Wednesday, April 1, 2009

tired but quite happy

好耐冇乜update, 因為往去整個星期都係飛,飛,飛,訓.


真係好攰. 一日其實飛5次已經係max.


但係開心ge係再3個學生pass左flight test, 最近o個個係今日pass左啊.


totally總共有4個啊.


我仲記得,佢地每一個pass左之後, 好真誠多謝我, "弓"晒"工". 好有禮貌. 感覺非常好. i am so proud of my students. they really did a great job.


所以話, 雖然攰, 但係好有意義.


同埋, 而家我只需要多2個first solo recommend就可以加人工,正所謂"逆市加薪". 加薪之餘, 又會升class, 好快就會由class 4升做class 3 instructor.


都係o個句, 辛苦, 但值得, 有回報. 開心. 但係開心之餘,聽日依然要返工, 下次傾.拜拜.


Wednesday, March 18, 2009

做instructor ge 意義.

今日想同大家兩件事.


我都做左instructor 3個月, 每日都係飛,飛,又飛, briefings, 其實期待ge就係學生能夠學到野, 考到牌,做到一個真正ge 機師.


lee 一日, 終於來臨. 今日星期, 我終於感受到做老師的滿足感.


我成功send左一個學生solo, 同埋教左一個學生考到PPL(private pilot license). o個種滿足感, 或者成功感, 好難解釋. 同埋肯定左自己原來所教ge野, 學生原來就係接受到, 同領會到.


我曾經都有失落ge時候, 但學生飛得唔好ge時候,會好失望. 當學生沮喪ge時候, 我都為佢地為到難過. 我曾經有懷疑係咪自己問題, 但係今星期, 感謝我ge學生用行動證明左,原來我係得ga, 原來我教佢地ge野, 佢地係接收到,仲可以實殘到出黎. 講真, 真係好開心.


首先講下個solo 學生, 所謂ge solo, 即係個學生要一個自己上去飛一轉, 然後落返黎landing. 咁就為止first solo , 其實要做ge野,就係take off , then o係空中飛一個長方形, 然後land, 航空界名為circuit.


難??當然有點難度, imagine要你o係空中劃一條直線, concept差唔多. 而我ge 作用, 就係要陪佢狂飛circuit, 教佢take off, 教佢飛cicuit,教佢landing, 對於初學者, 學landing係最難. 因為判斷力要好好可以令一個landing變成一個安全, 舒服ge landing. 我同個學生飛左10幾個鐘, 佢就係要自己一個上去一個人飛. 對佢黎講, 一d都唔易, 因為一個人自己去飛, 唔多唔少都會有d怯, 同埋, touchwood講句, 如果上到去,有咩事, 都要靠佢自己搞掂, solo ge意思就係咁喇.


我緊張??我真係好緊張, 當我放佢first solo ge時候, 我自己o係地下等o個20分鐘, 好似等20年咁耐, 手心勁出汗, 係咁度步, 我對個學生有信心, 但問題空中可以發生ge事可以有好多, 同埋個學生ge心理狀態, 有時唔到o個刻, 係真係未必會爆發出黎. 心情同教一個小朋友行路一樣, 扶左佢咁耐, 知道佢識行, 但係到放心的一刻都會好緊張, 但係終於個學生都冇令我失望, 冇浪費到我對ge信任, 一個人上個天度, 飛左一轉,  個landing仲勁靚仔tim. 我真係開心到爆, 好似自己攞獎一樣咁開心.


其實未完ga, 傳統上, first solo完, 係要濕身. 所以first solo,對每一個初學者係好重要, 同埋會加強佢自此對飛行的信心. 好喇, 濕身, 一班佢ge同學仔, 已經準備好一桶桶ge 冰水, 唔好忘記加拿大而家仲係冬天, o個日都有負十幾度, 咁樣淋一淋, 冇乜可能唔病. 仲有, 加上lee個學生係我第一個教出黎ge solo,傳統上, 我都要陪埋佢一齊濕.


