

傾到大概12點到就跟另一位instructor返香港.

搭王崗車返香港.

之後話感動位就黎喇.

話說我個msn 有moible,如果我唔online的話,d offline message會divert去我個加拿大手電.我返香港都帶埋個加拿大電話, in case學校或者其他公司會call到我.

我突然收到個textmessage from msn, 來自一位我一生的第一位好朋友.我地o係05年絕左交. 咁之後就冇聯絡. 其實當年係自己唔好,教飛的人當年只係想飛的人, 唔係太勤力, 加上其他原因令佢感到非常失望. 所以佢就話大家不如唔好做朋友喇.

佢係我一個好重要的朋友, 係我加拿大第一個朋友, 雖然佢係女仔, 但係大家一d隔膜都冇. 好close, 可能因為大家背景差唔多. 所以大家返學,lunch都一齊. frdship 係非常之咁pure.  當時佢離開之後, 我朋友同我講, 話你由而家開始做好D,繼續努力, 佢會見到, 將來或者大家有機會見返面呢? 佢話神的安排係好奧妙.我當時以為佢地只係安慰我先咁講.

自此之後,我真係改變好大. 直頭係第2個人. 去學飛到畢業,一直我都希望,我這位老朋友會見到這一日.

咁話說, 3,4個月前, 我突然見到佢online,好特別,因為佢已經delete 晒我的所有野, 但又見返佢online,初時以為眼花, 但係又唔係bor,又有update 佢ge nn. 但係冇計啦,據我所知, 佢畢左業, 返左香港. 所以都冇乜為意,但其實lee4年內, 都希望可以做返朋友.

終於上個星期,我就諗,不如試下留個message,睇下大家有機會做返朋友,o係香港見下面啦. 但冇幾日內都冇reply,我心諗都應該冇希望ga喇. 算啦.

但就係估唔到佢o個晚會message我, 話當時大家都唔夠成熟, 大家仍然係老朋友, 得閒約出黎見面啦.

我當時真係好感動, 係超感動, 我真係以為自己發緊夢, 竟然可以無端端有返個好朋友.我真係要好感謝神, 感謝神的安排同埋愛護. 亦都證明左努力係唔會白費. 你肯努力,其他人係見到.

這位好朋友, 永遠都係我的好朋友. 朋友船係永遠. 佢當年係好支持我去做pilot, 如今我做到, 我希望我更進一步, 入埋airline,再一次令她感到驕傲. o係10月尾之前,突然間有返個老朋友出現,士氣大增, 好似打左支強心針咁. 今次更加冇藉口唔成功.

一切已經準備好, 經過成個星期的intense特訓, 對今次的把握大左. 亦都作左好多心理上的調整, 盡量幫自己去減壓.

而尋日, 我地傾左一個電話, 4年黎第一次聽到這老朋友的聲音, 佢依然冇變. 大家傾落仍然都老朋友咁傾個不停. 我地仲約左聽日出黎食個tea.

anywayz, 突然發生件令人感動的事, 令我覺得這個世界真係咩都有可能發生, 因為我地唔係神, 好多野係上天幫我地的安排, 好似這件事, 我根本估唔到10月9日有返一個老朋友, 如果唔係上天的安排, 一切只會係神話.

　　　　　　　　　　　　　　　　　　　　　　　　　　　　　　　　　 　　　　　　　　　　　　　　　　　　　　　　　　　　　　　　　　　　　　　　　　　　　　　　　　　 　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

P.S, 有好多朋友都問過, 想準備,或者想知道好多飛行知識, 應該睇咩書.

我今個星期o係central library發現到一層,有好多關於飛的書.

o係9樓, other branch of engineerings, o個度有好多飛行的書.

有淺入深都有.

其中有一本我highly recommend俾初學者

叫做private pilot manual

係一件好大本的書,  裡面有好多info, 同埋有好多彩色的圖片,好detail, ,可以幫到大家去理解一d theory等等

不過記住,本書唔可以帶走, 係參考書藉.

但唔係緊要, 一日睇唔完, 第2日再黎過.

各位準飛人, 繼續努力. sky is the limit. 為自己創造一個飛一般的人生.　　　　　　　　　　　　　　　　　　　　　　

捐血, 捐骨髓

yahoo blog真係好唔穩定. anywayz..

10月2日走左去捐血. 人生第一次捐. 其實早於前個星期已經走左去捐血站諗住捐, 誰不知去到之後, nurse話我由於o係北美洲返黎香港, 而北美洲有個叫做west nile virus, 個潛伏期有28日, 所以未夠期, 唔捐得, 白行.

10月2日, 終於夠28日,有多tim.

先講下個捐血站, 去到原來要填form, 問好多野, 原來飛行屬高危活動,haha. anywayz, 填完之後.就等啦. 等的期間,見到前面的一位女仕填埋捐骨髓的form. 令我覺得不如捐埋骨髓,反正都係幫手, 唔差在啦. 跟住就問左nurse拎左份小冊子, 了解過捐骨髓係咩一回事之後, 就填左份form, 抽多d血. 順便俾個樣本做骨髓登記. 講開骨髓, 陣間詳談.

講返個捐血過程, 入到房同個nurse傾下計, check下temperature之後就去吉針. 我唔知驗乜,總之吉左一下.

之後就可以行去訓床仔. 仲同個男謢好好傾tim,因為佢載住個mask,聽唔清楚佢講野, 原來佢之前o個晚去左睇煙火, 跟住我又問佢好唔好睇, 熱唔熱,係咪真係有個60字樣. 把聲就係因為叫到聲沙. 訓低之後,量完血壓, 佢俾左個類似厠紙桶的物體叫我拎住.

隔左無耐, 佢就返黎, 俾左張骨髓捐贈証俾我. 又送左把扇俾我,仲有富豪酒店,兩張6折buffet 禮劵,佢話獎品源源不絕, 我見到人地有個血包key chain,但佢冇俾我, 不過算啦, 我又唔係為貪o個d 野而捐, 無所謂.

捐血真係簡單到呢......吉一支針, 過程只有4個字" 唔經唔覺"就完左. 抽的期間, 就要拎住個厠紙桶,做一個揸實拳頭,放開, repeat又repeat, 但係做做下, 我發覺隻手好攰. anywayz, 慢慢黎,應該冇問題.

15分鐘, 一包新鮮的血就抽晒出黎, 總共450 ml,唔算多. 一支利賓納仲有找. 同埋捐完又唔覺特別攰, 只不過唔知係咪心理作用, 隻右手有點攰,冇力咁. 跟住抖一陣, 就出左去出面, 好似茶餐廳咁, 問我想飲咩. 飲水, 食下餅,抖多15分鐘就走得.

講真, 我真係highly recommend大家去捐, 男的3個月可以捐一次, 女的就4個月可以捐一次. 同埋,血冇代用品, 如果大家身體健康, 不妨去捐. 旺角銀城廣場11樓有得捐.

捐完之後, 既然o係旺角, 梗係周圍食野啦. 不過最緊要飲返多d水份.

之後講開骨髓, 我簽完張form,了解過之後, 返到屋企做左d research又去左wiki, 又去埋yahoo 知識. 因為好坦白講, 我除左知道骨髓係幫助有血癌的人之外, 對這方便知識非常不足.

一search之下,搵到段新聞, 原來香港只有5,6萬證記左, 其實真係好似少左d.

http://the-sun.on.cc/cnt/news/20090910/00407_031.html

http://hk.news.yahoo.com/article/081128/3/9heq.html

同埋, 當然想知道究竟捐骨髓的過程或者風險係點.

http://hk.knowledge.yahoo.com/question/question?qid=7007071100325

http://www.bmtpa.org.hk/zh/faq/donationInfo.html

http://hk.knowledge.yahoo.com/question/question?qid=7007121001635&q=7007071100325&p=%E6%8D%90%E9%AA%A8%E9%AB%93

其實簡單黎講, 係有一支針,據講幾粗下, 插入骨盆的腸骨內，抽取出黏稠紅色的骨髓液. 可以半身麻醉or 全身麻醉.

