陳年舊相

這些相係來自我的手機.
reason why咁遲先公開.
因為之前部電話入左水, 休養左半年有多.

講開部電話, 佢可以work again真係有d奇蹟(遲下再講)
d相一直o係部電話度.
結果而家就可以share 返出黎.

d相係上年大概8月尾影.

我地成班飛行學生參加左學校安排ge survival exercise. 係我地program其中一個必收subject. 目的係令我地學識如何求生. 情況有如surivior,

簡單黎講, 如果touchwood, 撞機, or emergency landing, 又奇蹟生還, 咁在救援人員未到之前, 生還者就要靠自己去求生, 直至search and resure 搵到為止.

所以今次活動, 學校就放左我地o係一個森林裡面, 落左車, 仲要行大半個鐘先到達目的地. 我地可以帶的只有水, 少量食物, 同埋一些工具.
盡量做到好似真係剛撞完機, 奇蹟生還咁.

我地的目的係要自己build一個shelter(帳篷), 自己生火, 煮食. 等等.
為期2日一夜 (唔包早餐,冇morning call)
下午去, o係forest 訓一晚, 第2朝早上, 學校派車接我們走.
整晚都有兩位經驗的instructors陪同.

當日整天下著大雨, 溫度不高, 當時都有擔心可能去不成.
結果, 都係順利出發.

去到目的地, 雨一直冇停過, 時大時小.
隨著接近夜晚, 溫度又開始下降.

不過我地的任務 , 繼續
首先, 就係要用forest裡僅有的資源, like樹支, 樹葉, 樹木等等去搭一個適合兩個人訓的shelter,兩個人一組.
大家唔洗擔心我地會破壞大自然.
因為該森林一直係用作訓練用途, 係政府許可.
當然愈少破壞,愈好.

講左咁多, 睇下相先.(相有d曚, 一來落雨, 2來,我用手機影. 質素肯定冇咁好,請見諒)

這個就係我同另一個partner的shelter, 由平地到一個似樣的shelter,大概用左3-4小時.
來來回回執一些樹木, 樹支去搭一個shelter, 表面好似只有樹支, 其實入裡,有好幾個垃圾袋(大型,to keep away from rain water), 仲有幾時大木頭(自己用斧頭劈返黎). 所以絕對穩固. 內裡, 仲有, 一張長膠布, 用作訓覺, keep away from mud, sand, insects.).

都幾住ga, 給你一個5星級的家!!!!!!
中間個hole,就係門口.

另一角度, 隱憂會見到入面有d野, 就係食物,水, 同我地衣物.

現在我地去睇睇另一示範單位.

據說, 這個shelter分數最高, 睇外觀都feel到好穩固, 門口又大, 內裡空間又闊. 空氣流通.
唔錯!!!!

這是另一個shelter, 離得係由一個人獨力興建, 單人床.


整完shelter之後,下一個任務係warm . warm = fire

所以要生火. 正如我之前所講. 當日下著水, d木又濕, 所以冇炭, 其實要生火絕對係好難好難. 初時以為紙, 係最好燒, 但係原來發覺唔係最好的burning fuel. again,好快就熄.
大家都應該睇過古仔同千嬅以前套戲, 原來真係只有"乾柴"先有"烈火"


如果只有一組可以成功生火.

從相中見到火勢唔猛, 一人一啖口水都可以整熄個火. 唔係講笑.
加上落住雨,  要keep住個火,更難.
這張相已經算係最猛火的時候.
由於當時真係好凍, 所以個個都圍住個火取暖.
有同學更預先整定一些可以烤的食物,例如蝦, 薯仔等等.
講真,我試過, 幾好食. 不過當時環境, 其實熟唔熟都未知. 食左落肚先算.(事後發覺, 安全,冇事,冇肚痛).

結果到左大概7,8點到, 基於天氣太凍, 晚上氣溫唔穩定, 兩位instructors決定call車,接我地返學校. 令我地大失所望. 事實上, 如果當晚真係留o係度過夜, 隨時有人會病倒, 要知道, 交通唔方便, 就算直昇機都去唔到. 加上生唔到火. 所以決定離開係唯一的決定

反正, 要達到目標,令我地學會左整shelter, 生火. 所以任務已完成一半. 但眼見整左個shelter又唔可以試下訓, 真係有d可惜, 可能成世仔都唔會再有機會試下訓森林的感覺.
同埋最心痛係臨走, 要整爛個shelter先可以走, 百般不願意!!!

anywayz,旅程到此就結束, 每個同學都其實已經筋疲力盡, 個個都成隻泥鴨咁, 包括我. 我嘗試搵一個位置係乾淨, 結果冇. 手,腳,衫,面, 鞋.袋. ,全部都係泥or 水.

但整個trip係開心,難忘, 獲得好多寶貴經驗. touchwood講, 下次如果有咩事,流落荒島都識得自救

記住:
shelter>warm>water> food
4大寶物. 求生必需.

分享完畢. 如果文中發覺講野可能會有d詞不達意,希望唔好介意, 我的寫作能力有限.
希望大家會喜歡今次的sharing.
thz for reading!