傷風, 感冒, sore throat,
小事, no worries,但好攰.
最辛苦係停不了的鼻水 and sometimes 鼻塞.
anywayz, 好快返黎, Don't worry.
近來得閒少少, 拎返本中學紀念冊出黎懷舊一返.
曾經作為中,小學生的blog友都或會o係臨離開學校前, 做一個非常例牌動作------------寫紀念冊.
以下o個本就係我ge紀念冊喇
冇厄大家啦, 就算買紀念冊, 個主題都係飛機. 本野係我5年前中學畢業時買, 咁即係鍾意左飛都至少有5年lu(死, 爆左自己年紀tim). Actually唔止5年, 今年08年, 係8年lu!! 8年前一個機遇就令我想成為一個pilot喇, 不過唔講住, lee d 我的志願, 下次再講.
講返本紀念冊先.
如果大家有印象,03年SARS, 到3月尾到,政府就宣佈停課, 由於事急突然, 宣佈完之後幾日後就要停課, 本來會考係比其他人早上晒堂, 提早離校溫書, 但係因為突然停課, 結果早左幾日唔洗返學, 搞到我地個個上堂都唔太專心, 上堂掛住寫紀念冊, 轉堂掛住影相留念, lunch,周圍走影相, 事先講明, 各位應屆會考生, 千萬唔好學我咁唔聽話.
諗返起都幾急, 一個form, 2百幾人, 就算識一半人,都要寫百幾張紀念冊, 寫都寫都手軟.
講到lee到, 睇下相先.
睇返lee d紀念冊, 自不然會諗返起當日開心ge日子, 校園ge日子先係最快樂, 就算會考都係開心ga!!
遺憾就係時候太急, 好多時俾左其他人寫, 又會收唔返, 有時人地俾左我寫, 我又搵唔返佢地. 仲keep住d紙.
到而家都5年, 好難得同當年的同學,朋友,仲可以keep in touch, 雖然5年內, 各有各忙, 有d上左大學, 有d離開香港, 有d出黎做野, 但關係仍然維持得唔錯.
講真, 我真係好多謝佢地ge 鼓勵, 文字流露左佢地好支持我去完全我想飛的夢想
摘錄其中一d俾大家睇下
潘X秋: 飛機師, 飛機師, 一要要做到飛機師!!
Bobby: 加油啦, 飛機師, 大個仔喇, 得閒寫信返比我呀!
Sam: 初時識你o個陣覺得你好多野講, 好搞笑, 但係識耐左, 覺得你幾好人wor, 對你有d改觀, 雖然呢, 你而家要去加拿大讀書, 希望我地成班人可以keep in touch.
Crystal: 俾心機考好會考呀, 9月上文學堂繼續搞笑.
肥鴨: F1.3,4,5 都同你同班, 我對你ge態度慢慢改觀, feel到你好好人, 個人好直, 識到你好開心, 好唔捨得你呀, 會考add oil, hope做成pilot.
Poyi: 你係個好有趣的人, 雖然成日講d無聊野, 但係同你傾計又會學到好多野,祝你會考成功,平安.
man*2: 希望你可以達成你ge目標, 我一定支持你,你係我ge好好好朋友in 5B.
首先, 講一講, 想當年的我, 真係一個好鍾意搞氣氛ge人, 好鍾意玩, 好鍾意開心.好鍾意笑ge人. 雖然會考年係緊張, 但都係幾開心.
睇返本野, 真係好掛住佢地, 6月返香港得o個4日, 更可惜係佢地o個段時間個個都走左去旅行, 一個都見唔到. 唉!!
遲下又真正開始教之後, 又要請假先可以返到香港.
不過朋友船永遠, 我深信好快可以返香港見返你地ga wor!!!最好你地快d結婚生仔, 我即飛返黎tim呀!!!!
【綜合外電報道】雌雄雙煞殺到美國!在海地造成超過五百人死亡的熱帶風暴漢娜(Hanna),昨在美國東岸登陸,造成數以萬計民居停電,機場航班取消。更可怕的是,可能高達五級的超級颶風艾克(Ike),也直逼加勒比海群島和美國,隨時令一九九二年佛州五級風怪安德魯造成的大災難再次上演。
由宪星雲圖可見,漢娜和艾克這對雌雄雙煞一先一後吹向美國。帶來豪雨的漢娜橫掃加勒比海國家海地後,於當地時間昨天凌晨在美國東岸登陸。她平均風速達每小時一百一十多公里,橫掃的地區狂風大雨、山泥傾瀉及水浸,有的地方水深達十吋。
穿梭機延遲兩日升空
初步報告指北卡羅萊納州有三萬民居停電,五萬五千居民受影響。漢娜為旅客帶來不少麻煩,羅利——達勒姆國際機場昨取消部分航班升降,一些火車亦停開。數以千計受災居民被迫離開家園暫避,部分地區宣布進入緊急狀態,一些泳灘亦要關閉。
受風暴影響,美國太空總署宣布延遲穿梭機阿特蘭蒂斯號升空時間兩天。由於漢娜吹向人口密集的紐約巿,市政府說,歷年吹襲紐約的熱帶風暴並不多見,但一旦遇上颶風,由於人口稠密,所造成的損失通常超過美國其他地區。
風速每小時185公里
颶風一波接一波,漢娜剛剛登陸,艾克又吹至,兩邊夾攻,居民想小休也不可以。美國全國颶風中心預測,移動路線和風力跟一九九二年導致六十五人死亡的五級風怪安德魯相若的艾克,會於這一、兩天內緊隨漢娜北上吹襲美國東部海岸。當漢娜吹到加拿大的時候,艾克最快會於當地時間周一,殺到古巴和佛州南部,為當地帶來山泥傾瀉及水浸。現時為三級颶風的艾克,風速為每小時約一百八十五公里。
氣象專家估計艾克越過佛州後,將吹襲離岸石油台林立的墨西哥灣,甚至旅遊勝地邁阿密一帶。當局已呼籲佛州部分地區的旅客和居民撤離,並做好防災及緊急救援準備
美國打風又關我事?????
冇錯喇, 真係關我事, 事關學飛的人所居ge地方, 就係位處於美國東北上面, 好近美國邊境. 所以呢, 幾可肯定個風, 吹美國之餘, 又預埋加拿大一份!!!
學校好"隆重歧視" lee個風瀑. o係學校post左好多張memo, 話俾我地聽小心個風,同埋提醒我地dispatchers o係臨收工之前, 記緊將所有飛機tie down 晒. make sure佢地唔會俾個風吹走. d notices 多到,基本上, 每個corner位都會見得到!!當然唔排除係d頑皮的學生將d notices翻印, 周圍貼. 好似追債咁!!
暫時, 我地都未知個風會對我地帶黎咩影響. 但係尋日就有d唔尋常野發生, 突然我飛飛下期間, 收到tower通知話全市停電. 都停左幾耐下, 2個鐘先完全有返電力.
冇錯喇, 風繼續打, 工亦都要繼續開. 聽日我個shift 係聽朝5點開始, lee個shift係叫做"死人lum樓"shift, 意思係, 無請論聽日個天lum落黎好, 落雪大到出唔街都好, 我都要返去開門, 開門, 唔係重點, 重點係要返學校做接線生. 因為學校d高官會經常打電話返黎問下學校的情況.
anywayz, 聽日大風唔緊要, 最緊要,唔好吹走我架車, 如果唔係, 我就要行返學校!!千萬唔好呀!! 講笑咋!!如果架車吹得郁, 咁我行出街, 咁咪上得太空lu!!!!!