睇完之後, 就上左一d forum,睇下有冇人接受過, 或者有類似的經驗. 結果真係有, 有d講得好恐怖. 又話就算麻醉左都會feel到支針, 又話會痛到標眼水, lee世都會記得的痛楚. 又話之後個排打乞痴，走路，坐,什至無神神都可以痛到死 
直頭無心情吃野，有時會痛到嘔(真正痛到嘔)

但係我上網搵到生果報, 有段新聞

http://hk.apple.nextmedia.com/template/apple/art_main.php?iss_id=20081207&sec_id=4104&subsec_id=12731&art_id=11939632

又唔係咁講.又冇講到咁嚴重. anyhow,我覺得可能係唔同方法或者係因個人體質而定. 不過睇完, 就真係睇完, 冇咩野好驚. 

每個手術都有風險. 同埋而家醫學昌明, 應該冇問題吧.生死有命. 開始人生觀都有點改變.　　 

在家, 爸爸非常支持, 但係媽媽就非常咁反對. 阿婆甚至連捐血都鬧tim, 中秋上到去, 見到我有個傷口. 知道我捐血之後就話" 你好多血咩??仲捐俾人??"

其實我好明阿媽同阿婆的擔心. 但係我想同大家講. 其實證記左, 可能成世人都未遇到一個有需要的人. 但亦可能一遇就遇到, 如果真係遇到, 係一個你同個病人的好強緣份.

如果真係遇到, 真係要幫. 因為你可能係佢的唯一希望.

有人話, 你捐左, 都未必可以救得返, 但我就唔認同, 如果我唔捐, 佢地連希望都冇. 所以如果遇到, 真係要幫佢地.

就算痛一個月先好返, 都係一個月, 總好過佢屋企人成世都唔可以再見到個病人. 將心比己.

我填之前, 有擔心過, 如果我離開香港做野咁點呢??原來佢地可以透過我屋企人, 或者email去通知我.

　　　　　　　　　　 　　　

this is the bone marrow donor Card. i always keep it inside my wallet from now on 

　　　

　　

c u next time.　　　　　　　　　　　　　　　　　

座右銘

近來, 放左好多時間去溫書, 距離十月中,淨返半個月. 為左令自己可以集中的環境去溫書, 我揀左central library.

central library都唔錯, 又靜, 又有冷氣, 又冇電腦, 可以集中溫書.

但係尋日去到library先知道原來開一點, 咁點算呢?拎住咁多書, 又有少許雨, 約左個朋友食lunch, 又未夠鍾,唯有搵地方kill time. 結果行左一個block去商務印睇書.

無意中,揀左本書黎睇. 我睇左唔多, 但最記得係本中的主角個profile度寫左句座右銘, 我覺得好正.

If you fail to prepare, then you prepare to fail.

我睇完,覺得這句說話好中point,所以想同大家分享.  

我自己其實好鍾意收藏lee d 勵志的說話.

例如有一句又係講得好正

"明天唔一定好, 但好的明天一定會來."

"奇蹟只會出現在相信它的人身上.

所以話人生係需要有希望. 先有意義.

又例如,大家都應該聽過一句說話

"no pain, no gain!"

但自己就將佢改左

變左做

"no pain, not a game!"

我知道大家會明白我的意思吧.

如果人生係一場遊戲, 有痛苦的人生亦有佢有意義的地方, 並非完全係一件壞事.

同埋,有首詩係我中學時代, 畢業錄上, 我地的副校長寫俾我地.

"緣聚則生,

緣散則滅

相聚是緣

珍惜現在"

lee首詩,係教人珍惜.教我地去珍惜一切. 我現在的珍惜係現有的opportunity. 既然準備左一年, there's no excuses that i will screw up this time"　　　　　　　　　

　　　

　　　　　　　　　　　　　　　　　　　　　

家訪, 聚會, 探訪

家訪.　

早兩日, 約左一位亦師亦友.

這位老師, 唔經唔覺, 識左10年有多. 多謝這位老師多年黎的支持, 講真, o係中學的時候, 所學的野, 真係俾返晒老師. 事關佢教文學, 中文, 偏偏係我最差的科目, 我上堂係enjoy, 但係當時真的唔夠努力. 大家唔好學, 當年的我唔係好榜樣. 但老師教我的人生經驗, 我就全部接收, 仲好有用tim.

就算去左加拿大, 我地仍然保持良好的朋友關係, 今次終於有機會跟老師食個tea,聚一聚. 去左新世紀食左個下午茶, 大家傾下計,講下學校的情況, 佢屋企等等. 係一個非常快樂的下午. 之後去左老師屋企家訪, 探下佢屋企o個位公子. 睇相就見過, 但係睇真人真係第一次. 佢lee位公子係非常可愛. 仲玩左樣野俾我睇, 似滑板,又唔係滑板, 叫做roller surfer. 我真係第一次睇人玩咁的玩意. 這位年青人的技術真係好, o係d 好窄的空間都可以控制自如, 轉又得, 加速又得. 平均力少d都唔得. 不過可惜有少少怕醜, 我諗住同佢玩下. 睇下自己的活力仲有幾多. 點不知佢又好似驚左我, 可能我太老.....

anywayz, it was fun to be there. 仲有一樣野, 值得提, 見到阿公子同同學做project, form1, 但已經要用power point,又要識得中文打字, 感到時代唔同, 我直到中5先識中文打字, 估唔到,而家中一已經要識. 仲要做presentation tim.

聚會.

尋日約左幾位機佬一齊食中午飯. 事關,有一位特登從澳門到香港一遊. 4個人都有1年多冇見, 大家的變化都好大. 大家都有自己的事業. 我都好珍惜今次見面, 事關今次之後,大家都會各有各忙, 大家會各走一方. 所以我特登帶左佢地去左食burgers.

大家都係傾下飛, 咩都係關於飛. 仲知道好多airline ge inside news, 又諗返起好多以前學飛/教飛的日子. 當年捱得咁辛苦, 而家終於捱出個頭來. 有SO, 有FO, 有o係airline 做administrator. 都算係咁.

食完, 跟左FO Lau去左causeway Bay, wan chai 行下. 但係呢, 真係熱到唔想行, 皆因我地兩個都唔慣o係香港住. 行左一陣, 我地兩個都頂唔住. 去搵洗手間洗面, 抖下氣. o係causeway Bay行多陣都會缺氧. 兩個男人, 冇野做, 唯有走去world trade centre掟rainbow, 又鬼咁好彩, 係咁中......紅色, 嬴左半打原子筆...食左幾塊旺旺,之後收工返屋企. 太攰.

值得一提, 尋日坐船去中環, 真係一個享受, 睇下書, 影下景, 雖然只有十分鐘. 但係感覺唔似o係香港, 好enjoy. 遺憾一到岸, 就oh my god, back to reality!!

探訪.

星期日指定動作, 入tuen mum 探阿麻. 今次見到阿麻明顯佢的情況好左好多.

上星期日去, 其實唔太開心,coz 佢個樣好攰, 唔想講野, 就算講野, 我地都聽得好辛苦. 今次見到佢, 精神左好多, 就肯出黎行下, 成日住o係老人院又唔係咁好, 所以我地帶左阿麻出去飲茶. 見到阿麻為食個樣, 真係好開心, 至少佢肯食, 當然唔可以食咁多, 同埋甜的真係唔俾佢食. 但係河粉,齋腸粉都可以接受ge.

又成日叫我地食野, 一齊食, 感覺係幸福, 雖然飽,都會食d. 為免令佢失望ma.

之後送左阿麻返老人院, 臨走跟我講左好多野, 又話叫爸爸俾封利是我, 叫我返加拿大努力做野, 我同佢講, 我唔返加拿大住, 會留多至少一個月.

又話驚睇唔到我地結婚, 我對阿麻講　"你一定見到ga, 唔洗擔心, 你乖乖地食藥. 到時請你, 你一定會第一個到." 我明白老人家好想睇到lee d場面, 但係我知道阿麻會好長命, 唔擔心. 好似今日咁, 佢好乖,好犀利, 扶住佢, 佢可以慢慢自己行到埋床. 不過佢有另一個願望, 我好有信心, 今年可以幫佢達成. 我知道老人家住老人院會好唔舒服, 不過阿麻好快可以返屋企, 大伯公幹完後佢就可以返屋企住了.

阿麻雖然瘦左好多, 但笑起上黎, 仍然係咁可愛. 同埋, 對食有要求,話老人院d野食好悶,唯一一個唔好的, 就係佢太多野擔心, 同我地講話晚上訓唔到. 我明白ge,夜晚一個人, 訓o係張床,係會多野諗d. 所以我同爸爸都同講, 個個都好健康,好乖, 叫佢放心. 唔好諗咁多. 但講還講, 我知道講完,今晚阿麻依然會好多野記掛.

