繼上年4日遊之後, 再次重返香港.
今次返黎感覺非常沉重.
唔經唔覺已經3年冇返屋企.
o係機場見到, 爸爸,媽媽, 真係好感動. 好多謝佢地每次都風雨不改黎機場接我.
爸爸話我個樣殘左, 老左好多. 心裡都感到好慚愧. 或者o係父母心目中, 搵唔搵到$$唔緊要, 最緊要係健健康康成長. 但有時工作上的長時間往往就忽略左健康的重要性.
再次返香港, 發覺機場好似變左個疫阜咁, 好多人都載著mask. 手套.
對香港感覺依然係熱............我還記得我臨返香港o個晚, 加拿大已經跌到淨得7度. 溫差真係非常之大.
返香港真係有點唔慣, 唔慣唔到咁多中國人, 既親切,又有點陌生, 怕跟不上香港的節奏.
3年後再次返到屋企, 發覺好多野都變左, 電視換左, 電腦換左, 家裡多左好多雜物. 同埋可能係香港, 樓底比加拿大矮, 同時亦感到好慚愧 ,因為自己o係加拿大住的apartment竟然大過香港的屋企. 屋企人o係香港3個人反而住的空間比我還細. 我知道作為長子, 責任會好大, 我真係想盡快改善屋企生活. 今次返黎有兩個目的, 其中一個就係搵工, 希望份工的收入可以令屋企人可以早些退下來. 雖然佢地年紀尚輕,但我覺得己經夠了.唔應該再咁辛苦做野喇. 應該享受下人生.
如果唔係offer 我去外國讀書, 佢地現在的生活可以更好. 爸爸同媽媽都唔係太熱愛香港的生活, 媽媽鍾意toronto, 爸爸鍾意new zealand or new brunswick. anyhow,繼續努力去改變佢地的生活吧. 肯多走一步, 肯捱多一夜. 生活就可以改變. 可幸的係我差唔多o係加拿大己經工作夠一年, 可以申請移民. 算係一個back up plan吧.
講返今晚, 再一次食到屋企的住家飯. 真係好美味. 又有湯飲呢. 野食真係唔洗珍參海味,簡單粗茶啖飯已經好滿足.
希望今次旅程會有一個完全的結局. 由現在開始, 應該要學識跟返上香港人的節奏, 在路上已經唔可以慢條斯理咁行, 要快快步. 去到班馬線,唔可以expect人地會停車, 駕車的時間要expect 有人隨時唔打燈cut線等等. 爸爸話拎返個香港車牌好, 但係睇返由機場返屋企段路, 我都係覺得駕飛機比o係香港駕車還安全. 哈哈.
每次我返香港總會病一輪, 希望今次唔會吧.
神, 感謝你給我一個愉快而安穩的旅程. 我會努力做好自己的本份, 結果係好,係壞, 留待你為我安排吧.
No comments:
Post a Comment