你地可能問, 咁淋法, 實病啦. 冇錯, 我的確之後病左, 病到而家.都仲咳緊. 不過冇所謂啦, 一生人只會得一次, 值得慶祝, 與眾同樂ga! 最終咪變左成班人大混戰, 狂玩水lor!!我真係濕到不能形容, 成身好似重左廿磅咁, 佢地仲要o係周圍搵d雪放入我個身度, 真係凍到呢.............. 不過overall,係開心ge, 係好有成功感. 教學ge意義咪就係咁lor!!


當然我地有影相啦, 不過d相o係晒個學生度, so far 我淨係收到一張咋, 遲下收埋其他, 再share俾大家啦. 唔好見怪.



之後兩日我都有飛, 雖然病,但唔算嚴重, 我尋日飛左兩次就返左屋企, 因為真係太攰,頂唔順. 上晝其中一個flight, 我就係recommend 左個學生考flight test, 其實成件事都好驚喜, 因為我返左屋企之後,狂訓, 根本唔知道個學生幾時考, 點不知夜晚訓醒,收到佢個email 話, i passed the flight test, can u book me later. ,我o個陣真係超呆, 但呆得黎, 又勁開心wor!心諗, 快到咁, 上晝recommend你, 下晝你已經pass左, 真係快過打針.


講住咁多先啦, 我其實最想講, 我真係好多謝上天俾個機會我o係度教, 令我學到更多野, 令我ge skills 進一步提升. things always happen for a reason, 雖然我上年衰左, 但正正因為我衰左, 反而俾左個機會我o係度教人飛, 令我ge技術,知識進一步加強, 雖然加拿大ge冬天好凍, 雖然一個人好寂寞, 雖然食唔到屋企煮ge野, 好可憐, 我甚至連剛出世的表弟,我都未有機會抱過, 5年冇試過親身向屋企人拜年, but this is life. 有咁ge生活先可以豐富我ge人生. 當我見到當日同我一齊interview ge人, 而家已經幫cathay 做野, 真心, 我有唔開心過, 我會問自己, 點解自己當時唔爭氣, 如果我爭氣的話, 我就唔洗捱凍啦, 我就可以搵多d $$啦, 但係耐左, 你就會發覺, 其實失敗並不是一件壞事, 人生路唔可能係永遠的平坦, 有挑戰先係人生. 一個tough ge life, 有$$都唔會買得到, 唔失去, 得不到, 咁第時又點會識珍惜呢?


而家ge我,已經唔會再諗點解上年自己唔得, 反而會繼續努力教, 放假ge時候就溫書, 準備好下一次的interview. 我相信上天唔會待薄一d有心人. 只要我繼續有個heart, 我相信lee個世界仍然有我生存的空間.


我爸爸曾經多次同我講過, 咁辛苦,咁危險,不如唔好做啦, 返香港o係mega box教人飛737 sim好過啦, 人工又唔係低,工作時間又唔長, 但我同爸爸講, 我真係好鍾意飛, 我唔想每日坐o係地下, 睇住飛機飛過, 我想自己去飛. 後生仔, 真係要捱. 我知道09年會係好辛苦的一年. 但係一年都係365日, 一日都係24小時, 更辛苦都係要過, 個世界唔會因為你呻辛苦而停落黎, 勤力ge人遲早會跑過你, 我唔想做俾追過o個個. 所以我會繼續努力,甚至盡力做好自己. 爸爸o係我飛得唔好, fail flight test ge時候, 講過一句說話, 唔得唔會有人怪你, 最緊要係問心無慚. 今年年尾, 我相信係收成的時候. 我期待and努力中..


 


Tuesday, March 10, 2009

新牌

新牌, 可以解新牌仔,


的確係新牌仔, 不過我指ge新牌, 係指新款ge飛機師牌.


上年加拿大民航局(transport Canada)就設計左一款新ge牌. 取代舊款.


其實我覺得應該ge,以前我地d 牌照只係一張紙仔, 連車牌都可以係一張card,如果個飛機師牌只係一張紕仔, 好似又唔夠pro bor!!


所以就叫我地陸續換牌.前兩日,我終於收到我ge新牌.


唔講,真係以為我入左藉加拿大, 成本passport咁.無論size, 質地, 顏色都好似.