之後去左荃灣citywalk見到任達華, kellyjackie, but then i was too far away , could not even take a good pic. so sad!!

anyhow.

time to stop.

exhausted , gonna take a shower and sleep.

btw, like what i said, i am gonna stay in hk for at least another month. coz of some business to deal with. it's gonna be critical and challenging. i am gonna keep myself busy, perform the best of myself ever.

i am glad the school allows me to extend my non pay leave. they are really supportive. thz.

my boss is awsome , she even sent me a recommendation letter both by mail and email.

i am so fortune.　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

兩日來.

昨日早上, 先返可立 ,約左一位舊生傾計. 該舊生其實原來都係blog友, 早幾日收到佢的留言, 表示有興趣成為一個pilot,就係咁, 我就返左學校大家交流下. 從傾計過程中, 我睇得出你對飛係有熱誠, 唔係空口講白話, 如果你而家睇到的我, 記住我講, 唔好放棄. lee個世界有支持的聲音, 就會有反對的聲音. 堅持自己的理想. lee場仗, 我打左9年, 仲未完, 入唔到boeing/airbus cockpit,我唔覺得叫做完ga. 所以你要有一份堅持, 肯捱的精神. 有好多野,而家做左可能覺得冇乜意思, 但係at the end,你就會覺得原來當日做左, 最終得益係自己. 曾經有個前輩講過: "咁易放棄,咁就唔係夢想啦!" 繼續努力. 祝你成功.

之後去左媽媽度幫手, 隨著日子耐左,同d客熟落, 傾下計, 大家交流下. 客串做waiter好似同自己本身份工, 冇乜關係. 但諗落其實一d都唔係. 有時落單, d客有時會要少飯, 多汁, 少租, 多冰, 多菜, 少肉. 其實搞搞下, 真係可以練下記憶. 收$$又順便練埋d數. 何樂而不為?

飯市完左,走左去搵BB玩, 今次終於冇咁驚我lu, 同BB玩真係好, 只有我玩佢, 佢玩我唔到,. 今次唔怕我, 原因我拎左個電話出黎,係咪播d ringtone, 搞到佢好鬼開心. 終於見到佢笑.

但係年紀大, 玩玩下, 大家都頂唔順, 佢訓, 我又訓. 訓左5點幾先離開. 跟住去左朗豪方,約左一個朋友食飯. 佢近排o係adelaide 完成training, 最快o係明年1月就開始飛777. 兩個男人, 一見面當然搵個靜的地方, 話題離不開都係飛機. 聽佢講完之後, 覺得飛大機真係好正. d control 都唔同d. 雖羨慕,but then i know i will be there soon. 跟住加入左另一位朋友,佢近排加盟左一間內地的airline做副機師. 飛737-800. 而且人工唔錯. 3萬rmb,仲有housing. 真係想點呢?? 我的確有d心動, 但係要base in 天津, 又走??其實真係唔太想. 搬來搬去, 一d都唔好受.但係當然唔排除! 因為間公司個background好強. 前景唔錯.傾到12點幾到, 人地關門, 我地都要走lu.

今日又去左阿媽度幫手. 幫完手, 一個人, 極無聊, 走左去朗豪方夾公仔, 我諗大家都知我講邊間,right? 公仔就冇夾喇, 不過夾左好多好得意ge野, 我唔識點形容.陣間你地睇相就會明白.  以前好鍾意夾公仔, 夾左好多, 好多都係幾年前俾晒人. 幾年冇玩lee d game,覺得難度好高, 所以唔玩喇.玩到咁上下, 竟然見到我細路同佢女朋友又黎左玩, 真溫馨. 玩多一陣, 就返屋企, 臨搭車前, 買左兩串魚蛋, 好味到爆. 8蚊有兩串, 講街邊野食,香港真係一流, 加上加拿大都冇街邊. 冇得比. 食死先會走.

　　　　　　　　　　 　　　　　　　　　　　　　　　　　　　　　　　　　　　　　　　　　　　　　　　　　　　　　　　

在老人院的阿女麻

今日下午再入北區,今次去tuen mun , 都係一個唔熟的地方, 走來走去都搵唔到間老人院,周圍問人,亦都冇人知有間咁ge野. 打電話問院方, 又講得唔清唔楚. 結果唯有,慢慢搵, 先搵到新虛輕鐵站, 然後就見到多間老人院. 其中一間就係了.

其實所謂老人院, 只可以講環境可以接受. 所見照顧亦都幾detail, 寫明每個老人需要d乜, 可以食d乜等等.

阿女麻又話住得ok,唔緊要吧, 最緊要係老人家意願.

今次終於有相影lu,上次本來都有, 但點不知冇電. 今次特登著埋套衫去老人院. 至少俾阿女麻知道flight instructor係點. 皆因搵左間野都用左唔少時間, 其實真係熱到飛起. 同埋,梗係就唔會著住3條周圍走啦, 如果唔係, 人地當我食環處, 魚蛋都唔賣俾我. 條tie 同埋柴係去到先加上去.

聽日會拎d相去曬, 曬完之後入tuen mun俾d相阿女麻, 見佢間房乜都冇, 放d相, 佢咪可以日日見到我地, 其實變相係一個動力來源. 間房真係太plain. 不過今次會識路lu, 搭巴士又得, 輕鐵都應該冇問題吧.

hopefully the weather is gonna be good tmr, no more rains ,man!!　　　　　　　　　　　　　　　　　　

對話, 聚會, 體驗

前晚的對話.

感覺良好. it was a very peaceful conversation. 

多謝你的坦白. what i wanna say is i could have done better. 

將來的事,將來先算.

i am not a fortune teller, i am just gonna do whatever i suppose to do to make my life brighter.

the god is the one to tell us what's gonna happen in the future. we'll see.

anyhow, you are a good girl. i was a very fortune person.  

尋晚,見返d 識左10多年的老同學. 個個都變得成熟大方, 得體自然. 個個都已經成為社會的成功人仕. 我依然係我, 會叫佢地全名, 唔會叫英文名. 花名.

多謝佢地的俾面, 一叫就全部出晒黎, 同埋雖然咁耐冇見. 佢地仍然咁關心我, 聽我講下o係加拿大的每一事,一物. 就算3年冇見, 仍然都咁frd底, 真係好感動. 好多謝你地o係百忙中,抽時間出黎食一餐飯. 我是幸運的.

仲有近日唔知點解狂食燒賣.

前日早上食左6粒, 去到阿媽做野地方食左15粒,

尋日早上屋企樓下食左12粒, 跟手再去阿媽做野附近間seven eleven食多5粒.

總共38粒, 聽落都好crazy, 不過又真係好味. 可能加拿大冇得食, 所以食極都唔厭.

同埋,真係抵食.

其實這兩日都係去左阿媽度幫手,事關佢係開類似餐廳的東西,咁我中午最忙的時候就去幫手, 體驗下做飲食業的辛酸, 我係負責落單, 出菜, 收$$等等. 雖然講好似好普通 ,但係其實每行都係有佢的技巧. C O T解作凍lemon tea, R = 紅米, W=白米.

d熟客見到我,都有同我傾計, 又問我點解o係度啦, 讀書定做緊野, 佢地真係眼光獨到, 個個都賣口乖,話我係20歲到, 我都想.......有20歲咁後生就好了.

喜見d熟客對媽媽的食物讚不絕口, 我同d客講,話搵到$$,會叫媽媽退休唔做, 立即有勁大迴響,佢地話已經當左o個度係食堂, 冇得食, 好唔慣. 都好ge,至少做左出黎的成果, 係受到客人的賞識.

尋日仲跟住去送外賣tim, 跟住個阿姐周圍走, 其實我好佩服佢地o係大熱天時, o個種效率. 好似架電單車咁, 左穿右插咁, 佢仲教我, 那, 冇車,就過啦, 唔洗睇燈ga!! 我嚇親!!

做外賣仔周圍行下都唔錯, 至少可以知道每行的人,都有佢辛苦之處, so far 做左兩日都感到非常有意義, 學到好多野, 可能對飛行上的幫助不大,但對自己個腦袋, 有一種好強的啟發性, 知道自己應該珍惜現有的工作. 要敬業樂業.

