yeah!!!
今日先睇到d相, 睇到每張的反應都係高興, 開心, 興奮. 真係好開心. 其實我自己都等左好耐, 一直等佢地話結婚, 搞婚禮等等, 結果終於o係上星期六行個禮, 正式結為夫婦. 恭喜,恭喜.
o係佢地身上, 學到好多野, 如何維繫一段關係(雖然未有機會實行), 如何去體諒對方. 如何不讓對方為自己擔心.
睇得出, 佢地為對方真係付出好多好多.
趁而家有時候, 不如講d佢地的故事俾大家聽下.
話說, 我識Dong, 係因為佢當時又係同一間flight college 學飛, 其實就在當時已經知道佢有女朋友在香港等佢回來, o個陣佢地都long distance左一段幾長時間. 大概9個月, 期間只靠web cam,電話維繫關係.
o個陣跟dong 熟落左之後, 佢就講左好多故事給我聽. 講故事時, 從佢面上的笑容可看出佢好鍾意佢女朋友, which is 現任妻子--- Tammy.
其實當時佢學飛的學費除左係自己俾之外, 佢女朋友亦有幫手俾埋一份. 從中已經可看出佢地的關係其實好深. 而Tammy亦都好偉大, 好支持自己的男朋友隻身一個人去到加拿大學飛. 講真, 邊個唔想自己的男友o係身邊陪自己. 但佢決定以行動去認同Dong ge決定. 期間, 為了keep住大家的關係, 大家靠MSN, 電話, 或者互相寄野俾大家去聯絡感情. 其中我記得好似有lipton 奶茶, 唔係一包, 而係一箱. 冇計, New Brunswick真係勁"aunt", 如果唔係靠外來物資支援, 這些香港野根本唔會在這裡出現.
Tammy真係好鍾意Dong, 佢知Dong鍾意climbing, 特意陪佢去四川camping, climbing. 記得Dong 話佢地o係四川見到d小羊好可愛, 佢就應承左Tammy一年內唔食羊. 結果佢真係做得到. 到左07年尾, 佢終於解放, o個晚同佢去食印度野, 叫左勁多羊食, 食到差d反艇咁濟!!!!!
到左06年年尾, 佢地終於重遇, Tammy o係x'mas holiday飛左黎new brunswick搵Dong, 我諗佢對Moncton 的第一個印象肯定係"唔係ma,咁ge地方都有人住ge?" 但為左Dong,佢地唔介意o係度住左幾日, 期間仲走左去飛tim.
有相為証ga! 你地睇下.
可惜由於假期有限, Tammy 住左2個星期後就要返香港了.
我諗, o個一刻, 佢一定好唔捨得Dong, 成年只係見左2個星期.
不過呢, 07年Dong因為返香港in 某大航空公司的關係, 返左香港4個月, 佢地終於又再重遇.
而且仲在8月某一日(我真係唔記得邊一日) 求婚成功tim, 當晚在尖沙咀海旁, 在一班朋友面前見證這歷史性的時刻.
佢地的一班好朋友仲為這情景拍攝左一段video, 但在這裡唔方便公開, sor!
在訂婚之後, Dong又要離開tammy返黎Moncton做instructor. o個陣佢返到黎, 第一時間同我地講 "tammy已經唔係我女朋友喇, 係未婚妻呀
" . 不過我自己費時講錯, 所以叫聲阿嫂算喇, 肯定唔會錯啦.到上年年尾, Tammy 又再一次黎左加拿大探Dong, 愛情係真係要付出, 無論金錢,或時間, 但當你愛一個人, 你就唔會再計較那麼多, 因為愛情根本唔係一條數, 唔會有一個對與錯的答案.
遺憾由於工作關係, x'mas後又要返香港lu!!!!
08年年頭, Tammy索性辭左份工, 飛黎加拿大陪Dong,做一個全職的主婦. 咁當然啦, 有我地lee班兄弟幫手車出車入, Dong就可以放心工作, 有咩事" 佢都會call我地, 叫我地睇住Tammy, 例如車出車入等等, new brunswick, if u dont have car, u will feel like u lost ur legs totally. 其實o係度, 真係好悶ga, Tammy唯有日日煲劇, facebook等等. 不過不代表冇2人世界的時間ge, 佢地閒時都會睇下戲, 或者兩個人跑下步, 行下supermarket. 只要係兩個人做的事, 開心就得, 開心,其實可以好簡單, 唔係一定食餐好, 住得好. 知足就得.
在那段時間, 同tammy熟絡左, 仲好多時教我點做人男朋友, again未有機會實行, 不過耐不耐, 聽下佢教書. 真係學到唔少野. 始終佢地維繫左一段關係咁多年, 唔多唔少都有d心得ge!.
結果6月, Dong順利入左airline, 而佢地就在上星期六在眾親友的見證下, 結為夫婦, 踏入人生另一階段. 我在此, 再一次祝賀佢地白頭到老, 永結同心. 早生貴子.
世界其實好大, 可以相識其實好難得, 可以相識成為情侶更難得, 可以由情侶成為夫婦更是難得, 我相信佢地的將來一定會好快樂. 慢慢地組織一個屬於佢地的家庭.
佢地話明年8月再搞一個更盛大的婚禮, 我自己肯定會應邀出席, 雖然唔知下年8月會o係邊, 但係地球係圓ga ma, 坐飛機, 一訓醒就到香港啦!!!!
以下係當日的一些相片, plz enjoy.
相就睇完喇, 我自己就好羨慕喇.
不過呢d相償味期有限, 始終係人地ge wedding party, not mine, 要睇ge,留返我個wedding啦, 到時我全程放上網又點話, 不過都係o個句, "拖左手先算啦!!!!"
其實人人都可以, 只要真心對你的另一伴, 為大家的relationship付出, 人人都可以好幸福.
No comments:
Post a Comment