從此以後, 我就唔洗拎住d紙仔lu,拎住本簿仔上機.



 



有埋相,以前o個d無相ga!!即係就算你拎住d紕都證明唔到你係佢本人.



o係呢兩牌有齊我d medical, license, rating,全部o係晒度.


每考多一個牌, transport canada,就會寄張sticker俾你, 自己貼上去, 感覺猶如超級市場儲印花一樣!愈多當然愈好, 咁換到咩禮物呢??我諗一生ge事業, 就係最好ge禮物!!


Friday, February 27, 2009

少許sharing

究竟落完雪之後, 究竟會點呢??


去片.





 


幾大層cream o係上面........... 真係差支生日蠟燭咋..........睇到咁, 真係頭痕中.......



你睇, 層cream 厚到呢........................................點剷啊????


冇計, 照剷, 慢慢剷lor! 要揸車返工, 都要ga!! 


 


另外, 尋日飛, 見到d勁正ge野!!!


飛左都差唔多4百個鐘, 都未試過.


就係o係d 穿過d fog 先land.


話說尋日都好早出去飛, 7點鐘已經take off, o個陣天氣ok ga, visibility 唔錯, sky clear, 又冇turbulence. o個陣其實日出先未出晒.


一直都冇問題, o係training area返黎的時間, 問題就黎喇.


入左control zone之後, 我地首先會見到個town,咁飛過個town之後, 就應該見到機場, 問題就係返黎的時間, 太陽出左黎, temperature 開始上升, when temperature meets the dew point, there's gonna be fog around.


結果我地係搵唔到個機場, 因為d fog太低and 太厚. 學生問我, where's the airport?? 我就好輕鬆講句, should be somewhere in front of us , no worries,keep going. we'll see it. 


好彩剛巧有架機o係我地之前準備land, 我地又搵到架機, 結果就借架飛機引導我地join circuit, 最型係on final o個陣成個flight path都係俾fog 蓋住, visibility 低得交關.


學生問我"what should i do now?" 我話" just keep the eyes open, fly straight, just take it as a normal approach, nothing to worry about. 咁講ge作用咪可以令佢放心, relax d.


不過我其實自己心裡有數, 準備晒好多back up plan,come to the worst ,我已經準備好隨時轉飛其他機場, 或者搵個area, 做個空中"盆旋",等D fog 散. 所以當時, 當時情況絕對安全.


咁但係咁ge情況我都係第一次見, 我同個學生都覺得機不可失, 當然就影左d相啦. 當時情況絕對安全, 所以影低左d相俾大家睇下.



前面o個個十字就係條runway 喇. o個陣仲未入fog



o個lee個時間, 準備入fog,因為冇得揀, 唔穿過d fog,根本approach唔到,



lee個時候, 我諗大家同我一樣, 都已經見唔到條runway, 因為架機,有7成o係fog入面.


到lee個時間, 當然我要做ge就係集中睇住學生. 隨時有咩事,我就會take control.


結果當然順利land左架機.


尋日佢上左寶貴一課, 等佢知道o係特殊情況下點應變.


 



從lee張相可以睇到, 我地o係似o係雲海上面飛過咁!


 


其實就算天氣突轉都好, 只要冷靜面對, 一樣可以好安全咁樣降落.


 


thanks for reading!


Tuesday, February 17, 2009

天與地

下面d相真係表現出咩叫做一個天一個地. 

加拿大冬天, 天氣好, 同差, 真係差天共地.


天氣好時間的夕陽, 你睇, 幾靚.


飛緊ge時間影.

講來有d搞笑, 點解會無端端會影相, 有段故.

話說有一日, 黃昏時候, 同一個學生去飛, 上左天空後, 佢突然間拍一拍大脾, 自然反應梗係問佢咩事(當時佢ge反應何其激動)

Me: Sam, what's wrong?? 

Sam: nothing wrong, i forgot to bring my camera. i want to take pics of the sunset.

Me: All right, take my cell then.

結果就借左個電話俾佢, 影低左個sunset. 咁我一路飛,佢一路影. 