　　　　　　　　　　　　　　　　　　　　　　　　　　　　　　　　　　　　

見完女麻女麻.

星期日一家一齊入天水圍飲茶. 我都係第一次入天水圍. 感覺也不錯.

去到茶樓, 3年第一次見到阿女麻. 好感動. 阿女麻真係老左好多. 個人呆左好多. 幸好阿麻仲認到我. 佢見到我, 有笑到, 仲記得我個名. 我捉住阿女麻隻手, 雖然有點瘦,但係好溫暖. 我坐o係佢隔離, 餵佢食野. 佢都食得好茲味. 但係講野就有問題, 要"空"到好埋佢身邊, 先聽到佢講野.

佢講左好多野俾我聽. 話自己已經86歲. 話今日好開心, 見到咁多個孫. 話個個都好乖. 好生性. 同埋, 其實阿女麻有份俾$$我讀書, 冇阿女麻, 我都唔會有今日. 佢亦記得我係揸飛機.

雖然阿女麻年紀大, 但依然好鍾意食野, 荷葉飯, 羅白糕, 佢乜都有試. 其實見到阿女麻咁開胃, 真係好滿足.

之後去左阿女麻屋企坐左一會, 因為年紀大, 所以佢一返到屋企, 就要休息一陣, 我好明白, 就算只係出一次街, 食餐飯, 對一個老人家黎講, 體力付出都已經很大. 臨走, 我俾左一百蚊加紙佢買野食. 佢話會好好收起, 收埋左o係佢腰間的一個小袋度. 之後佢捉住我隻手, 細聲同我講" 想見到我地每個孫成家立室, 想試下我揸的飛機" 去到o個時, 我已經忍唔住, 喊左出黎. 我應承阿女麻, 我會盡一切能力入到airline, 令佢可以做到我的乘客. 我同阿女麻講 "你要睇到我成家立室的話, 你要加油啊, 要身體健康, 依時食藥." 我知道以阿麻的年紀, 行動已經不便, 要坐wheel chair, 要坐飛機, 可能真係有點難. 但係我會試, 我會做, 我要至少要俾阿女麻一個機會坐o係自己個孫開的飛機的機倉影一張相. 

佢最後提我一句"出入平安, 生生性性, 努力讀書!" 我會依照阿女麻的意思, 努力工作, 完成佢的心願. 我一定會做到.

雖然我走左3年, 但每次都會問起我, 記得我o係加拿大, 記得我做緊咩. 阿女麻真係好鍚我, 我之前同自己講, 要忍住唔好喊, 但真係忍唔到, 見到阿女麻年紀咁大,仲要記掛我地每一個孫. 我知道我而家要做好自己. 令佢感到快樂. 我好擔心阿女麻可能會見唔到o個一日, 我知道我而家要同時間競爭. 爭取每一次的機會, 完全阿女麻的心願.

當我走的時候, 佢捉住我隻手, 個眼神話我聽, 佢唔捨得我地, 下星期阿女麻就會入老人院住, 我應承阿女麻下星期再去探佢.之後輕輕錫左佢一啖就離開左.

見完

我只可以講.

既然事情去到咁ge地步.

我真係唔可以做什麼了.

你依然你.

雖然你而家咁講.但將來冇人知.

現在我會以朋友方式關心你.

大家相識一場, 就算唔係情侶, 我都會好好關心你.

如果你有事的話, 我都唔會開心.

你依然係咁靚. 但係性格係好強硬. 我害怕你的性格會成為你的致命傷.

我會o係身邊守護你, 為你祈禱. 令你免受傷害.

你曾經係我女朋友. 我永遠唔會忘記你對我的愛.

好多野,其實真係唔係你想像中咁.

anywayz, 再講都冇用了. 留待神的安排.

 

仲有1個鐘就出門口.

頭先同你傾左一陣計.

自知根本可能性不大.

我信什麼都有可能.

我只會靜待機會的出現.

之後同爸爸食飯. 佢話我唔夠細心, 俾唔到安全感係最大致命傷.

我要承認我對你不夠好, 我要承認我對你唔住. 有時一個sms都俾唔到你. 我應該當日立即向你坦白. 我唔係一個好男人. sorry, 係我辜負左你. 我只想他日當你覺得我再值得你愛的時候, 你會重新考慮我.

今次我上左寶貴的一課. 因為今堂令我失去左一個我好愛的女人.

我希望會有失而復得. 我會成熟一點. 努力做好自己. 變得更細心, 俾你一份安全感.

你係我第一個女朋友, 我相信今生都會係. 我曾經應承過娶你, 我係認真的. 我亦知道我會努力營造一個幸福的家庭俾你.

好似好傻. 我諗唔係傻. 而家愛情就係咁, 我會為我愛的人做任何事. 我唔會找另一個人去取代你. 因為愛情唔係可以締換. 今生都唔會有人可以取代你o係我心目中的位置.

我知道你話過去就唔會再考慮,但我希望你為我破例一次. 唔試,根本唔知. 性格不代表一生不變.

i love you.

 

今日將會見一個生命中好重要的人.

尋日去左探我表弟.

一如所料, 一見到我就好驚, 抱親都喊, 放佢o係學行車, 諗住可以陪佢玩下, 點不知愈見愈走. 但係佢真係好可愛. 未夠一歲,有d 牙仔. 不過這個表弟係認餅唔認人, 我拎住支手指餅, 佢肯受呀, 但係拎住支手指餅, 諗住分散佢注意力, 再抱佢, 點不知都係喊. 證明細路仔真係識認人.

咁早上去到, 但由於個表弟食完奶要訓, 工人暗佢訓之後, 搞到我又想訓, 訓左一陣之後, 就諗住去醫院探阿yi, 即表弟的媽媽, 誰不知我以為佢住美孚,應該係去瑪嘉烈, 點不知去到princess margaret,人地話"我地有E 座,但冇7樓wor!" 再打俾uncle 先知道原來唔係princess margaret,之後威爾斯, 結果又要搭車去返美孚, 坐巴士去沙田.

我都係去到醫院先知道原來而家探病時間短左好多. 只可以晚間去探病.咁唯有叫阿yi出黎大堂坐下, 傾下計. 其實阿yi之所以入醫院係一件非常之傷心的事. 佢將成個故事講俾我聽之後, 如果我係當事人, 我一定喊到甩肺. 同阿yi傾左陣計, 了解多左一個BB由有左到真係出生的過程. 俾我知道要生一個健康的小朋友, 其實係一件好難得的事.

anywayz, 探完阿yi之後, 就搵路返美孚, 事關到我表妹放學. 去到佢門口, 佢開門, 一開門就見到一個肥妹仔o係我面前. 比起我上年見的又高左, 又肥左. 仍然係以前咁跳跳紮紮. 想當年, 第一次見佢仲係訓緊個藍, 而家已經小學3年級lu. 最搞笑係佢第一日返學, 入錯課室, 老師問, 明明得32人一班, 點解而家有34個ge??這個肥表妹竟然唔知自己入錯課室, 最終老師find out左, 搞到全班係咁笑佢, 當然啦, 佢梗係有點唔開心.

lee個肥表妹當正自己個細老係公仔咁舞來舞去.  又迫佢爬, 迫佢飲水等等. 之後恐怖ge事情隨之而發生.

話說佢細佬o係佢間房飲奶, 未飲晒, 放左o係床, lee個表妹呢自己唔小心倒瀉左d奶, 整污糟左自己張床單就係咁o係度大吵大鬧, 又叫工人幫佢洗. 但工人話只係少少, 洗左又今晚冇得用, 唔肯.

結果呢, lee個表妹就運用眼淚攻勢. 係咁o係度喊, 真係恐怖, tum極都tum唔到佢, 話買m記俾佢食, 又話唔要, 點tum都冇用. 結果諗落, 不如由得佢喊啦, 喊到冇人理佢, 佢就會自動收聲, 果然得wor. 之後自己收晒聲, 我再tum佢話我落街買m記佢食, 佢先肯講聲好, 同唔該. 最後,應承左小朋友的野,唔可以唔做. 我曾經講過返香港一定唔會入fast food, 結果都係無奈地入左一次, 買左一個chesseburger, and mcnuggets. 俾佢.

anywayz, 搞到差唔多成5點, 就返屋企, 因為約左另一uncle and aunt 食飯. 打邊奴bor,梗係好啦, 不過食到肚痛呢,唉..

