開左個blog咁耐,係第一次打中文字.
今日有個同樣學飛的朋友俾左個難題我. 就讓我地一齊去討論.
題材:感情事.
話說我個frd, 係澳門人,9月飛來加拿大讀instructor course, 佢原先係澳門某一間airline ge cabin crew.而女主角係來自香港的一位普通女仔. 而家女方就o係澳洲讀大學, 男方而家就o係度讀instructor course.
佢地一齊左一年有多. 當然梗係開心啦. 同普通couple冇乜分別. 傾下電話,行下街, 食下飯咁. 而當女方o係澳洲的時候, 男方由於工作關係,經常可以到澳洲出trip,基本上,一星期至少有一次機會見面. 其實以見面次數之多, 睇上去,完全唔似long distance relationship.
9月頭, 男方去加拿大ge時候, 女方亦有陪同到加拿大.
近日問題就來了.
可能distance更加遠左,而更加唔可以每星期見面. 唯有靠電話. 但女方來電次數近來就多左好多. 而男方因上堂,功課,飛行關係, 難以付出太多時間傾電話. 結果男方終於有一次真係忍受唔住,只係講左一句"其實你可唔可以唔好成日打黎". 就係因為lee一句,令到大家近個星期冇聯絡.
點解會有這一句說話出現, 事原男方覺得自己不受尊重, 因為女方一路msn,一路同佢傾電話,而男方就放低晒所有野,陪佢傾,就係因為咁, 令我個frd講左一句咁ge說話.
頭先我揸車送佢返屋企, 一直想幫佢諗辦法, 可惜小弟感情係一張清如水,明如鏡的白紙, 可以幫佢分析,但俾唔到意見. 佢同我講,過黎學飛,都係為左將來成為一個pilot,可以o係生活上有些改善,可以改善大家的生活. 佢同我講, 如果可以挽救感情,佢寧願而家返澳門,繼續做cabin crew,至少可以每星期見一次. 我同佢講:公私要分明, 唔好因為私人感情事,而影響飛行. 咁做並唔專業. 我再問佢, 你係為左佢,定係為左自己ge career而過黎, 佢話都係為左佢而咁做.
佢問我而家點算, 我真係俾唔到反應, 我理解佢唔想分手, 而且仲好愛佢女朋友. 但係佢已經feel到感情有裂痕, 佢好怕會失去. 不過我真係幫唔到手. 要個感情白痂去解決一個咁ge問題, 真係有d吃力.
故事就講完, 唔知大家有咩意見呢??
第一次睇你個BLOG,等我留下言先=] 我覺得,女仔嬲個男仔...係應該架~ (以女方角度黎睇) 因為講出咁既一番說話,其實好HURT人(我覺得) 就等男既對個女講: 我覺得你好煩,你唔好成日打黎煩住我! 當一個自己好愛既男人同自己講"喂,你好煩"...可想而知有幾HURT?
ReplyDelete我覺得而家補救方法係拿拿林氹返個女朋友.. (當然要主動打多幾個電話比佢啦!) 同佢解釋清楚,話上緊堂、飛緊果陣唔可以成日都同到佢傾電話~ 而且希望女朋友打黎果陣係一心一意咁同佢傾, 因為男方唔喜歡果種"不被受重視"既感覺 最重要係要同佢講 "我唔係覺得你煩,其實我好愛你,只係我忍受唔到我放下工作去就你,但你就一路傾MSN一路同我傾電話!"
做情侶,還是坦白一點好~ 記得要支持你個FD繼續讀埋落去,要珍惜機會呀=] 睇得出你個FD好愛佢女朋友,真係令人羨慕~
多謝你ge意見.
ReplyDelete我嘗試向佢反映.或者可以幫到佢呢!!
歡迎你再次來臨.
點會係咁呢？ 澳門得一間viva會飛YSSY，仲要好似飛得個半年都未有，你個frd有冇吹水呀？
ReplyDelete[版主回覆10/23/2007 10:06:00]我可能講得唔夠仔細
o係未開航之前,佢基本上係每個星期過香港搵佢.
係當個女仔要去澳洲讀書, 咁arm,viva飛sidney, 所以變左每個星期可以見一次.
基本上,從來都係long d.所以佢冇吹水ge.
誤會啫 , SAY SOR 就冇事
ReplyDelete再講 , 話比個女仔聽 , 佢咁講 . 只係一時之氣 , 佢想要人專重乍
[版主回覆10/23/2007 23:00:00]應該啦.
不過你知女仔啦,後生仔, 唔會嬲一陣就冇事.
o個啖氣,真係唔知等幾耐先下到lu.
' Trust' is the most important factor for a couple...hope ur frd can understand
ReplyDeletebtw..when u finish ur training?? and can u tell me which airline ur in ??
[版主回覆10/23/2007 22:57:00]我諗佢仲需要時間要消化下.
始終佢experience唔多.
i belong to nowhere. i am a self-sponsored.
i wish to join 魚翅 but too difficult to get in,we'll see!!!
hope to work with u soon!!!!
哦....我雖然唔中意人地一路MSN一路同我講電話﹐但係都唔會講"其實你可唔可以唔好成日打黎"lee句﹐聽果個實火滾啦。俾著我真係會唔打架!!! 我同我男朋友都係long distance緊﹐當初做cabin crew過時成日可以見﹐但係自從無做之後就係靠電話聯繫架喇。大家都會有野忙﹐梗有一方係忙過另一方架啦﹐為免煩親忙果個(佢), 我甚至係一日都唔會打電話俾佢﹐等佢有空檔就自然會打俾我啦。雖然D空檔可能有時只係幾分鐘。但平均每日都有5-6個電話既﹐加埋都應該有半小時既。叫你個friend一有時間就打俾佢女朋友啦﹐佢收得多來電﹐就自然會打少D俾你個frd啦!!! 祝佢地快樂。
ReplyDelete[版主回覆10/29/2007 04:01:00]尋日問佢而家點?佢話好迷茫, 唔知點算好.
時間上, 真係唔容許佢成日call去澳洲.因為佢而家上午飛,下午上堂, 晚上又要prepare 第日d功課. 佢地而家只有msn 聯絡.真正電話,聽聞就真係少左好多.
聽完你的故事.睇黎我個frd需要多向你學野, 不過點講,始終係佢初初開始long d, 係需要d時間學習點樣去處理段關係.
唉. 真係唔知呀.我淨係希望佢地可以受到考驗, 兩個人從不相識的人可以一齊,成為情侶,其實係充滿著好強的緣份,佢地應該珍惜, 理智處理而家的問題. 長途感情係比平常感情,難維繫. 日思又會夜想.
所以single並非係太壞的情況. (又讚自己tim )