其實,都冇乜問題, 反正冇乜幾何, 加上o個個flight,會有時間剩, 加上飛夜晚亦都唔係問題. 就俾個機會佢影下相, 學飛還學飛, 對學生唔應該迫得太緊,間唔中relax下, 可以接受.

但係呢..............

天氣好, 可一就不可再. 如果加拿大落起雪上黎可以好可怕.

你睇...........



落飄雪! 浪漫啊!!淨係睇景的話.

如果係揸車或者行路, 每一步都有血有肉.

行路的話,隨時會成對腳入晒雪, 濕晒, 

揸車的話, 又驚會hydroplanning, 加上, 由於長期積雪, 好多時d snow bank推到好高, 好影響揸車時間ge 視野, especially when小路出大路, 要申到個頭好出, 先可以睇到有冇車黎緊. 危險.

經過2,3個月ge 累積, 我個露台已經積滿晒雪.

\

個樽本身都唔矮, 好似一個可樂樽咁高, 但係都仍未到底, 我諗d雪ge高度, 差唔多去到knee. 

冬天, 我會好少理個balcony, 因為永遠有剷不盡的雪. 唯有等暖返d,等佢自己慢慢溶啦, 冇計.


加拿大ge冬天就係咁ga喇.

凍, 凍, 凍.

唯有望佢有d走啦. 

仲有,其他冬天同夏天日,夜長短都差好遠.

以我lee度為例, 夏天, 5點幾就光, 夜晚十點都仲可以拎本書出去腸.

但冬天呢, 8點鐘可以仲係黑, 黃昏5點就已經全部黑晒.



Sunday, February 8, 2009

from 1 >2 > 3

返黎寫blog 喇終於


開始左份工有一個多月.


對於這份工, 其實有很多share.


講之前, 先講下我份工, 究竟係負責什麼, 工作性質係乜先.


My title is flight instructor.


Flight, 固之然係飛的意思.


instructor ,即係教員,教官等.


combine together, flight instructor,即指教飛.


同教車師傅差唔多, 教佢地直接考到牌為止. 分別係一個在地上, 一個在空中.


相信大家都係衝上雲霄ge fans,right?其實我份工, 同吳鎮宇(Sam)o係澳洲Adelaide的工作一樣,教zita, issac, donald 等cadets飛


o係我而家ge flight college, 我教的學生都係cadets,因為我地學校同airline 都有contract,負責為佢地訓練機師. 佢地都係cadets, 不過唔係來自魚翅, 而係來自內地的航空公司. 其實o個d公司大家都可能聽過, 或者甚至坐過佢地的飛機. 有深圳航空, Air China, Air China Cargo, 廈門航空, 中國東方,同埋南方航空.總共6間公司的cadets.


其實佢地的qualification都唔差, 比如我ge學生, 我而家有7個學生, 全部都有大專以上的學歷, 有2個來自南京的大學, 一個來自長春, 一個來自廣州, 3個來自北京航天大學(Buaa)www.buaa.edu.cn/, 有d係computer science, 有d係computer engine, 有d係本身讀aviation.


搞笑的係, 我初時都唔知, 因為初次接觸佢地, 發覺佢地的年齡同我應該差唔多掛, 點不知, 有次傾計先知,原來佢地全部都大年紀過我, 最大o個個已經26歲. 估佢地唔到啊!!!真係..睇個係一d都唔似. 我都20有3, 但佢地原來唔止. 雖然話我係佢地阿Sir,但唔多唔少, 都有d好怪的感覺, 佢地點講都係我的長輩bor!


介紹下佢地, 佢地雖然係來自內地, 但係全部都有英文名, 有香港明星, 有韓國明星.


Rain(並非韓國的Rain)---來自深圳航空, 點解叫Rain, 並唔係佢似Rain ,or 有Rain的身型, 而係佢的first name, 係贊雨, 取其英文名Rain.


Frank ---- 來自深圳航空, 26歲, 但一d都唔似, 點解叫Frank,因為佢姓Fan,取其名Frank,不過我有時叫佢little Dragon,因為佢first name 叫小龍.


Toni ----- From 廈門航空, actually i dun know why he called himself Toni, 但係佢曾經講過好鍾意睇港產, especially梁朝偉d 戲, 或者係咁掛.