今朝同爸爸食早餐, 講開其實都幾唔開心, 因為女麻女麻要入老人院住. 阿女麻有一次靜靜雞同爸爸講 "我唔捨得去住, 係因為好擔心d孫. 雖然我去左加拿大咁多年, 佢都仲記得我, 每次都有問起我, 因為由於佢真係老了, 好多野都退化, 我打返香港,佢已經聽唔到我講野, 淨係認到我把聲. 我自己都好sorry,3年冇見阿女麻. 我今次帶埋套衫, 好想聽日著俾佢睇. 俾佢知道, 佢個孫已經大個, 唔洗擔心我喇. 

陣間我就會出去, 見一位我好深愛的人. 我準備左好多野想同佢講. 希望佢會感受到吧.現在的我, 真係好緊張, 自從1月之後,再次見到佢. 好想一切可以依舊. 因為我, 依然係我, 對她一直冇變. 希望佢會明白吧. anywayz, i am really looking forward to this meet up. i hope things will go well. everything will be fine and postive result will end up as i wish.

在港的第2天.

因為jet lag.訓唔到, 好早就醒左. 等天光.

之後同爸爸落街食早餐.

一看之下, 一個早餐20蚊. 我真係有d驚喜. 因為想當年, 我仲係食緊16蚊. 普遍物價比起我06年o係香港的時候都係高左好多. 不過算啦, 冇乜幾何, 中式早餐, 係唔同d. 比起加拿大每日早上, sauaage muffin ,港式早餐係正d. 哈哈.

之後行左去可立. 不過只限於o係門口逛一逛. 見到師弟師妹趕上學的情景, 真係有好多回憶. 好似發生於昨日一樣. 不過唯一多左就係o係門口要探熱. 本想入學校探一探老師, 但係始於第1,2日上學, 應該比較忙吧. 下次先.

之後呆到12點到去媽媽的工作地方探訪.發覺原來一到午市, 周圍都好多人食野, 但其實工作環境真係好熱, 我幫左一陣手, 已經成身出晒汗. 顧客非常友善, 由於我未曾做過飲食業, 所以用左好多terms, "請慢用",又英,又中. 佢地覺得好搞笑. 不過佢地全都係熟客. 大家傾下計咁.

之後去左探阿婆. 好耐冇見阿婆. 真係好開心. 我見到佢, 佢話我瘦左, 我見到佢, 佢何嘗唔係又係瘦左呢?? 聽到阿婆話人生冇意義, 又唔係想點食野, 又話而家食唔食都冇所謂. 真係唔可以做到d乜. 當然事出必有因, 佢係因為擔心某人, 令佢茶飯不思. 但所困的問題, 我自問無能為力, 只可以聽佢呻下.

仲有見到表妹,因為佢o係阿妹屋企寄住. 唔講唔覺, 佢話我聽,原來佢已經中3, 我聽完第一句係" 唔係ar ma??" 因為佢想當年讀小學第一年, 喊到返唔到學的情景, 我仲記得. 估唔到而家已經中3. 時間真係過得好快. 咁就9年. 睇返佢d教科書. 原來d 數唔係想像中咁深, 真係有少少後悔當年不夠努力. 如果當年努力一點, 之後就唔係追得咁辛苦. 所以我同表妹講, 有機會就好好珍惜. msn幾時都有得傾, 網幾時都有得上, 書唔係成日有得讀. 加上佢成績唔係差, 有進步的空間, 唔好浪費時間. 人生並唔係次次可以失去左, 仲可以追返黎, 時間唔等人.

跟住佢o係電腦度, 俾左d 相我睇, 就係我的新表弟. 點解係新?因為自從佢出世至而家我都係未見過佢. 真係可愛的一個小巨人. 小朋友真係大得快. 想當日我收到個BB d相, 佢仍未開眼, 而家已經可以自己企o係度lu.. 唔緊要, 幾個小時後, 我就親身上去搵BB, 同佢玩下. 希望佢唔會俾我嚇親啦. BB仔見到陌生人多數都會喊. 希望lee個唔會啦.

之後坐坐下, 突然有個老婆婆行到我地門口,問我阿婆拎報紙, 阿婆話而家多左人主動搵報紙去賣, 甚至乎搵垃圾桶都有. 睇見咁, 真係感到悲哀. 老人家到左這個時候, 唔係應該安享晚年, 享受餘生, 點解仲要大熱天時, 周圍逐家逐戶搵報紙去賣.

同加拿大真係差好遠, 我見加拿大的老人家真係好自在, 得閒行下wal mart,入m記食杯雪糕咁. 香港比以前真係變左好多. 好多野都睇唔慣. 好似今日咁, 見到個婆婆條腰都企唔直, 過馬路唔睇燈, 就咁行過馬路, 雖然係冇車, 但係自問, 快得幾多呢?? 遲一,兩分鐘,又算什麼? 最終佢過左一半馬路, 已經開始轉燈. 有時, 真係唔好為左一時之快, 亂咁過馬路. 為左一,兩分鐘的快, 冇左條命, 好唔值得.

anywayz, 香港的第2天就咁過去.

hopefully something good will happen soon.

再回港的感受

繼上年4日遊之後, 再次重返香港.

今次返黎感覺非常沉重.

唔經唔覺已經3年冇返屋企.

o係機場見到, 爸爸,媽媽, 真係好感動. 好多謝佢地每次都風雨不改黎機場接我.

爸爸話我個樣殘左, 老左好多. 心裡都感到好慚愧. 或者o係父母心目中, 搵唔搵到$$唔緊要, 最緊要係健健康康成長. 但有時工作上的長時間往往就忽略左健康的重要性.

再次返香港, 發覺機場好似變左個疫阜咁, 好多人都載著mask. 手套.

對香港感覺依然係熱............我還記得我臨返香港o個晚, 加拿大已經跌到淨得7度. 溫差真係非常之大.

返香港真係有點唔慣, 唔慣唔到咁多中國人, 既親切,又有點陌生, 怕跟不上香港的節奏.

3年後再次返到屋企, 發覺好多野都變左, 電視換左, 電腦換左, 家裡多左好多雜物. 同埋可能係香港, 樓底比加拿大矮, 同時亦感到好慚愧 ,因為自己o係加拿大住的apartment竟然大過香港的屋企. 屋企人o係香港3個人反而住的空間比我還細. 我知道作為長子, 責任會好大, 我真係想盡快改善屋企生活. 今次返黎有兩個目的, 其中一個就係搵工, 希望份工的收入可以令屋企人可以早些退下來. 雖然佢地年紀尚輕,但我覺得己經夠了.唔應該再咁辛苦做野喇. 應該享受下人生.

如果唔係offer 我去外國讀書, 佢地現在的生活可以更好. 爸爸同媽媽都唔係太熱愛香港的生活, 媽媽鍾意toronto, 爸爸鍾意new zealand or new brunswick. anyhow,繼續努力去改變佢地的生活吧. 肯多走一步, 肯捱多一夜. 生活就可以改變. 可幸的係我差唔多o係加拿大己經工作夠一年, 可以申請移民. 算係一個back up plan吧.

講返今晚, 再一次食到屋企的住家飯. 真係好美味. 又有湯飲呢. 野食真係唔洗珍參海味,簡單粗茶啖飯已經好滿足.

希望今次旅程會有一個完全的結局. 由現在開始, 應該要學識跟返上香港人的節奏, 在路上已經唔可以慢條斯理咁行, 要快快步. 去到班馬線,唔可以expect人地會停車, 駕車的時間要expect 有人隨時唔打燈cut線等等. 爸爸話拎返個香港車牌好, 但係睇返由機場返屋企段路, 我都係覺得駕飛機比o係香港駕車還安全. 哈哈.

每次我返香港總會病一輪, 希望今次唔會吧.

神, 感謝你給我一個愉快而安穩的旅程. 我會努力做好自己的本份, 結果係好,係壞, 留待你為我安排吧.

多謝你們

多謝你地的留言.

只可以講近排發生左d事.

所以好想大聲向佢說,我真係好愛佢.

其實一段關係, 要變, 真係可以變得好快.

我只可以講, 希望上天明白我的諗法.

因為我真係好愛這個女仔.

我希望而家只係神給我倆的考驗.

介紹一個女仔.

其實我想介紹一個女仔,俾大家認識, 佢就係我現任女朋友. 佢叫claire.

佢係我第一個女朋友, 同佢一齊左11個月,我真係感到好快樂.

佢對我真係好好, 好愛我, 令我感到好幸福.

當我地o係加拿大的時間, 佢一直默默地支持我, 雖然o係屋企好悶, 但係仍然維持每日等我返屋企, 煮飯俾我食, 食完飯, 一齊行supermarket. 我同佢雖然只係正式住埋一個月, 但係我已經感受到咩叫做愛, 什麼叫做溫暖的家庭. 

雖然只係得11個月的時間, 但係我已經視佢為我將來的另一半.

我雖然只係工作左一段時間, 但係我自己儲左少少$$$, 買左一隻戒指送給佢. 作為我地愛情的印記.

我買左隻戒指好耐, 上次落toronto時候買落,一直都冇話佢知, 就係希望俾個surprise佢.我好想為佢親手戴上這隻戒指.

但係我實在等唔切, 我已經寄左俾佢. 希望佢會收到啦.

我敢向所有人作承諾, 我今生只愛claire一個.直至永遠, 因為有左佢, 我就知道什麼係快樂. thank you, claire

初時,claire咁同我講, "你都唔會公開我地的關係ga啦!" 但係我想趁著lee個機會, 同其他人講, 我真係真心真意愛你一個.

long distance ge感情係好難維持,但我深信, 只要大家繼續努力, 為對方付出, 一定會可以繼續行得更遠.

雖然近排好似有一點障礙, 唔緊要, 一齊去堅持.我好快就會返香港.好快這一段long distance ge 感情就會開花結果.

老婆, i love you.

老公上

勁耐冇update,一update就想分享一個故事.

lee個故事, 係關於近來發生的一件事.

在未講故事之前, 先講講, 而家我的職級先, o係上個月月中的時候,正式升為Class 3 instructor(top is class 1). 唔係晒命,但個故事係同職級有關係.

話說, 我而家除左升左class 3之外, 亦主力飛夜晚, 何解?因為一個student pilot考到PPL 之後只限要飛日抖. 想晚上飛的話, 就要再考多個rating,叫做night rating. 因為晚上飛行同白天飛行, 可以說是兩回事, 佢地要學習點樣night navigation同埋夜晚的take off and landings. 順理成章,我就做左night rating instructor, 其實可以係好好做, 但其實可以係幾可悲的. 遲下再談.

 除左做左night rating instructor之外, 因為class 3的關係, 我仲可以成為考官要考核佢地的表現從而issue night rating俾學生base on his performance.而成個故事就因為我這個身份.

事件發生在上星期的一個晚上.

我book左學生做night evaluation check(簡單黎講 "考牌試", 俾個名佢,當然係假名" peter".

其實我之前都同peter飛過, 俾我感覺係笑容幾好, 好有禮貌,thanks 前,thanks 後咁.加上好勤力, 永遠準時到達, 做足晒所有飛前準備, 但有個問題係,佢係佢group中進度最慢的一個學生,所以佢心態上有點急. 乜都想快.

ok啦咁, 我考佢,其實同考車差唔多, 佢飛, 我睇佢表現俾分. 其實overall都ok, 我唔可以話特別出色, mariginal la, base on performance 頭90分的表現,佢deserve a pass. 直至最後返到機場, 我要求佢做3次landings.

結果就唔太理想, 甚至乎係危險tim, 個approach係好低,好近地下, 我係心諗"好加power wor, 再係咁撞ga wor!" 結果o係佢冇意圖的情況下, 我無可奈何的情況下, 捉住佢隻手"add power, climb(爬升"). lee個都算喇, 睇埋佢ge landing,

第一個ok, 第2個我冇叫佢land,叫佢overshoot, 第3個先係問題所在. 個landing係一個好危險的landing, 應該咁講, o個個唔係landing,只不過係架機撞落地下, bounce and bounce 之後先停落黎.

之後離開runway之後, 我開始諗, 應該點判好??fail or pass? 不過最後我好快make up my mind, fail左佢. 要公佈個結果係一件好痛苦的事. 正如一個女/男 要reject對方追求的感覺一樣. 殘酷但也要面對現實.

我地o係briefing room度, 討論個結果, 當然要先講一d好ge野先, 如果一下子fail佢, 佢肯定會冇心機聽.所以一黎先讚下佢態度等等. 之後就討論返個landing, 佢認同係唔好,但從佢的反應,佢似乎覺得自己係會pass.

但我始終都係講左, 判左佢fail. 一如所料,非常失望. 往日的笑容完全冇晒. 又解釋話因為半個月冇飛所以搞到唔慣, 有d生硬, 但係好抱歉, to pass you or not is base on how you do today. 唔會話因為之前你飛得好而pass佢.

佢又解釋話" i am already the last in my group, i want to get it done asap, can we fly again now and u do the check with me immediately after". 首先, 根本冇可能, 一來o個陣只有半個鐘頭天光. 就算我同佢上去飛多次training flight, 落到地, 都天光啦, 仲點可以做多次night evaluation check呢? 加上我唔係佢本身的primary instructor, 如果我同佢飛完一個training flight,再pass佢, 就會可能俾人覺得有bias,或者瓜田李下, 所以我斷然拒絕佢.

我叫佢俾d耐性. 等多日, 其實都唔差在多一日啦. 等多24小時, 對於佢要o係加拿大14個月的training,遲一日算係d乜??點解要咁急呢?? 我所見唔止佢一個, 好普遍學生視野好窄, 淨係想快, 諗野都唔夠通透, 唔夠寬, 我讚成佢咁做, 只會助長佢. 絕對容許.

我再加多句, 我同佢講"我ge instructor rating fail左,等左兩個月先考到, 你等多一日算得d乜??" .

最後佢都算肯聽我講, 返左屋企. 不過成件事未完..............下回再分解.

yahoo blog is so slow

hi, there

havent come here for a long time

the main reason is that i found that it's difficult to connect me here.

it was like loading, loading and loading at a turtle speed.

i dun know if you guys have the same problem as well

but i do have the problem that unlikely to improve.

it's so upset . i would like to share but then sometimes it just killed my time.

i will not close this blog . but i wish yahoo will fix the problem in the nearest future.

take care, bud.

Back from Toronto

something cool

又係好耐冇update, how's everybody doing ???good??

i am doing well, work and sleep ,not doing much.

my students are doing quite well,actually.

Recently i saw something cool ,wanna share with you guys.

之前有blog友提到, 做instructor,係咪高風險, 咁而家就分享下其實做flight instructor可以有幾高風險. 

其實真係學飛, 梗係唔係只係學take off, landings咁簡單啦, 如果係咁簡單, 我地就唔值$$ ga 喇, 其實要教一個學生成為pilots,係有好多野教, for examples, slow flight, stalls, spins, spiral dives,forced approach, precautionary landings, diversions等等啦, 仲有好多, 不過暫時唔多講, 咁計落我自己覺得最危險,或者最刺激,有幾個exercise, spins, spiral dives. 

spins 係點??

簡單黎講, 係轉. 點轉??

俾段youtube 片大家睇下就一清2楚喇.

enjoy.

睇完, 係咪覺得好刺激呢?? 其實幾好玩ga!

但係要教, 真係難教.

因為就敢睇梗係覺得好玩啦, 但係上到機, 就真係兩回事.

點解難教??我諗第一次試spins,任何人都一定驚一驚. 

咁我要做ge 就係enter the aircraft into a spin, the student has to recovery from a spin.

正常人如果驚會點呢?就係搵野捉住. 情況同你地玩過山車一樣, 驚就會搵野捉.

有時學生太驚, 就會唔記得自己要做住d咩. at the end 架機只會繼續spins,spins,spins.

或者因為驚, 而apply 錯ge recovery procedure,咁就仲大鑊, 架機已經近乎直插地下, 如果佢地apply wrong recovery procedure, they will make the spin tighter and tighter, 架機只會spin得更加勁.

如果個spin tight係好唔舒服, 好辛苦. the student usually feels uncomfortable when they case out the dive, putting too much G force,make urself feel heavier, causing red-out.

我近排同學生做左好多spins, 真係做到冇晒feel. 

以前做學生,或者會驚, 而家已經冇晒feel, 淨係知道要醒醒定定, 隨時救機.

亦都影左d相, 俾大家睇下.

lee個attitude indicator ,簡單黎講, 啡色係represent ground, 藍色represent sky.

spins 完之後, 我地竟然將佢反轉左, 點解??spin得太勁. 變sky is ground, ground is sky. 好癲.