Samuel ---- From Xiamen airline.


Sam --- from China Southern, 廣東人, 冇乜特別, 但好鍾意同自己人o係學校吹水, 講廣東話, d 粗口勁到...... 唉..有時聽佢地講野, 要好難先可以搵返個意思出黎, 好多重要字眼都俾d粗口蓋過左.


Eason ---- 此eason不那eason, 來自China Southern airline


Austin ---- from China Southern, 係一個令人感到非常頭痕的學生. 每次見佢, 我ge血壓會不其然爆煲, 點解, 後談. 有段故.


雖然好多人對內地的airline都信心不足, 但係我ge 學生其實好出色, 好勤力, 好有紀律, 同埋聰明, 英文亦唔太差. 當然啦, 內地人鍾意食煙,我控制唔到, 唯一就係叫佢地唔好成日食, 同埋上機之前盡量唔好食, 因為兩個人o係架機度, 如果有陣煙味, 其實好難頂, 好焗. 其實唔止作為pilot, 就算普通人都唔應該食煙, 對健康唔好.


至於邊間最好, 邊間最差, 我只可以講so far, what i could see from my students, 深圳航空的學生比較聰明, 靈活. 我最鍾意同佢地飛, 每教完一個exercise, 佢地會好快上手.


其他唔係差ga, 不過有個慣性, 就係成日yes, understand, ok, no matter what i said, they just say ok, understand, yes. 有時其實好頭痛, u cant just say yes without thinking. 有時,我明白佢地英文未必好好, 所以與其令我失望, 倒不如答yes, understand. 但係我希望的係佢地真係諗過,思考過先講yes. 好多時, 我會特登講d錯ge野講下佢地catch唔catch到, 點不知當然大失所望啦.


example:


Me: if we fly at 5000 ft, we use this column, ok??


student: yes, understand


me: u sure??


student: yes.


me: just think about what i said before, think about it. does it make sense? Can we fly VFR at 5000 ft??


student: Oh, sorry. no we cant.


好多時就係咁, 不經思考, 就答yes, understand. 唉.


亦有一個特別學生, 好鍾意問why , no, i dun think so, how come


其實問唔係問題, 但係佢係好多時, 唔諗就話no, u are wrong. 但當然就唔係啦, 好多時, 係佢自己錯, 例如計錯數, 思考錯誤, 跟住唔諗就話no, u are wrong or Why.


佢好得意, 反應好快, 我講完d野, 2,3秘唔洗就話, no u are wrong , i dun think so.


當然我梗係例牌同佢講, r u sure?? 跟住佢就會話自己重新計過, 之後好尷尬話sorry.


其實instructor,即係空中老師, 真係需要識好多野, 識之餘,更要識得點去解釋, 我相信yahoo blog都有唔少老師, 大家都明白, 自己識或者並非最難, 要解釋到令個學生明白先係最難.加上佢地的英文水平唔係最top, 所以有時要用一d簡單ge terms佢地先會明白.


我之前咪講過Austin係問題學生, 佢ge最大問題就係英文, 同佢做briefings, 就發覺到佢ge英文係差得好緊要, 簡單如why , how 的分別都唔知, up and down 的分別都唔識, 要做埋動作佢先明白. 最辛苦係佢講ge野, 要明白佢講的野, 係好難好難.grammar錯, 字眼錯. 好多時, 要聽完佢講一輪, 之後將佢講ge字o係個腦重新組織先估到佢想表達d乜.


honestly, i dun know whether he can continue his training or not.如果唔明,我都仲可以諗方法去教, 飛得唔好, 都仲得救. 但英文唔好, 真係好難幫到佢, 英文並唔係一,兩個星期會突飛猛進的事.


之前講到話briefings,究竟briefings係咩一回事呢?


其實briefings係, o係每一次上去飛, 個學生都會學一個新ge skill,例如spins, stalls, forced approach.每次briefings ge時候由短到30mins長至4個鐘都有.


做一個cross country briefings,真係超攰, 4個鐘,non stop係咁講, 又畫白版, 又畫map, 又講野, 個學生又攰, 我又攰.