仲有video啊, spin完左之後, 我地之後發覺個attitude indicator 傻左, 自己自轉. 我自己真係第一次見. 覺得好型. 所以拍低左.

正常ge attitude indicator 應該係咁.

top is sky , bottom is ground. 

我對spins感覺:

我自己本身唔鍾意spins, 我同學生做spins只係工作需要.o係冇需要ge情況下, 唔會特登同學生做spins.

情況同病and 食藥一樣.

病就會食藥, 但好地地, 我唔會特登搵藥食.

因為我覺得飛機係用黎載人from one place to another, 唔係用黎玩. so i only do spins when it's necessary. 

another sharing.

我其實有個希望, 他朝有一日 o係runway 行.

其實邊有可能呢?? o係runway 行bor. runway係俾飛機行,唔係俾人.

結果上星期,機會黎喇.

i am on runway!!

why??coz of this

my frd's plane got a flat tire.

要搵人黎幫手推, 其實唔算推, 而係要幾個人抬起架機推離跑道.

其實好重. 千幾磅. 唔易抬.

就係lee個車, 載我地出runway,

前面o個飛機就係armarm touch down.

coz we have 2 runways at the airport.

其實企o係runway 上面,好舒服, 風大, 同埋,真係可以近距離睇住d飛機降落. 好爽.

不過只限light aircrafts, not big jets.

big jets ge wake turbulence 可以強到隨時分你屍都似

anywayz, i am gotta , so looking forward to be back to toronto. 

歸心似箭.好肚餓.

感到滿足(加左相)

我諗大家仲記得邊個Austin,right??記得我上幾篇講過,我有7個學生, 其中一個叫austin,係我咁多個學生之中, 質素比較差的一位.無論英文能力, 資質都係比較平庸的一位. 坦白講, 有d遲鈍. 

由我接觸到咁多個學生之中, 令我感到最沮喪的一個. 初接觸austin感覺係懶, 做野唔認真, 遲鈍, 英文差, 得過且過. 從佢身上,完全睇唔出佢有可能成為一個機師. 甚至乎up to a point,我係曾經想過送佢返中國.講真, 一個冇heart ge學生, 留o係度, 只會浪費時間, 浪費公司的資源.

我真係有細心諗過,係咪真應唔應該放棄佢. 但最終我都冇. 上星期六, 終於證明左我ge決定係正確, 我成功send左佢solo (即佢自己可以一個飛lu). lee個achievement 比起我之前o個d 學生考到flight test更具滿足感.  教一個學生飛好難, 教好一個資質差, 態度懶散ge學生飛, 更難. 所以今次滿足感黎得特別大. 好有意義.

其實在1月時候, 我初同austin飛, 我真係覺得如果我少d 心血, 真係會猝死o係架飛機度.佢做好多exercise真係好危險, 亂黎. 完全唔make sense. o個d landings先得人驚, i call it "dreaded landings" 每次approach to land,我都真係提心吊膽, 心諗" 死啦, 好痛啊!" 我仲同我個frd講笑, 遲下你黎fredericton,會見到runway旁有兩塊墓碑, 一塊係我, 一塊係我個學生. austin ge特性,係反應超慢, 毫無危機意識. 擺到明咁ge approaching angle,我地會make唔到條runway,會撞落d 草度, 但佢都係意識唔到. 初初d landings, 下下都係我救返. 又唔識flare, 唔識adjust power, 唔識得用brakes. 次次demonstrate完俾佢睇, 都好似冇學過野一樣, 依然固我.

我曾經出過無數次warning,同佢講,如果你都係咁, 我就會送你返大陸.次次佢都話,下次唔會,下次唔會. 每一次飛完之後ge comment,好似寫essay咁, 寫滿晒,一張紙都唔夠, 要加紙.(通常comments,一,兩句, 甚乎半版已經夠晒). 

最終, 我諗,不如就睇下自己命唔命大啦?就算死左,都應該收到個英勇勳章掛.以上當然係講笑, 不過我覺得如果教得到一個咁ge學生, 其實幾有挑戰性bor,不如就試下啦. 其實身邊好多朋友, 屋企人,都叫我,算吧啦. 唔值得. 不過冇啦, 我始終都決定左, 嘗試用自己最大的能力去教掂個學生, 同埋呢, 教得掂lee d 問題學生, 上頭就自然會賞識你.何樂而不為呢?

有咩方法可以教得掂呢??既然軟功唔得, 咁唯有硬啦. 最直接就係鬧. 所謂ge鬧其實係語氣要強硬, 要俾佢知道事情嚴重性. 加強返佢ge危機意識. 咁點樣令佢冇咁懶呢?? 簡單, 迫佢早d起身, 我每次book佢6,7點飛, 天都未光,佢就要起身準備. 迫走佢d 懶根. 同埋俾多d功課佢做. 迫佢每晚都要對住本書. 冇得打機(我問過佢roomate,原來佢每日淨係o係房打warcraft!).遲鈍? 迫佢o係空中ge 時間除左飛, 仲要佢做多d野, 叫佢計下數, 睇下map, 寫下野, 迫佢可以做到multi tasking). 隨住日子耐左, 開始見到d成績, 開始見到佢有少少轉變,  鬧之餘, 如果做得好, 係要讚, 無論o係空中又好, o係其他學生面前都好, 有得讚, 我都嘗試會讚下佢, 俾佢知道原來努力左, 人地係會睇得出ga wor,咁佢自然會有motivation繼續做得好.

有時真係好搞笑,見佢飛, 我留意到佢對眼係唔郁, 好似呆左咁, 唔會留意身邊事物. 好似好多心事咁. 揸飛機, 唔同揸車,唔係你有野諗, 就可以停架車o係一,2面, 慢慢諗. 有乜野事都好, land左先啦. land完,返屋企慢慢諗啦. 顧掂架機先算啦.

不過都叫做好啦, 上星期六終於send左佢solo. 當佢o係空中ge時間, 我真係超緊張. 好希望佢生生性性, 結果佢又冇令我失望, 咁arm 條active runway,對住我地學校, 佢land成點,我地睇得好清楚, 雖然第一次overshoot左, 但第2次land, 真係靚到不得了.

之後例牌淋水啦. 不過而家冇咁凍, 淋完都唔會病, 我自己只係條pants濕左少少. 不過見佢地玩得咁開心, 拎住條水喉亂咁射,又真係幾開心, 幾滿足. 如果當日放棄左, 斷估唔會有咁ge一日. 

不過由而家開始, 由於公務繁忙, 加上而家其實有其他野忙緊, 所以會少左飛. 做flight instructor,好處係個working schedule真係好flexible. 唔係下下要朝9晚5. 我最鍾意放星期五, 因為班鬼仔到星期5就會好勤力做野, 想早d收工,同班frd去飲酒. 所以星期5學校會特別忙, 又嘈又多人, 又唔一定會有飛機飛. 所以我寧放星期5, 或者出去行下, 交下電費, 夠靜.  到星期6,日先再搏過, 星期6,日係最靜, 一來d鬼仔飲完,醉左,肯定未醒. 2來,醒左都未必返到工. 所以星期六最好做, 有時做到下晝3點幾, 搵夠,就收工. 

btw,我買左機票返toronto ar!太好喇, 今次返多記, 主要係睇兩個老朋友畢業. 其次係食野, 燒賣, 干炒牛河, 燒味, 菠蘿包, 蛋撻, all u can eat, 打邊奴. 飲茶.......數唔到咁多. 事關我住lee度,真係百冇(aunt) , 冇乜唐人,冇chinese food,就算chinese restaurant都係厄加拿大人, chicken ball, egg rolls,唔係真正chinese food. 

anywayz, nice to share something here, btw, i got some pics of the my student first solo, i will upload them later, take care, guys!

尋日收到d相,

而家就share俾大家睇下啦.

濕晒的austin and me

佢班兄弟. 從面上, 睇得出佢真係好開心.

希望佢生生性性, 繼續飛好d啦.

不進則退.

 

阿叔走左.

識我ge朋友都知我好鍾意睇波(雖然而家少左好多), 但今朝就收到一個好突然ge消息, 爸爸打黎俾我話阿叔走左了......