可能大家有個問題, 會唔會私底下, 用普通話, 廣東話溝通呢?


絕對係唔可以. 學校打開門口做生意, 航空公司send班cadets黎學飛其中一個目的係希望d學生可以多d機會講英文, 所以我地雖然叫做自己友, 中國人, 由地上,到上到天空,全程英文, no exceptions.


咁飛左成個月, 有咩驚險或者特別事情發生呢??


當然有啦, 邊有得避.


始終佢地係學生, 犯錯係正常, 最緊要係以後唔好再犯, 咁我地就係要糾正佢地, 有時甚至乎要救返架機.


其中有幾次都幾值得分享.


1. 有一次, 我學生準備land, we were on final, 其實一切都ok, 到touchdown問題就黎喇, Flare 都冇問題, 但一touchdown之後, 架機就好似個彈彈波咁o係runway 上面,彈下彈下, 咁作為instructor其實應該要俾個機會學生去試修正, 但我等左一,兩秒都發覺, 佢冇意圖想修正, 愈彈個intenisity 愈高, 結果要講句"i have control" 咁就o係佢手上, take control and land. 我自己都係第一次咁樣o係landing期間take control, 但o個陣真係feel到好唔對路, 冇辦法唔take control.


2. 有一次, 做完run up, taxi to the runway準備take off, 咁係我學生take off, 當佢一add full power,我就發覺唔對路, 點解個oil pressure咁爆晒燈, 心知, 大鑊, 結果又係一句" i have control" aborted take off, 立即power idle, 用brakes整停左架機.真係驚ga, 萬一如果上左天空先發覺, 咁我就可能成為另一land 海上ge人. 最激氣,我睇返本logbook,先發覺原來maintainance出錯, 錯誤將一個已經壞左ge engine guage,當新黎用, 引致我要aborted take off. 真係好唔小心. 


3. 又有一次, 我同個學生approach to land,已經short final, 好近runway, 突然間有架機o係左面閃出黎, cut線, 搶閘land左, 搞到我要overshoot, 要兜個圈, 做多個circuit先land到.其實真係好嬲, 好格硬黎, 我已經同tower講左我short final,佢都要特登cut線, 搶住land左先, 之後個instructor落到黎, 只係笑笑口講聲 sorry.


我地個機場有別於其他機場我地係control zone, uncontrol airport,tower唔會阻止你做任何野, 你認為ok,你就做啦, 唔會理你.你認為安全, 可以take off, 咁你就take off啦. 所以就係因為咁, 有好多唔危險野發生.


做instructor,可以做好多野講, 做lee份工, 真係好辛苦, 好攰. 日日飛4,5次, 又上,又落, 加上成日都俾條seat belt 扣住, 真係好唔舒服.


唯一的樂趣就係希望d學生生性, 快d考到牌, 咁我就滿足喇, imagine第時坐飛機的時候, 發覺原來班機ge機師原來係以前自己的學生, 都感到驕傲同光榮ga!!


>>>>>>>>
>>>>>>>>



06年9月開始, 由一條都冇, 到而家膊頭有3條, 其實幾開心.


證明努力係冇白費. 肯努力, 肯捱, 肯堅持, 一定會有成果.


雖然暫時唔係airline pilot, 但係路ge方向正確, 成為airline pilot, 絕對唔係空談. 好多現役ge機師, o係事業初期都係一個flight instructor. 正如以前教我ge instructors, Joel. 上年4月離職轉左去間local airline as first officer.


blog友們, 加油. 個天等緊你地去explore!!cheers!!


Wednesday, December 10, 2008

第3條.

終於到手喇.

尋日考完, 個examinar唔舒服, 所以早走左. 冇拎到.


今日返學校拎第3條bar!!


不過呢, 因為冇著uniform.所以今日冇放上shoulder度.


lee d野, 梗係留返俾自己ge 啟蒙的instructor 做啦.


所以我聽日著得整齊d,等我instructor親手為我加勉, 哈哈!!


又真係幾靚, 簡直係好似一件歷史悠久的藝術品.哈哈!

我自己唔捨得拆!!留返我啟蒙的instructor幫我拆, 同埋放上我膊頭度!