講真, 我聽到我真係呆左, 心好唔舒服, 好失落. 及後先能夠平伏心情. 我同阿叔雖然唔熟, 但係我真係睇阿叔講波睇到大.
我以前睇電視, 主要唔係睇電視劇, 而係睇波. 佢把聲我真係永遠都記得. 

我記得我第一次睇波係94年世界盃, 西班牙對尼日利亞, 之後就係曼聯對紐卡素1:1, 自此我就愛上足球, 到而家都有15年. 15年黎, 阿叔真係陪我由一個小學生到成為而家一個出黎做ge人. 

唔知點解, 感覺好似冇左一個好親的朋友咁. 我真係幾唔開心. 好可惜的係冇機會同阿叔影張相留念. 

好想好想永遠留住這一刻. 

生老病死,人生必經階段, 但係有時就係咁殘酷, 你唔想發生, 偏偏無奈都會發生o係一些人身上. 

阿叔係一個好pro,好爽直的人,我相信佢o係球壇上ge成就, 電視界ge地位, 世人係永遠唔會忘記. 

rest in peace.

tired but quite happy

好耐冇乜update, 因為往去整個星期都係飛,飛,飛,訓.

真係好攰. 一日其實飛5次已經係max.

但係開心ge係再3個學生pass左flight test, 最近o個個係今日pass左啊.

totally總共有4個啊.

我仲記得,佢地每一個pass左之後, 好真誠多謝我, "弓"晒"工". 好有禮貌. 感覺非常好. i am so proud of my students. they really did a great job.

所以話, 雖然攰, 但係好有意義.

同埋, 而家我只需要多2個first solo recommend就可以加人工,正所謂"逆市加薪". 加薪之餘, 又會升class, 好快就會由class 4升做class 3 instructor.

都係o個句, 辛苦, 但值得, 有回報. 開心. 但係開心之餘,聽日依然要返工, 下次傾.拜拜.

做instructor ge 意義.

今日想同大家兩件事.

我都做左instructor 3個月, 每日都係飛,飛,又飛, briefings, 其實期待ge就係學生能夠學到野, 考到牌,做到一個真正ge 機師.

lee 一日, 終於來臨. 今日星期, 我終於感受到做老師的滿足感.

我成功send左一個學生solo, 同埋教左一個學生考到PPL(private pilot license). o個種滿足感, 或者成功感, 好難解釋. 同埋肯定左自己原來所教ge野, 學生原來就係接受到, 同領會到.

我曾經都有失落ge時候, 但學生飛得唔好ge時候,會好失望. 當學生沮喪ge時候, 我都為佢地為到難過. 我曾經有懷疑係咪自己問題, 但係今星期, 感謝我ge學生用行動證明左,原來我係得ga, 原來我教佢地ge野, 佢地係接收到,仲可以實殘到出黎. 講真, 真係好開心.

首先講下個solo 學生, 所謂ge solo, 即係個學生要一個自己上去飛一轉, 然後落返黎landing. 咁就為止first solo , 其實要做ge野,就係take off , then o係空中飛一個長方形, 然後land, 航空界名為circuit.

難??當然有點難度, imagine要你o係空中劃一條直線, concept差唔多. 而我ge 作用, 就係要陪佢狂飛circuit, 教佢take off, 教佢飛cicuit,教佢landing, 對於初學者, 學landing係最難. 因為判斷力要好好可以令一個landing變成一個安全, 舒服ge landing. 我同個學生飛左10幾個鐘, 佢就係要自己一個上去一個人飛. 對佢黎講, 一d都唔易, 因為一個人自己去飛, 唔多唔少都會有d怯, 同埋, touchwood講句, 如果上到去,有咩事, 都要靠佢自己搞掂, solo ge意思就係咁喇.

我緊張??我真係好緊張, 當我放佢first solo ge時候, 我自己o係地下等o個20分鐘, 好似等20年咁耐, 手心勁出汗, 係咁度步, 我對個學生有信心, 但問題空中可以發生ge事可以有好多, 同埋個學生ge心理狀態, 有時唔到o個刻, 係真係未必會爆發出黎. 心情同教一個小朋友行路一樣, 扶左佢咁耐, 知道佢識行, 但係到放心的一刻都會好緊張, 但係終於個學生都冇令我失望, 冇浪費到我對ge信任, 一個人上個天度, 飛左一轉,  個landing仲勁靚仔tim. 我真係開心到爆, 好似自己攞獎一樣咁開心.

其實未完ga, 傳統上, first solo完, 係要濕身. 所以first solo,對每一個初學者係好重要, 同埋會加強佢自此對飛行的信心. 好喇, 濕身, 一班佢ge同學仔, 已經準備好一桶桶ge 冰水, 唔好忘記加拿大而家仲係冬天, o個日都有負十幾度, 咁樣淋一淋, 冇乜可能唔病. 仲有, 加上lee個學生係我第一個教出黎ge solo,傳統上, 我都要陪埋佢一齊濕.

你地可能問, 咁淋法, 實病啦. 冇錯, 我的確之後病左, 病到而家.都仲咳緊. 不過冇所謂啦, 一生人只會得一次, 值得慶祝, 與眾同樂ga! 最終咪變左成班人大混戰, 狂玩水lor!!我真係濕到不能形容, 成身好似重左廿磅咁, 佢地仲要o係周圍搵d雪放入我個身度, 真係凍到呢.............. 不過overall,係開心ge, 係好有成功感. 教學ge意義咪就係咁lor!!

當然我地有影相啦, 不過d相o係晒個學生度, so far 我淨係收到一張咋, 遲下收埋其他, 再share俾大家啦. 唔好見怪.

之後兩日我都有飛, 雖然病,但唔算嚴重, 我尋日飛左兩次就返左屋企, 因為真係太攰,頂唔順. 上晝其中一個flight, 我就係recommend 左個學生考flight test, 其實成件事都好驚喜, 因為我返左屋企之後,狂訓, 根本唔知道個學生幾時考, 點不知夜晚訓醒,收到佢個email 話, i passed the flight test, can u book me later. ,我o個陣真係超呆, 但呆得黎, 又勁開心wor!心諗, 快到咁, 上晝recommend你, 下晝你已經pass左, 真係快過打針.

講住咁多先啦, 我其實最想講, 我真係好多謝上天俾個機會我o係度教, 令我學到更多野, 令我ge skills 進一步提升. things always happen for a reason, 雖然我上年衰左, 但正正因為我衰左, 反而俾左個機會我o係度教人飛, 令我ge技術,知識進一步加強, 雖然加拿大ge冬天好凍, 雖然一個人好寂寞, 雖然食唔到屋企煮ge野, 好可憐, 我甚至連剛出世的表弟,我都未有機會抱過, 5年冇試過親身向屋企人拜年, but this is life. 有咁ge生活先可以豐富我ge人生. 當我見到當日同我一齊interview ge人, 而家已經幫cathay 做野, 真心, 我有唔開心過, 我會問自己, 點解自己當時唔爭氣, 如果我爭氣的話, 我就唔洗捱凍啦, 我就可以搵多d $$啦, 但係耐左, 你就會發覺, 其實失敗並不是一件壞事, 人生路唔可能係永遠的平坦, 有挑戰先係人生. 一個tough ge life, 有$$都唔會買得到, 唔失去, 得不到, 咁第時又點會識珍惜呢?

而家ge我,已經唔會再諗點解上年自己唔得, 反而會繼續努力教, 放假ge時候就溫書, 準備好下一次的interview. 我相信上天唔會待薄一d有心人. 只要我繼續有個heart, 我相信lee個世界仍然有我生存的空間.

我爸爸曾經多次同我講過, 咁辛苦,咁危險,不如唔好做啦, 返香港o係mega box教人飛737 sim好過啦, 人工又唔係低,工作時間又唔長, 但我同爸爸講, 我真係好鍾意飛, 我唔想每日坐o係地下, 睇住飛機飛過, 我想自己去飛. 後生仔, 真係要捱. 我知道09年會係好辛苦的一年. 但係一年都係365日, 一日都係24小時, 更辛苦都係要過, 個世界唔會因為你呻辛苦而停落黎, 勤力ge人遲早會跑過你, 我唔想做俾追過o個個. 所以我會繼續努力,甚至盡力做好自己. 爸爸o係我飛得唔好, fail flight test ge時候, 講過一句說話, 唔得唔會有人怪你, 最緊要係問心無慚. 今年年尾, 我相信係收成的時候. 我期待and努力中..